Tímabært að skoða og breyta þessari blessaðri neysluvísitölu ...

og vægi þeirra hluta, sem teknir eru inn í reiknisdæmi hennar. Sem stýra og stjórna lífsafkomu og kaupmætti þjóðarinnar hverju sinni, frá degi til dags.

Það gengur ekki öllu lengur að láta allar þessar tölur og aðra hagfræðilega útrekninga ráða för. Eða er þetta kerfi (system) allt svona háalvarlega heilagt !

Spurningar og svör um vísitölu neysluverðs (Hagstofa Íslands)

Samrænd vísitala neysluverðs (Hagstofa Íslands)

Hvað er vísitala ? (Vísindavefurinn) http://visindavefur.hi.is/svar.asp?id=1698

Og nú þegar eldsneytisdropinn er kominn í sögulegt hámark, vel yfir 260 krónurnar líterinn, er þá ekki unnt að taka t.d. þann kosnaðarlið út úr allri þessari reiknisformúlu ? Hvað skeður við það ? spyr sú, sem lítið hefur vit á allri þessari talnaspeki hagfræðinnar...

josira

Bensínið þyngir íbúðarlán

Athugasemdir

[Ólafur Guðmundsson, 14.3.2012 kl. 10:26]

Einfalt mál. Nota minna af bensíni, þá hefur það minni áhrif í vísitölunni.

[josira, 14.3.2012 kl. 11:09]

Kæri Ólafur, það eru örugglega allmargir, sem hafa dregið verulega úr akstri þessar síðustu vikur og mánuði, sem unnt er og þar á meðal ég.

En eins og við vitum eru bifreiðar okkar helstu farartæki, en ekki fákarnir fögru, sem eitt sinn báru okkur um landið nánast að kosnaðarlausu. Og flestir þurfa bifreiðar, sem sína farskjóta í dag.

En auðvitað ættum við að fara að stíga fram og mótmæla þessum bensínhækkunum og fara t.d. fram á að ríkið minnki sínn hlut, sem það fær úr hverjum eldsneytislíter.

Mér datt nú reyndar í hug þetta með að kippa eldsneytiskostnaðarliðnum út úr neysluvísitölunni, gæti verið okkur þegnunum til góða, ef þessi blessaða úr sér gengna ríkisstjórn gæti hugsað sér að bæta okkar hag að einhverju leyti og koma til móts við okkur í að efna einhver af þeim í átt til betra lífs-loforðum, sem hún gaf á sínum tíma.