Var forsetinn ekki bara að segja sannleikann ...

Og heldur finnst mér tekið djúft tekið á lýsingarorðum morgunblaðsmanna í inngangi greinarinnar um ummæli Ólafs.

" Forsetinn var háfleygur í orðavali að vanda "

(átti þetta að vera frekar last en lof ...eða hvað)

Hálf fáránlegt er einnig að halda því fram að þessi orð Ólafs forseta kunni að hafa kostað þjóðarbúið milljarða króna.

Varðandi þessa viðvörun forsetans, sé ég ekki betur en þetta séu lýsingar á því, sem við Íslendingar erum að heyra þessa dagana, sem og aðra frá vísindamönnum. Og þarf ekkert að fela það. Gott er að geta verið viðbúin(n) því sem þarf að takast á við hverju sinni.

Og höfum við nú Íslendingar reyndar alist upp við frá fornu fari að lifa í nágvígi náttúrunnar hér í blíðu og stríðu.

Og síðustu árin meðal annars fengið að heyra að hugsanlegt Kötlugos gæti fylgt á eftir eldgosi í Eyjafjallajökli. (sem ekkert er víst að hún fylgi endilega eftir) Hún hefur bara sína hentisemi á því. Við búum í okkar sérstaka landi elds, íss og vatns. Þannig er nú það. Kæmi mér ekkert á óvart þó annars staðar, þyrfti landsins orka að losa sig á undan.

Munurinn nú og áður fyrr er að tækni og vísindi nútímans geta séð á nokkuð öruggan máta, sé eitthvað í uppsiglingu með jarðskjálfta, eldgos eða ofan-flóð eða hlaup í ám eða jöklum.

Þar að auki eru mælitæki og myndavélar á helstu stöðum, þar sem sjást og finnast hin ýmsu merki um hvað sé í gangi hverju sinni hjá náttúruöflunum okkar. Það eitt eru breyttir tímar.

 

Og við skulum fylgjast bara með í rólegheitum hvað gerist með hækkandi sól og vita hvort ferðamannastraumurinn muni ekki liggja hingað sem endranær. Spurning hvort við þurfum ekki að koma sem flestum skemmtiferðaskipum hingað og helst stefna að því að eignast sjálf 1-2 eða taka á leigu með einhverjum fjárfestum. Þeir ku finnast bæði hér á landi og erlendis.

Og hvað varðar ferðalangana, sem hingað munu koma er gott fyrir þá að kynna sér sögu landssins og vita að heimsóknin er enn eftirtektarverðari fyrir það eitt, að hér er lifandi land, sem er enn í vexti og mótun.

josira

 

Dýrkeypt yfirlýsing forsetans