Fótspor í friðarátt...

 

hjá Bandaríkjaforseta, Barack Obama.

Fréttin um ákvörðun hans með fækkun kjarnorkuvopna, kætti mitt litla hjarta. Þetta skref hans inn á friðarbrautina, er í átt til friðar og sátta í heiminum. Vona ég að það verði einnig áskorun á önnur ríki, er hafa undir höndum kjarnorkuvopn að gera slíkt hið sama og feta í fótspor hans.

josira

Obama hyggst fækka kjarnorkuvopnum

vitund vaknar á þeim degi,

 

er ljósið þú finnur á lífssins vegi...

 

 

Engan það meiðir

er náttúran seiðir

seint að kveldi

könnun, það teldi.

Tilveru köll

í koti og höll

hörund strýkur

svefni lýkur.

Löngun vaknar

vegvís saknar

sál og hjarta

hyggju, bjarta.

Boðberans ómar

óskinni til sómar

sporbraut út gefur

glampann nú hefur.

Hvetur til dáða

dýrgripi báða

blikið að njóta

nálægð hljóta.

Hlutverki sínu

samstillt á línu

á ljósvaka braut

burt er öll þraut.

 

josira

bænin...

 

 

Í bæn felst fegurð hug og hjarta. Bæn tengir hug og hjarta þess er biður bænarinnar við ljósorku hinna andlegu sviða. Og má segja að með bæninni skapast andleg tenging, sem aftur gefur styrk og næringu frá alheimsaflinu, kærleikanum - orku þess æðra. Allflestir hafa einhverntíma beðið bænar undir hinum ýmsu aðstæðum á lífsleiðinni. Í bæninni felst meiri orka en okkur grunar.

Við ættum að reyna að tengjast í bæn fyrir afkomu og réttlæti lands og þjóðar á þessum erfiðu tímum hér á landinu litla. Láta bænarorðin stíga upp til æðri orkusviða og magna birtu þess til baka í þjóðarvitundina. Við gætum t.d. sameinast í lítilli bæn í eina mínútu, þó ekki væri meir, hvar sem væri, á fyrirfram ákveðinni stund.

  

josira

Leyndardómar innri sviða ...

 

 

Hverjir eru leyndardómar innri sviða mannsins ?

Eru það leyndardómar þegar að er gáð ?

Nokkur orð um mína skynjun eða skilning á samspili þessara þátta mannverunnar...

Innri svið mannsins má segja að sé annað líf, hinn andlegi líkami - hin innri vitund tengt þeim jarðneska á missterkan máta. Sumir hugsa ekkert um þessi tvo aðskildu líf sín, sem bæði eru svo samtvinnuð, en samt þó aðskilin. Aðrir eru vel meðvitaðir um þessi tengsl. Enn aðrir lifa bæði lífin ómeðvitað.

Tvenndin eru heimarnir tveir, sem hver og einn geymir og eru hin duldu sannindi, sem sífellt eru að koma betur í ljós. Hinir andlegu og efnislegu heimar, sem mætast í mannverunni...

 

Í hinni andlegu hlið okkar býr hið guðdómlega ljós - kærleiksljósið, sem allir hafa og sækist það eilíflega eftir samstillingu hugar, sálar og líkama og leitar eftir að efla loga sínn. Okkar verkefni er að uppgvöta þennan sannleik. Oft nálgumst við þessa vitneskju eftir eða í gegnum ýmiss konar erfiðleika. Í lífinu lifum við ýmist í skugganum ( myrkrinu ) eða birtunni ( ljósinu ) Og flest okkar þurfa að ganga í gegnum myrkrið til að finna ljósið.

Í innsta eðli okkar ( vitundinni ) leitumst við eftir jafnvægi, bæði ytra sem og innra með okkur.

T.d. lífsviðhorfs breyting hjá manneskju, sem lifað hefur við óholla lífshætti og finnur sig knúna til að snúa við blaðinu, þá fylgir manneskjan eftir undirmeðvitund sinni innan frá og út og þá samstillast lífin til góðs fyrir viðkomandi og aðra. Viðkomandi fer eftir sinni innri rödd, hlustar á rödd hjartans, sem er kærleikurinn. Lifir í kærleikanum í hugsun og gjörð. Ljósið lýsir leiðina frá myrkrinu. Og magnar þá björtu orkuna í kringum sig. Kærleikurinn er hið mikla afl sem öllu snýr, alheimskrafturinn, sköpunin sjálf, sem öllu tengist. Þar með samvitundin einnig ( við öll )

Mætti þá einnig álykta, að hugsanir eða gjörðir sem neikvæðar má teljast t.d græðgi, spilling, valdabarátta og fl. geta magnast og viðhaldist hjá manneskju -m, sem síðan aftur hefur áhrif á fjöldskyldur, samfélög og þjóðfélög þar til eitthvað gerist og hin andlega vitund sem innra býr, skynjar alla þessa neikvæðu orku og vill breyta henni í jákvæða og hefst þá viss umbreyting á hegðun og hugsun, sem sækir t.d í réttlætiskennd, breytt lífsviðhörf og lífshætti.

Líkt og er að gerast í þjóðfélagi okkar og víðar í heimimum eftir alheims-banka-efnahagshrunið.

Og samvitundin kallar á breytingar á fjölmörgum sviðum lífssins. Það er farið að sjá í gegnum þessar mannlegu blekkingar, sem jafnvel eru margra alda gamlar. Innri vitund mannkyns er á leið til hærri sviða ( tíðni ) Og kallar það t.d. á að huga betur að heilsu líkamans.

Því sé andlegt heilbrigði gott, styrkir það og ver betur hinn efnislega ( jarðneska ) líkama fyrir kvillum og sjúkdómum og skapast þá aukið jafnvægi beggja líkamana og samstillig til heilsu og heilbrigðis.  

Í hug og hjarta býr tenging tær.

josira

Hugsjón um Haiti...

Í hjarta mínu ber ég ósk og von til þess að þær hörmungar, sem yfir Haiti hafa dunið verði til þess að alþjóðasamfélagið vakni til vitundar og samstöðu. Allt það veraldlega vafstur sem fylgir hinu daglega lífi okkar hverfur einhverveginn í fjarska, þegar svona náttúruhamfarir dynja yfir. Eitthvað hreyfist innra með manni og samkennd vaknar. Þessi mannlegi þáttur í okkur að vilja halda utan um þann er bágt á.

Hjálparsveitin okkar íslenska á heiður og þakkir skildar fyrir störf á Haiti, svo og allt það fólk sem leggur hönd til hjálpar þarna úti, þá, nú og síðar.

Það getur eflaust engin sett sig í spor þess fólks sem lendir í slíkum hamförum sem Haitibúar nú, nema þeir er í því lenda eða koma að björgunarstörfum.

Óskin og vonin sem í hjarta mínu búa um að jarðarbúar geti lifað saman í sátt og samlyndi, tengist til atburðanna á Haiti. Ef slíkar náttúruhörmungar verða ekki til að vekja okkur mannfólkið til vitundar um líf og tilveru okkar hér og sterka tengingu innbyrðis veit ég ekki hvað þarf til.

Þessi stóri jarðskjálfti dynur yfir þegar einar mestu hagkerfis-hremmingar hafa gengið yfir heimsbyggðina á s.l. mánuðum. Atburðirnir í efnahagskerfi heimssins snerta hundruð milljónir manna og lífsafkomu þeirra. Og við vitum það fullvel að þau stóru áföll tengjast öll mannanna verkum, sem stjórnast hafa að græðgi og valdabaráttu.

Má segja að þau mannlegu öfl hafi einnig stýrt lífi og lífsafkomu fólkssins á Haiti fyrir náttúruhörmungarnar. Hér má lesa lítillega um sögu eyjamanna, en valdabarátta og hervald þeirra aðkomnu, hafa ráðið ríkjum og hafa haldið almúganum í sárri fátækt um langa tíð. Hér má einnig lesa pistil um Haiti, sem Þorleifur Örn Arnarsson hefur skrifað.

Hugsjón mín Haiti til handa er sú, að í öllu þessu niðurbroti þjóðarinnar og þjáningum, felist tækifæri fyrir þjóðir heims að vakna til vitundar sinnar og tengjast í gegnum mannkærleikann, virkja samvitundina ( hugsun og gjörð )

   

Að þau muni starfa sameiginlega að hjálp og uppbyggingu þessa fallega, en fátæka lands. Koma lífi og lffsýn fólkssins í annan farveg. Hersstórnin harða þarf að víkja og lýðræði fólkssins að rikja.

Það sem ég er að reyna að koma frá mér er einfaldlega það, að Haiti gæti orðið að fyrirmyndar landi þar, sem þjóðir heims hafa lagst á eitt með að endurreisa þjáða þjóð, sem mein sín ber bæði af manna- og náttúruvöldum. 

Og að skilningur manna opnist meir og betur fyrir veru okkar hér og jarðlífi. Við eigum í raun hvert og eitt okkar tilverurétt og með friði, jafnrétti og meiri kærleik mun svo margt samstillast.

Ýmislegt mætti t.d. læra af því sem við köllum: Höfuð syndirnar sjö - og dyggðirnar sjö ( fengið af vísindavef HHÍ. )

josira

 

Við erum svo smá og varnarlaus í veröldinni, þegar slík vá skellur á...

sem var þegar jarðskjálfti 7,0 á richter skók Haiti þann 12 jan. s.l. ásamt eftirskjálftum og virðist allt benda til, að verði einn mannskæðasti jarðskjálfti sögunnar...

En sameining gefur styrk og hjálp til að takast á við afleiðingarnar...

Það getur ekki annað verið, en að heimsbyggðin öll muni taka saman höndum til hjálpar Haitibúum eftir þær skelfilegu hörmungar sem þar dundi yfir við þennan svakalega jarðskjálfta... Leggi niður vopnaskak, stríð og erjur og sameinist til hjálpar...

Alþjóða björgunarsveitin ( rústabjörgunarsveitin ) frá Íslandi, fólkið okkar sem nú leggja nauðstöddum lið á Haiti og hér heima. Landsbjörg og Rauði krossinn eiga heiður skilið hversu brátt þau brugðust við...

RKÍ hefur hafið símasöfnun vegna jarðskjálftanna

 

Rauði kross Íslands hefur hafi símasöfnun vegna jarðskjálftans í landinu. Hægt er að hringja í símanúmerið 904 1500 til að gefa í söfnunin og þá bætast þá 1.500 kr. við símreikninginn viðkomandi. Það skal þó tekið fram að símtalið kostar 79 kr. Samkvæmt upplýsingum frá Símanum rennur andvirði símtalsins inn á reikning söfnunarinnar.

Einnig er hægt er að styrkja hjálparstarf Rauða krossins með því að greiða inn á reikning hjálparsjóðs í banka 0342, hb. 26, reikn. 12, kt. 530269-2649.

Hér má sjá fréttir frá hinum ýmsu löndum til bjargræðis Haitibúum...

http://www.youtube.com/watch?v=i_UhUdPUV1s

Allt er svo hverfult og við slíkar hörmungar verður einhvern veginn allt það veraldlega ( peningar, völd og eigur ) sem hismi eitt...Verðmætin eru hvert mannslíf og það þau hafa að geyma...

http://www.youtube.com/watch?v=xAKGAYwqUrw&feature=channel

Mikill er vanmáttur okkar gagnvart slíkum náttúruhamförum sem og öllum öðrum...

Hræðilega erfitt að horfa á...

http://www.youtube.com/watch?v=tb8GaAJzfI0&feature=channel

http://www.youtube.com/watch?v=CQk7zkLXU6c&feature=channel

Nýjar fréttir af aðstöðu fólks, sem bíður læknahjálpar...

http://www.youtube.com/watch?v=JMfLGIB23zw&feature=channel

Biðjum fyrir Haitibúum og hjálparfólki öllu...

 

josira

Eymd og örvænting hvarvetna

Mbl. minnist ekkert á viðtöku Ólafs forseta á Nehru friðar og afvopnunar verðlaununum í Indlandsferðinni !

( smá innskot...á meðan ég var að vinna í þessari færslu minni, tók frétt mbl. smá breytingu bæði varðandi myndir og texta ( verlaunaafhendingunni bætt við ) ... ( en ég er ekkert að breyta fyrirsögninni nú )

Einkennilegt að ekkert skuli vera í þessari grein mbl. minnst á afhendingu Nehru verðlaunanna til Ólafs forseta, sem fram í Indlandsförinni...

Það ætti nú að segja þá sögu til næsta bæja og landa...

Augu heimssins beinast að okkur þessa dagana margra hluta vegna og ættum við að nýta okkur það til góða. Aukin vináttu- og viðskiptatengsl við slíka stórþjóð lýðræðis, sem Indland er og sem telur rúman milljarð manna hlýtur að auka á virðingu okkar í alþjóðasamfélaginu.

Ég held að við hér á litla landinu, gerum okkur ekki alveg grein fyrir hversu mikilsverður heiður þessi er, sem forsetinn okkar hlýtur og athygli á heimsvísu, sem einnig mun snerta landið og þjóðina alla. Við erum þekkt sem lítil friðarþjóð og munu verðlaun Ólafs forseta auka enn við þann orðstír. Og kappkosta ættum við að friður ríki meir milli ráðamanna almennt innbyrðis hér heima og meiri sameind í þjóðarmálum.

Ég er nú farin að hallast á að máttarvöldin séu okkur hliðholl...Tímasetningin er alveg mögnuð...Indland er eins og kunnugt er fjölmennasta lýðræðisríki veraldar og hugsið ykkur hversu margar milljónir manna um allan heim munu fylgjast með eða frétta af í gegnum fjölmiðlana. Vá. Þvílík landkynning og þá jákvæð fyrir friðsömu þjóðina litla Ísland í brennidepli með í för forsetans.

 

( og munið að Gordon Brown sækir innblástur til Nelsons Mandela ! )  En forsetinn okkar fer í viðurkenninga- og verðlaunahóp með Nelson Mandela sjálfum, en mr. Brown ekki !

Já þannig er það nú bara....Brown kemst ekki með tærnar þar sem Ólafur Ragnar er með hælana...

Meðal þeirra sem hlotið hafa Nehru verðlaunin sem er æðsta viðurkenning og verðlaun, sem Indland gefur og stendur fyrir fyrir friði og afvopnun í heiminum,  eru:

Martin Luther King forystumaður í réttindabaráttu blökkumanna,

Nelson Mandela leiðtogi Suður-Afríku,

Móðir Teresa leiðtogi í mannúðar- og líknarstarfi,

Helmut Kohl kanslari Þýskalands,

Aung San Suu Kyi frelsisleiðtogi íMyanmar (Burma),

Olof Palme forsætisráðherra Svíþjóðar

Og framkvæmdastjórar Sameinuðu þjóðanna, Javier Perez de Cuellar og U Thant sem fyrstur hlaut verðlaunin árið 1965.

Í fyrra var verðlaunahafinn Luiz Inacio Lula da Silva forseti Brasilíu.

Og mun forseti vor Ólafur Ragnar, bætast í hóp þessa merka fólks nú innan skamms.

Og held ég að við allflest gerum okkur ekki grein fyrir hversu mikið felst í starfi forseta og-eða forsetahjónanna í okkar þágu og landkynningu.

Forsetinn er okkar fulltrúi, þjóðhöfðingi og sameiningartákn...

Hér má finna nánari hugleiðingar mínar varðandi Indlandsför forsetahjónanna og fylgdarliðs...

http://josira.blog.is/blog/josira/entry/1002713/

 

josira

Ólafur Ragnar á Indlandi

Hjarnið og Frosthiti...

 

Hjarnið

 Hjarnið hvíta, hylur mold

möttul magnar, fagurt fold.

Formast myndir margar þá

í þjóðtrúnni, sem muna má.

 

 Frosthiti

Sem glitrandi gimsteinabreiða

sjá glampa á hrímhvíta fold.

 Slík fegurð frá hafi til heiða

hitar hug, en kælir hold.

josira  

 

Einkennilegur draumur um Gordon Brown...

Í nótt hrökk ég upp við draum um Gordon Brown...

Áhugaverður kannski fyrir það að dagar hans voru taldir sem forsætisráðherra Bretlands í draumnum...Sem svo aftur hafði víst gríðalegar breytingar í för með sér til góða... ( sérstaklega fyrir ökkur hér á litlu eyjunni )

Afsögn hans var mikið hneykslismál. Hann átti víst að hafa lifað munúaðrfullu hliðarlífi...Ung kona reyndist barnshafandi eftir hann og allt fór í þvílíka upplausn og darraðadans á stóru eyjunni...

Og ýmislegt virtist vera að koma upp á yfirborðið tengt allskonar spillingu í kringum hann og fleiri...eitthvað man ég líka eftir orðinu apríl, sem gæti hugsanlega verið einhver tímasetning !

Þarna endaði draumurinn því ég hrökk upp í allri hringiðunni og vaknaði...

 

Er einhver þarna úti, sem draumfróður er, eða getur einhvað lesið úr þessum hálffáranlega draumi mínum ?

josira

Gömul færsla síðan í nóv. um lánshæfni landssins og fl...

Var að rekast á gamla óbirta færslu síðan í nóv. s.l. Læt hana flakka nú - man ekki hversvegna ég hætti við birtinguna...hún kemur ekki fram sem ný núna heldur s.l. nóv.

http://josira.blog.is/blog/josira/entry/978788/

josira