Fann jarðskjálftann, ónotalegur dynkur ...

Er í Kópavoginum.

Vona að stillt veður og fallegt gos, séu ekki að fara að breytast.

 josira

Jarðskjálfti við gosstöðvarnar

Athugasemdir

[gummih (IP-tala skráð) 6.4.2010 kl. 16:19]

Það urðu tveir skjálftar - einn upp á 3,6 í gosstöðinni, hinn upp á 3,7 í Kötlu á 4,5km dýpi - skjálftinn í Kötlu er ekki merktur með stjörnu á kortinu og það er að valda ruglingi. Rauða doppan á kortinu er 3,7 skjálftinn.

[Anna Sigríður Guðmundsdóttir, 6.4.2010 kl. 16:22]

Verum bara við öllu búin! M.b.kv. Anna

[Óskar, 6.4.2010 kl. 16:38]

ég hef slæma tilfinningu fyrir þessu. ...

[Árni Gunnarsson, 6.4.2010 kl. 17:05]

Það er virk eldstöð í gangi og önnur gæti verið að rumska í nágrenninu. Þetta er það sama Ísland sem hefur fóstrað þessa þjóð frá ómunatíð.

Eldstöðvar eru ekki með fréttastofur eða almannatengla.

[anna (IP-tala skráð) 6.4.2010 kl. 18:57]

ég var að kíkja á veður.is bara núna og rauði punkturinn á myndinni hér að ofan sem gummih segir að hafi verið í Kötlu er horfinn á skjálftasíðunni. Ekki orð um 3,7 skjálftann í yfirlitinu...

Ég er ekki að skilja þetta

[Anna Sigríður Guðmundsdóttir, 6.4.2010 kl. 22:16]

Förum bara varlega og verum viðbúin öllu! Förum eftir okkar innstu sannfæringu ef við höfum ekki annað til að fara eftir. M.b.kv. Anna

[josira, 7.4.2010 kl. 00:21]

 Kæru bloggarar, takk fyrir innlitið, hugleiðingar og spjall um náttúruöflin, sem við búum við. Við lifum í landi ísa og elda og ölumst upp við það. Og höfum gert frá því land byggðist, eins og Árni kemur inná. Við vitum ekki alveg hvað er að gerast eða mun gerast innra með landinu okkar.

Þrátt fyrir mælitæki og tæknibúnað nútímans, sem þó gefur góða yfirsýn eða innsýn að lesa úr táknmáli og takti hins lifandi lands þá er það náttúran sjálf, sem ákveður og fer sínu fram hverju sinni. Það erum við íbúarnir sem þurfum að virða hana og aðlagast hreyfingum og hegðun hennar. Og vera sem mest varkár og vakandi yfir. Og fylgja einnig eftir innsæi okkar eins og Óskar og Anna Sigríður koma inná. Við erum svo smá og varnarlaus þegar náttúran byltir sér og bröltir.

Við megum þakka henni og máttarvöldum fyrir hversu mjúklega og fallega við höfum fengið að njóta eldgossins á Fimmvörðuhálsi hingað til, frá mörgum hliðum. Auðvitað er vonin um að svo verði áfram. En við þurfum samt sem áður að standa vörð og sína meiri varkárni í námd eldstöðvanna og jafnvel lengra frá. Undir jöklunum kraumar og mallar og ei er vitað eða fyrirsjánlegt hvort upp úr muni sjóða eða hvar.

Og Gummi H og Anna, hér má sjá á töflu dagssins um jarðskjálftana tvo, sem voru stærstir. Þó á enn eftir að staðfesta þann, sem fannst á Goðabungu.

Dagsetning	Tími	Breidd	Lengd	Dýpi	Stærð	Gæði		Staður
2010-04-06	15:32:24,4	63,631	-19,236	4,5	3,7	80,37	1,2 km	SA	af Goðabungu
2010-04-06	15:32:19,8	63,633	-19,549	2,7	3,5	90,06	5,9 km	SV	af Básum

Þessa töflu er hægt að sjá hér alla; http://hraun.vedur.is/ja/skjalftar/skjlisti.html 

[josira, 7.4.2010 kl. 00:25]

frh. það sem komst ekki fyrir;

Gæði		Staður
80,37	1,2 km	SA	af Goðabungu
90,06	5,9 km	SV	af Básum