Sitthvað sem gleður...

Við erum auðvitað stolt af okkar fólki eftir árangurinn í eurovision...En er ekki orðið tímabært að hafa keppnina tvískipta ; austur- og vestur evrópa...!

Ég verð nú hér til gamans að setja slóð á gamla gleðibankalagið hjá ICY...Hef alltaf haldið uppá það og textinn er líka nokkuð tímalaus...á vel við á Íslandi í dag...

   

Á þessum annars ágæta degi er upplagt að kíkja aðeins á eitthvað sem kitlar hláturtaugarnar svona í sólarleysinu...Munið þið ekki eftir funniest homevideo...hérna í den... og meira... 

Og úr einu í annað þá má sjá nokkuð áhugaverða síðu:  http://www.netsaga.is/ með hinum ýmsu efnisþáttum...

Sæl að sinni...josira

Dásemdar söngfugla par...

 

 

Já við megum svo sannarlega vera stolt af Regínu, Friðrik og fylgdarfólki...þau hafa sungið sig inn í hjörtu okkar hér og úti hinum stóra heimi...Það geislar af þeim lífsgleðin og skemmtileg framkoma...

Hafið gaman af að kíkja á gömlu vinningshafana hér neðar á síðunni minni...( önnur bloggfærsla ) 

Og var að finna frábæra eurovision aðdáandasíðu hjá Dagrúnu Þórný...endilega skoðið hana...

Skoðið til gamans skemmtilega uppsetningu og upprifjun sem ég fann;

Eurovision Song Contest 2008 - Semi Final One og

Eurovision Song Contest 2008 - Semi Final Two

josira

„Kom skemmtilega á óvart“

Langaði að senda ljós inní daginn...hérlendis og erlendis...

 ljósberi lífssins...Sólin

 

Akrafjall í kvöldsólardýrð og sjáið ljósáruna kringum sólina...

Vitund vaknar, á þeim degi
er ljósið þú finnur, á lífsins vegi
Vegsemd slík, verðmæt er
varðveita skalt í jarðvist hér.

heil og sæl að sinni...josira

 

Eurovision...upphitun...upprifjun

Til þeirra sem ætla að horfa á Eurovision í kvöld...er upplagt að horfa hér á stutta samantekt á fyrrum sigurlög frá árunum 1956-2007;

 Fyrri hluti ca. 9 min. og Seinni hluti ca. 7 min

Læt fylgja hér með úr Idolinu í gær svona til gamans...

David Archuleta sem ég elska að hlusta á ...með "Imagine" eftir John Lennon...

og vinningshafinn David Cook...

Hér má sjá unga upprennandi söngstjörnur...

og svo áfram ísland...

eigið skemmtilegt kvöld framundan...

josira

Óska Regínu, Friðrik og fylgdarfólki til hamingju með frábæran árangur.......sjáum þau fyrir okkur á laugardagskvöldið á verðlaunapallinum...

Fiðrildi og ferðalög...

 

Í gær var mér svo mikið hugsað til fiðrilda...svo ég ákvað að skrifa pínulítið um þau hér.

Ég hef ætíð verið heilluð af fiðrildum svo lengi sem ég man...

margbreytileika og litafegurð þeirra og hvernig þau þroskast og umbreytast...

Hér má finna heilmikinn fróðleik um þau á ensku.

 

Á margan hátt geta þau táknað þroska og umbreytingu sem við mannfólkið förum í gegnum á lífsleiðinni...t.d. breytingu á lífsháttum og lífsviðhorfum...byrja upp á nýtt segjum við...finna frelsið innra með okkur, sem ber okkur á nýjar slóðir...í lífsgleði og fegurð...

Það er líklega það sem við mannkynið þörfnumst; umbreytinga...á öllum sviðum frá öllum hliðum...

Og gaman er að geta þess að það er til mjög sérstakt fjall í Sri Lanka, sem kallast;

 

Fiðrildafjall ...einnig Adamsfjall og Sri Pada ;

þar sem fólk fer í pílagrímsferðir og sameinast undir mörgum trúarbragðastefnum...

Og fyrir þá sem hafa áhuga á að forvitnast eitthvað um tákn ( symbol ) dýra

er gaman að skoða þessa síðu...

Og til þeirra sem vilja breytingu í lífið og meiri lífsgleði er kjörið t.d

að kíkja á þessa síðu...

eigið góðan og bjartan dag.. josira

 

Seinagangur og missir ...

 

 

við vistun á bloggfærslum...Nú er ég alveg að gefast upp á að blogga...missti allt út sem ég var búin að skrifa...eina ferðina enn...kannski á ég bara að hætta þessu pári mínu...

Það er orðið svo seinvirkt...þegar ég er að vista gerist það seint og illa ...eða það gengur barasta ekki og allt hverfur á braut....arrg...ég er nú seintekin til reiði og telst víst vera ákaflega þolinmóð manneskja...en þetta reynir orðið virkilega á þolgæði mitt...

Eflaust tengist þetta orðið umferðinni hér í bloggheimum...því talvan mín er hraðvirk og fín þegar ég er að vafra um á öðrum síðum...Er ekki einhver sem kannast við eða hefur lent í þessum veseni ?

Hörmungar í austri...

Hugleiðingar mínar í dag eru um þær náttúruhamfarir, sem hafa átt sér stað í austri síðustu daga...hugur minn hefur dvalið þar...en ekki hér “....  neyðaraðstoð við Ísland “ í hagkerfis hremmingunum... 

 

 

Það hafa verið skelfingar dagar í Myanmar ( Búrma ) eftir að stór fellibylur fór þar yfir þann 2 maí s.l. og tala látinna að nálgast nú óðum 134.000.þús. Hjálparstarf gengur hægt og illa vegna herstjórnarinnar ógurlegu...

Þeir eru ekkert á því að opna landið fyrir hjálparsveitir, sem víða koma að með hjálpargögn...

 

Mín ósk og von til þessa sérstaklega lands ( sjáið fegurð landssins ) er sú, að einn dag muni þessi skelfilega herstjórn vera niðurlögð fyrir fullt og allt og að lýðræði verði að veruleika og þessari þjóð hjálpað eins og unnt er.

Ég bíð hreinlega eftir því að mannréttindasamtök og allir sem getað aðstoðað sameinist með einhverjar úrlausnir...og að Mannréttindayfirlýsing Sameinuðu Þjóðanna  komi þar sterk fram..

.

Eru kannski alheimsöflin að grípa inní verk mannanna...?

Þurftu þessar hörmungar að verða... til þess að einhverjar umtalsverðar breytingar verði hjá þessum þjóðum... í hugsun og gjörðum ...  

          

Læt fylgja hér með; gamlar hugleiðingar mínar;

Og þessir svakalegu jarðskjálftar í kína...

 

Það hefur mikið verið að gerast þar í þjóðarvitundinni á mörgum sviðum...s.l.ár

 

Hún Björk okkar hreyfði nú aldeilis við viðkvæmum málum í mars s.l. á tónleikum sínum í kína varðandi baráttu Tíbetbúa fyrir sjálfstæði sínu.

Og Olympíuleikarnir framundan þar sem þjóðir sameinast úr öllum heimsálfum í sátt og samlyndi. Og eiga samverustundir.Í frelsi og friði í íþróttakeppnum og leikjum,undir einum fána og einum kyndli

.

Kyndillinn í sjálfu sér stendur fyrir ljósi friðar og og er í rauninni svo sterkt afl til að sameina mannkyn..

.

Og vængjast þá lífssins kraftur..

.

Hjálpumst um að halda þessari sameind og samkennt áfram eftir leikana um allan heim...til framtíðar..

Hér má finna ljóð á ensku eftir mig...Light Bearer... sem túlkar huga minn...

Er enginn söfnun í gangi hér á landinu litla fyrir til hjálpar þjóðunum í austri...

peningasöfnun, fatnaður,vatn...?

Sendum bænir okkar þangað út...

josira

p.s. er varla að halda það ut að pára her á blað og setja inn myndir...kerfið er allt i belg og biðu sama hvað ég reyni að lagfæra...kannast einhver við þetta vesen ?

 

Eftir vetur vaknar vor...

 vængjast lífssins kraftur...

Sendi mínar bestu óskir út í blogg-heima um að sumarið verði farsælt og fagurt.

josira

 

Orð í draumi...

 

Það kemur einstaka sinnum fyrir að eitt eða fleiri orð og stundum jafnvel setningar, óma í höfði mínu eftir svefn eða skjótast í gegnum hugann upp úr þurru. Oft finnst mér þau vera svo út í hött að ég læt þau, sem vind um eyru þjóta eða þá gleymi þeim...

Kannski halda þau áfram ferðalagi sínu um óséðar eða óheyrðar óravíddir og einhver annar fangar þau, sem hefur skilning og vitneskju um þau eða uppgötvar einhverjar leiðbeiningar frá þeim...

En í seinni tíð staldra þau oftar við í minni mínu og þá hef ég párað eitthvað um þau á blað svo úr verða einhverjar hugleiðingar um lífið og tilveruna eða lítið ljóð fæðist...eða pensilinn minn mótar strokur á striga sem eitthvað geyma...

 

Allsstaðar

Ef á öllum sviðum,
allsstaðar
andinn, birtu baðar.

Brátt eyðast þjóða-þjáningar,
og jarðarbúar, sem jafningar.
Jákvætt, í hendur haldast
hér, þroski þúsundfaldast.

                                                                                                                                        

Og stundum vekur áhugi minn löngun hjá mér, til að fara í leiðangur með þessum forvitnilegu orðum, ýmist huglægan eða þá ég nýti mér nútímann og fer á leitarvélarnar í netheiminum fyrir forvitnis sakir og það er oft með ólíkindum hvert þau ferðalög hafa leitt mig ...

 

Nú langar mig að segja frá orði, sem kom til mín einhvern tíma um daginn... Allavega, hefur það verið að trufla mig, svo ég settist við tölvuna áðan og sló það inn...Orðið er... PANGEA...  skrítið orð fannst mér...

 

Þetta var niðurstaðan, sem og mér finnst virkilega áhugaverð, svo ótrúlega margt sem finna má í þessu litla orði, sem vísar á móðir jörð og vekur mann sérstaklega einnig til umhugsunar um samstöðu manna og kvenna um víða veröld í dag til breyttra lífsviðhorfa og eflingu mannúðar og gagnkvæmrar virðingar menningasamfélaga. Og veitir okkur innsýn í ólik samfélög og líf og sögur fólks samtvinnast hvaðanæva úr heiminum í gegnum kvikmyndir og tónlist... 

                                                                                       

Og minnir mig á setningu, sem eitt sinn ómaði í höfði mínu...sem og ég skrifaði niður...

Mikilvægi mannúðar, er menntun mannkyns...

Endilega kíktu á slóðirnar hér fyrir neðan, ef orðið Pangea hefur vakið áhuga þinn...   

http://en.wikipedia.org/wiki/Pangaea

 

Og hafi verið talað um þenna merka pangea-dag 10 mai í fréttum fór það framhjá mér...

 

http://www.pangeaday.org/takeAction.php

 

http://www.pangeaday.org/

http://travel.latimes.com/daily-deal-blog/?p=1855

 

http://afp.google.com/article/ALeqM5j5JSwQhGlsg6NEmvtbuoyWZqUAkg

storyteller..

 

athyglisverðar kenningar um þróun og vöxt jarðar...

         

Er ég var að vafra um og afla mér upplýsinga um pangea-orðið, flögraði hugur minn allt í einu til mikils manns, sem barðist fyrir réttlæti og lét lífið fyrir baráttu sína...og ég fór að rifja upp mínar barnæsku minningar um hann og það leiddi mig inn á þessar netslóðir;  

 

Þessi magnaði maður var Martin Luther King, Jr. smá uppl. um hann á íslensku; vísindavefurinn  og á ensku; wikipedia og hans frægasta ræða;

“ I Have a Dream”

er ógleymanleg þeim, sem hana hafa heyrt og finnst mér hún í rauninni tímalaus og spannar meiri sannleik en að tilheyra einu landi eða einum kynstofni...og finnst mér hún eiga hér vel við og hvatning enn á ný til; 

framtíðar...friðar...frelsis...réttlætis...mannúðar...hugsjóna...vonar...mannkærleika...til góðs...á öllum sviðum frá öllum hliðum...

Og mér varð einnig hugsað til frelsis- og friðarhöfðingjans Nelson Mandela, sem mun á þessu ári halda uppá 90 ára afmælið sitt,  smá uppl.um Nelson á íslensku; vísindavefurinn og á ensku; wikipedia

Í mörg ár hef ég borið leynda ósk í hjarta, en það er að fá að hitta þennan stórkostlega mann. 

En við eigum reyndar tvo meiriháttar daga saman. Yngri dóttir min er fædd 11 febrúar 1990 á deginum sem hann losnaði úr fangelsisvistinni og annar sonur minn á sama afmælisdag og Mandela þann 18 júli. Ég er fullt af stolti að þau skuli fá að eiga þessa daga með honum..

.

The Ubuntu Experience (Nelson Mandela Interview)

 

Skoðið hvað þetta litla orð getur verið stórt UBUNTU.

Og svona til gamans er afmælisdagur eldri sonar míns 21 september, sem er hinn alþjóðlegi friðardagur... þannig að fæðingardagar þeirra tengjast á einhvern hátt friðar-frelsis og mannúðarmálum.

Mér finnst það meiriháttar...

sæl að sinni Josira.

p.s.

var alveg að gefast upp á þessari færslu. vesen með vistun ...missti allt út ...en þolinmæði vinnur víst þrautir allar. svo nú sendi ég þetta...núna en ekki í gærkveldi þegar ég var að brölta hér..Eflaust kemur textinn eitthvað i belg og biðu ásamt myndunum.. er bara orðið allt of langt síðan ég bloggaði síðast...farin að gleyma aðeins ferlinu...en er allavega komin af stað aftur hér við tölvuna...