Jarðskjálftadans jarðarinnar ...

fer víða um heim þessa dagana í gegn um flekaskilin. Þarf ekki að sjá þennan skjálftadans hjá okkur í víðara samhengi og fylgjast aðeins með hvað sé í gangi í heiminum með þessi blessuðu flekaskil ? Getur verið að annars staðar losni um þennan kraft jarðarinnar ... og minnki þá líkur á stórgosi hér !

 

Ætíð er þó að flestu leyti óvíst, hvort jörðin léttir á sér á yfirborðinu eða hulin undir jökli eða annars staðar djúpt undir niðri. Því minna má á, að ekkert er fyrirsjáanlegt 100%, hvort, hvernig eða hvar eldgos hefst í kjölfar jarðhræringana, mælitækin mæla margt, en jörðin sjálf ákveður stund og stað, hverju sinni.

 

Kannski er hraunelfur að renna undir jöklinum núna, með upptök og niðurrennsli aftur á mismunandi stöðum á flekaskilunum, hvað veit maður svo sem ...

vona bara, að ef af verður með eldgos þá verði það utan við jökulinn og komi þá upp, sem fallegt hraun-og túristagos líkt og á Fimmvörðuhálsi eða(dyngju) Hraungos og flæðigos

"Hraungos er eins og nafnið bendir til gos þar sem megnið af gosefnunum kemur upp sem hraun.  Í flestum tilfellum er um basalthraun að ræða en það greinist svo í þykkt, seigfljótandi apalhraun eða þunnt helluhraun sem getur runnið allhratt. Í sjálfu sér eru hraungos og flæðigos sami hluturinn en það er gjarnan talað um flæðigos þegar þunnfljótandi basaltkvika rennur og myndar helluhraun.  Dæmi um flæðigos mundu vera síðustu Kröflueldar "

 

Það eina sem við getum gert hér er, að vona það besta hverju sinni og að biðja þess í hjörtum okkar að mönnum, skepnum og mannvirkjum verði ætíð borgið, þegar jörðin byltist svona um og er með hugsanlegar fæðingahríðir. Við erum jú einu sinni fædd hér á þessu magnaða landi, elds, íss og vatns og höfum lært að lifa með því gegnum aldirnar. 

Munurinn þó, nú og áður fyrr er að tækni og vísindi nútímans geta séð á nokkuð öruggan máta, sé eitthvað í uppsiglingu með jarðskjálfta, eldgos eða ofan-flóð eða hlaup í ám eða jöklum.

Þar að auki eru mælitæki og myndavélar á helstu stöðum, þar sem sjást og finnast hin ýmsu merki um hvað sé í gangi hverju sinni hjá náttúruöflunum okkar. Það eitt eru breyttir tímar.

Bárðarbunga 2014 - (ýmsar upplýsingar frá Jarðvísindastofnun Háskóla Íslands)

Institute of Earth Sciences - Bardarbunga 2014 

Almannavarnir 

 

hér má sjá vefmyndavélar;  

Grímsfjalli og Kverkfjöllum

  Bárðarbunga í beinni á RÚV

Bárðarbunga - Míla

 

-josira- 

Óróasvæðið breiðir úr sér

Stjörnuspekingur frá Nýja-Delhi á Indlandi, leggur vedískt stjörnukort um Ísland , vegna jarðhræringana og óróans ...

“Rage of Mars and Saturn over Iceland in August –Sept.2014

Áhugaverð niðurstaða hans um hvað sé í gangi samkvæmt afstöðu stjarnanna yfir Íslandi. Sýnist mér, þá að dagarnir 25 ágúst og 5 september, eða á milli þeirra séu líklegastir í sambandi við í einhverjar náttúruhamfarir hér á landi.

 

 

Þessi áhugaverða stjörnuspekisíða, sem ég fann er með stjörnuspekingi, Anil Aggarwala að nafni, en hann fékk áhuga á Íslandi og náttúru óróanum og ákvað að skoða það betur.

Við ættum kannski að fá okkar íslensku stjörnuspekinga til, að gluggaí sín Íslandskort !

Ég hef nú ekki mikið vit á almennri stjörnuspeki, en hef samt ætíð haft áhuga á henni og pælingum í allsskonar tengingum hennar við lífið og tilveruna. en þessi vedíska stjöruspeki er hálfgerð hebreska fyrir mig að lesa úr.

Þessa síðu fann ég um vedíska stjörnuspeki hjá Fjólu Björk Jensdóttir, sem er vedískur ráðgjafi.

 

Eldri færslur mínar er hér að finna, tengdu þessu efni ... 

 

Náttúruvísindi, stjörnuspeki og náttúruhamfarir  2 juni 2011

Sviði í lungum, vogin og fjallkonan    26 mai 2011  ( sá að Anil minnist eitthvað á vogina (libra)

Náttúruöfl íss og elda      23 mai 2011

 

Biðjum um ljóssins vernd og að land og þjóð, séu umvafin með heilunar- og kærleiksorku þess.

 

josira

 

(man núna afhveju ég fór i bloggfrí ... alltaf eitthvað vesen hér með línubil og setja inn myndir ...)

spurning með þolgæði mitt  

Sigdældir suðaustan við Bárðarbungu