Nöturlegar fréttir, sem berast af ástandinu í Grikklandi ...

frá þessu fallega gamla menningalandi. Sorglegt hvernig fátæktin er að leggjast yfir land og þjóð og fjólda þess fólks, sem á orðið varla ofan í sig og á. Atvinnulausir þar í landi teljast nú vera um 4,4 milljónir manna.

Erfitt er núna um vik fyrir okkur íslendinga, að rétta grísku þjóðinni hjálparhönd í neyð þeirra. Þó er eitt sem við getum gert og það er að biðja um í hug og hjarta og sjá fyrir okkur að ljós heilunar-og kærleika umvefji grísku þjóðina og fallega landið þeirra. Og að einhver lausn finnist eða fáist þeim til hjálpar.

 

"Aþena, höfuðborg Grikklands og stærsta borg landsins, á sér mikla sögu sem spannar allt að 3 þúsund ár aftur í tímann. Hún hefur verið kölluð vagga vestrænnar menningar og lýðræðisins og Parthenon-hofið á Akrópólishæð annálaðasta kennileiti hennar. Íbúar hinnar eiginlegu Aþenu eru um 750 þúsund en nær 4 milljónir ef Stór-Aþenusvæðið allt er talið með. Þótt fáar borgir eigi sér jafn sögulega arfleifð þá er Aþena í dag nútímaleg og iðandi stórborg, miðstöð fjármálalífs landsins, stjórnmála og menningarlífs og taldist árið 2008 vera 32. ríkasta borg heims." (fengið af vef mbl.is)

 

Einstaklega fallegar myndir er hér að sjá af hinu sérstaka Grikklandi.

Við megum vera þakklát fyrir það, sem við höfum hér á Íslandi, þó þröngt sé í búi hjá mörgum og þá sérstaklega nú í jólamánuðinum. En fámennið hér gerir okkur mun auðveldara fyrir, að halda utan um þá sem hér eiga bágt.

 

josira

Grikkir sagðir horfa fram á mannúðarkreppu

Athugasemdir

[Óskar Helgi Helgason (IP-tala skráð) 17.12.2011 kl. 22:54]

Heil og sæl Jóhanna (Josira) !

Tek undir; með þér.

Skelfilegt; á allan máta, hversu dýrkeypt það er Grikkjum, að vefjast inn í eitur vefi Evrópusambandsins.

Með beztu kveðjum; úr Árnesþingi /

[Óskar, 17.12.2011 kl. 23:33]

Ömurlegt ástand en nafni, þetta hefur EKKERT með Evrópusambandið að gera.  þvert á móti væri ástandið sennilega mun verra í Grikklandi væru þeir ekki i ESB.

[Óskar Helgi Helgason (IP-tala skráð) 17.12.2011 kl. 23:50]

Komið þið sæl; að nýju !

Nafni minn; Haraldsson !

O; jú, því miður.

Þau lönd; sem ánetjast hafa Heimsvaldasinnum í Evrópu - sem og Bandarísku Heimsvaldasinnunum (Mið- og Suður Ameríkuríki, mörg hver) hafa farið skelfilega, út úr þeim viðskiptum, öllum.

Frakkland - Bretland - Þýzkaland og Bandaríkin; eru og verða, einhver alverstu niðurrifsbæli, gagnvart smærri og vanmáttugri ríkjum, unz; brotin hafa verið, á bak aftur, nafni minn góður.

Með; ekki síðri kveðjum - en þeim fyrri / 

[Bernharð Hjaltalín, 18.12.2011 kl. 00:18]

Komið þið sæl, ég sigldi með m.s. Öskju til Grikklands með fullfermi af saltfisk.1964.

Við getum hjálpað þeim opnað súpueldhús í c.a. tvo mánuði er ekki hafið hjá okkur fullt af fiski, og makríl,ég er til í sjálboðavinnu í c.a. 3.vikur,

vilji er það sem vantar, er sammála Óskari Helga nú eru þeir að hóta Marókómönnum, þar vill eytraða evrópusamband vaða inní landhegi þeirra og veiða án eftirlits,ef við stöðvum ekki Jóhönnu og co munu þau hleypa þeim inní landhelgi okkar , nei esb

[Sólbjörg, 18.12.2011 kl. 09:57]

Athyglisvert er að meirihluti íslendinga sem undanfarið hafa flúið atvinnuleysið flytur til lands sem er UTAN ESB, til Noregs. Þangað eru farnir 2.228 íslendingar land sem var ekki hátt skrifað á vinsældarlista okkar áður fyrr. En aðeins 791 hafa flutt til ESB landsins Danmerkur og 821 til Svíþjóðar. Þetta eru lönd sem eru ekki lengur fær um að veita velferðarþjónustu í eins og áður en þeir gengu í ESB.

Tölur brottfluttra og hvert þeir fara segja allt, ekki er hægt að rengja þær eða snúa út úr þeim.

Ástandið væri örugglega miklu betra í Grikkland ef þeir væri ekki í ESB. Hvað varðar Ísland, þá má leiða líkum að ástandið væri svipað og í Grikklandi og Írlandi ef við værum í ESB.

[Birgir Gudjonsson (IP-tala skráð) 18.12.2011 kl. 10:13]

Óskar.

Ef Grikkir hefðu ekki gengist undir ESB, hefðu þeir sinn eigin gjaldmiðil, og gætu þar með stjórnað kreppuni meir.

umm....EINS OG ÍSLENDINGAR !

Þeim væri betur borgið þarmeð.

[Gunnlaugur Ingvarsson (IP-tala skráð) 18.12.2011 kl. 10:14]

@ Óskar 17.12.2011 kl. 23.33

Þú segir að þetta hörmungar ástand í ESB/EVRU ríkinu Grikklandi hafi ekkert með ESB að gera, ástandið væri sennilega bara verra ef þeir væru ekki í ESB. Þvílíkt bull.

Enda segir þú þetta bara si svona, alveg rakalaust, enda hefur þú heldur enginn haldbær rök fyrir því máli þínu.

Sannleikurinn er sá að EVRAN sem er afleiðing þess að Grikkir eru í ESB hefur leikið Grískan efnahag og almenning mjög grátt og nánast lagt hann í rúst.

Æðsta Ráð ESB valdaklíkunnar hefur alla tíð haldið úti falskri öryggiskennd af yfirburðum og öryggi þess að hafa þessa uppdigtuðu Elítumynt þeirra.

Auk þess átti að vera gríðarlegt efnahagslegt skjól að vera innan ESB og með EVRU.

Þetta hefur gert það að verkum að ýmsar Ríkisstjórnir aðildarlandana hafa lifað við falskt öryggi og haldið að þeir hefðu einhverskonar samEvrópskt öryggisnet og þetta ýtti undir ábyrgðarleysi í efnahags- og fjármálum þeirra.

Síðan í ofanálag vegna fjórfrelsisins svokallaða sem átti að vera svo fullkomið að þá var dælt lánsfé inní lönd eins og Grikkland og féið boðið á allt of lágum ESB vöxtum.

Þetta hreinlega eyðilagði efnahaginn og sprengdi upp hagkerfið. Grikkland hefði fyrir löngu þurft ca 50% gengisfellingu til þess að koma hjólum atvinnulífsins á stað og draga úr atvinnuleysinu.

Nei Ráðsstjórnin í Brussel er bókstaflega að drepa Grískan almenning.

Þeir hafa nú sett af réttkjörna stjórn og forsætisráðherra landsins og sett í hans stað sérstakan Landsstjóra Brussel Elítunnar yfir landið.

Hann fær síðan tilskipanir beint frá Btrussel um að ofurskattleggja landsmenn sína.

Segja upp hundruðum þúsunda fólks í opinbera geiranum. Skera niður lífeyri og örorkubætur.

Síðan skal hann selja allar helstu eignir og auðlindir þjóðarinnar á brunaútsölu helst til stærstu auðhringa Evrópu.

Að lokum þá skal hann sjá um að berja niður öll mótmæli og andspyrnu.

Síðan var hann fenginn til þess að taka gríðarlegar fjárhæðir að láni frá AGS og EFSF Björgunarsjóði ESB á okurvöxtum og með landið sjálft að veði. Ekki til þess að hjálpa Grikkjum á fætur. Nei aldeilis ekki, þessir lánafjármunir fara allir í að borga helstu og stærstu braskbönkum á ESB svæðinu til baka til þess að þeir tapi sem minnstu, helst engu á ábyrgðarlausum græðgislánum sínum til Grikklands á sínum tíma.

Síðan skal Grískur almenningur, skattgreiðendur framtíðarinnar greiða allan reikningin.

Það er nú búið að fjötra Grískan almenning og næstu kynslóðir þeirra í Samevrópskt Skulda og ánauðar fangelsi í nafni ESB og skuldavafningsins EVRUNNAR og þessa stórkostlega fjórfrelsis þeirra.

Man einhver lengur eftir Auscwitch ?

[Sólbjörg, 18.12.2011 kl. 12:30]

Frábær athugsemd hjá þér Gunnlaugur - hvet þig til að koma þessu sem grein i Fréttablaðið. Því þetta er meitluð útskýring hjá þér og vel skrifuð. Það er mikil þörf á að fólk sé upplýst á stuttan en kjarnyrtan hátt hver raunveruleikinn er.

Nú þarf ekkert opinbert Auscwitch með byssukjöftum, evran er stjórntæki sem sér um að hneppa heilar þjóðir í ánauð.

Forði okkur allir góðir vættir frá þeim illu örlögum.

[Gunnlaugur I., 18.12.2011 kl. 13:37]

@ Sólbjörg.

Ég má til með að þakka þér kærlega fyrir hólið.

Þetta vitleysis tal um "björgun" Grikklands er mefnilega hin argasta öfugmælavísa !

Þetta er aðeins spurningin hvort Gríska þjóðin sé dæmd til þess að verða skotinn, hengd eða hálshöggvin, eða dæmd til ævilangrar fangelsisvistar !

[Sólbjörg, 18.12.2011 kl. 14:20]

Vona innlega Gunnlaugur að þú skrifir góða "hugvekju" til að sem flestir vakni til vitundar um raunveruleikann sem er að gerast. Fólk verður sem flest að vakna og nota mátt sinn. Það er brýn nauðsyn því bjartasta von þjóðarinnar er þjóðin sjálf - og í raun eina von Íslands.

Verum minnug þess að Óafi Ragnari var mögulegt að beita neitunarvaldi forseta í Icesave málinu vegna þess að hann hafði áskorun og stuðning þjóðarinnar með sér.

Með vinakveðju.

[josira, 19.12.2011 kl. 12:31]

Kæra fólk, ég þakka fyrir innlit og umræður. Er sammála Óskari Helga, Bernharði, Sólbjörgu, Birgi og Gunnlaugi um að ESB sé orðið varhugavert batterý.

Að einhverju leyti má þó segja, að í upphafi hafi hugmynd eða hugsjónin að baki, sem leiddi síðar til stofnunar ESB, ekki verið alslæm. Forsaga þess nær aftur til uppbyggingar Evrópu eftir seinni heimstyrjöldina. Þar sem friður, frelsi, samhjálp og jöfnuður manna og landa var leiðarljósið úr þeim skelfilegu hremmingum.

Það eru víst kostir og gallar, sem ætíð virðast fylgjast að í öllu og öllum. Og spurning þá væntanlega hverju sinni, hvort sé meira ríkjandi.

Kostir samruna og sérstöðu manna og landa á hinum ýmsu sviðum, hafa koðnað í meðhöndlun ESB. En Gallar og græðgi halda því miður nú um stjórnartaumana.

Og mæli með því Óskar, að þú lesir orðin hans Gunnlaugs. Þau segja allt, sem segja þarf og tek ég undir með Sólbjörgu og hvet þig Gunnlaugur, til að munda pennann og gera blekið sjáanlegra.

Og Bernharð, hugmynd þín til hjálpar Grikkjum í gegn um súpueldhúsið er harla góð. Næsta skrefið er að koma henni í framkvæmd ! Sendu tillögun til ráðamanna þjóðarinnar er þeir koma að nýju til vinnu eftir áramót

Makríll er vinsæll matfiskur og þykir ljúffengur. Hann er annað hvort eldaður eða notaður sem sashimi. Makríll inniheldur mikið magn af vítamíninu B12 og omega 3 fitusýrum.

Í Skandinavíu og á Bretlandseyjum er dósamakríll í tómatsósulegi algeng fylling í brauðsamlokum.

Er ekki alveg upplagt að sjóða saman næringaríka uppskrift að makrílssúpu !

Að lokum voru það ekki fagrar fréttir sem ég var að rekast á um stöðu Grikkja í dag;

Þríeykið, ESB/AGS/Seðlabanki Evrópu gera nú nýjar kröfur á hendur Grikkjum um niðurskurð eða nýjar skattahækkanir upp á 2 milljarða evra að sögn ekathimerini í morgun.