Yndisleg frétt um náungakærleikann...

„Settu vatn í skál og kertið ofan í, sestu svo niður á rólegum stað og tendraðu ljósið, fyrir vonina, trúna og kærleikann,“ segir í bréfi kærleikshópsins dularfulla á Patreksfirði...

 

  

Við gleymum svo oft hversu gott er að geta leitað, innra með okkur að ljósi hjartans sem þar býr. Fyrir okkur sjálf og gefið af til annara.

Ljósið sem gefur trú, von og kærleik og tengist einhverju æðra og meira, en við getum skilgreint eða skilið fullkomlega, nema hver fyrir sig...

(tekið af öðrum bloggfærslum mínum;)

Að vakna...

Verndarengillinn sem færði mér vonina...

Orð mín tengd kærleikanum;

Í orðunum Trú Von og Kærleikur felst meiri sannleikur, en nokkurn grunar…

Lát trú, von og kærleik kenna þér, að lifa og njóta í lífsgleði hér…

Kærleikurinn opnar allar leiðir...

Innst í hjörtum allra það býr kærleiksaflið, sem öllu snýr...

Umvefðu aðra í kærleik og stráðu fegurð í kringum þig,

í formi hugsana og gjörða. Því orka býr í öllum hlutum !

Láttu það neikvæða hörfa undan og víkja fyrir því jákvæða...

Mikilvægi mannúðar, er menntun mannkyns...

Ást og kærleikur hafa þann mátt meir

en nokkurn mun gruna.

Græðandi, umvefur, alla í sátt

og eftir því skulum við muna.

Þegar orðin fóru að berast mér fyrir mörgum árum, stundum í formi ljóða eða...var ég ekki viss um hvernig ég ætti að skilgreina þau, lífsspeki - heilræði - spakmæli. ( en þau koma til mín sem lífsspeki ljósbera )

Ég kalla þau heilræði Hönnu hér...

Er ekki orðið tímabært að við virkjum ljóskraft samvitundarinnar. Að við biðjum þess að heilunar-og kærleiksorka umvefji okkar fagra land, náttúru þess og þjóðina alla.

Og að ráðamenn upplifi hana og eða uppgvöti í hjörtum sínum, ásamt ráðamönnum erlendis, sem þó hafa brugðist okkur á óverðskuldugan máta, enn sem komið er. Svo allir munu finna fyrir kærleiksloganum, sem guðdómleikan geymir, sem hafin er yfir öll trúarbrögð og trúarstefnur, þar sem hann er þó að finna undir mismunandi túlkun mannanna.

Sú reiði er réttlát, sem hér hefur ríkt, hún hefur hjálpað til með hreinsun og kallað á umbreytingar í þjóðfélaginu, sem þurftu að gerast á öllum sviðum. Og við skulum öll eftir bestu getu og aðstæðum hlúa að þeim, sem minna mega sín og styrkja fjölskyldu-og vinatengsl á þessum umbrotatímum.

Og stöndum vörð um arfleifð okkar og auðlindir. 

Hér má lesa um hugleiðingar mínar um komu sporðdrekamóðurinnar Náttúrunnar tal og val... og virðist sem hægt sé að lesa hér heilmikið og tengja við líðandi stund í sambandi við margt sem gerðist í þjóðfélaginu áður sem og núna. Sem og úti í hinum stóra heimi. Mannkyn allt stendur á þröskuldi nýrra tíma með breyttum áherslum á lífsgildum, lífsháttum og lífsviðhorfum.

Og hvert við stefnum í átt til breytingana, sem við þurfum að takast á við, bæði ytra sem og hið innra. Hvert um sig og í sameiningu...

Í þessum skrifuðu orðum mínum fékk ég símtal frá systir minni sem býr í Noregi. Hafði hún rekist á gamlar hugleiðingar um blekkingar í þjóðfélaginu, sem ég hafði skrifað og ákvað að hringja um leið í mig, fyrst ég kom í huga hennar. Og spjölluðum við aðeins saman um lífið og tilveruna. Spurði hún mig síðan hvort ég hefði fest á blað eitthvað nýlega tengdu tilverunni. Þannig að ég ákvað eftir ýtni hennar til að setja hér orð niður, sem komu til mín 16 september s.l. og tengjast því sem ég var að skrifa um hér að ofan þ.e. kærleikanum. ! Það er svo margt óútskýranlegt sem gerist í þessu blessaða lífi. Þarna tengdust hugar okkar systranna yfir hafið og hefði ég ekki sett þessi skilaboð hingað ef hún hefði ekki hringt...

Mannkyn stendur á þröskuldi nýrra tíma, sem birtast sem ný lífsgildi, er standa þó á fornum meiði. Dyrnar standa opnar þeim er tilbúnir eru að stíga skrefin til fulls til vitneskju sannrar tilveru þeirra, í alheimslífi. Að uppgvöta og upplifa sitt innra líf. Skuggi ytra lífs mun víkja. Hulunni verður svipt af innri sýn. Og stöðvar í heilanum verða virkjaðar að nýju Og óvirkir lyklar í DNA erfðarkeðjunni verða virkir. Og opinberast þá sannleikur týndra kynslóða, sem reynt hefur verið að dylja. Og kærleiksljósið tendrast á ný. Og í loga þess er ekkert myrkur eða skuggar ótta, sem viðhalda hinum andlegu fjötrum mannsins. Kærleikurinn er aflið, orkan, krafturinn og ljósið, sem sameinar og upplýsir tilveru og markmið Almættisins, sem öllu snýr í óendanleikanum, því hann er í okkur og við í honum.

josira

Bæti hér við nokkrum kærleiksríkum slóðum;

 

Kærleiksvefur Júlla  

Kærleikssetrið 

íslensk fræði-kærleikur frá Árnastofnun,

Kærleikssamtökin fyrir börn 

Liljan, hvað er kærleikur

 

Gáfu kærleikskerti í skjóli nætur

Athugasemdir

[Sigríður B Svavarsdóttir, 24.10.2009 kl. 17:50]

Yndisleg færsla Hanna mín.. Takk fyrir fegurð þína og að kunna að njóta hennar, gefa frjáls af fegurð þinni á lífið og vera einlæg  í hjarta þínu.  Þú ert búin til úr kærleik  fallega kona.

[josira, 26.10.2009 kl. 11:17]

Kærleikurinn býr í öllum  mín kæra

Veröldin vakir, tengingin tær
trú og traust í farveginn ljær.
Ljóssins ljómi, frelsi gefur
góðvild í hjarta, og veginn vefur.