Jákvæðar fréttir af gosinu eða hvað ?

Fyrst hraun er farið að renna, er þá ekki breytinga von með eldgosið svona almennt ?

Minnkar þetta svakalega öskufall þá ekki einnig í kjölfarið, sem eldstöðvarnar hafa spúð frá sér og ferðast hefur um víðan völl.

Og valdið hefur gríðarlegum áhrifum á ferðalög um nánast allan heim á liðnum dögum.

En má þó til sanns vegar segja, að hafi slegið öllum landkynningum Íslands við. 

Ætlar hinn fallegi Eyjafjallajökull kannski, að snúa vörn í sókn með okkur og létta á sér með liðlegum túrista hraunstraumi til að laða fólk að nýju til landssins !

Það yrði frábær gjöf hans til okkar og myndi það reka á brott þessar neikvæðu umræður um fyrirfram ákveðið tap ferðamála hér á landi á komandi sumri.

Svo er annað sem ég hef verið að velta vöngum yfir. Hvernig stendur á því að sífellt er verið að hamra á tapi t.d. flugfélaganna víðsvegar um lönd. Voru þeir ekki einnig að spara sér  eldneytiskosnað, ásamt því að hafa allavega á fyrstu dögum flugbannsins verið búnir að fá greiddan stóran hluta farseðlana.

Því er það ekki þannig, að flestir ferðalangar borga sína flugmiða fyrirfram. Tíðgast það ekki að öllu jöfnu þannig í dag. Þá er það væntanlega þeir sem lenda í meira tapi - vandræðum, en ekki flugfélögin.

 

Og ekki fer mörgum sögum af öllum þeim fyrirtækjum erlendis, sem þessar tafir hafa sett í jákvæðara horf. Sbr. Lestir, rútur, leigubílar, hótel, gististaðir, veitingastaðirt, verslun og annað tengt ferðamönnum. Eitthvað hefur peningurinn ratað í þeirra vasa hlýtur að vera.

Ég spyr bara fávís konan ...

 

josira

Hraun komið um 1 km frá gígnum

Athugasemdir

[Sigurður Haraldsson, 27.4.2010 kl. 23:58]

Það þarf alltaf að vera að nöldra, öskufall minkar til muna og verður ekki nema brot af því sem það var verst þegar hraun fer að renna.

[josira, 28.4.2010 kl. 13:15]

Takk fyrir innlitið og orðin Sigurður,

Æji já alltof margar raddir neikvæðar ... Miklu betra að reyna ef möguleiki er að sjá hlutina ögn jákvæðari...

Öll él styttir upp um síðir ...