Tími til kominn ...

 

að fá jákvæðar fréttir af atvinnuuppbyggingu á Vestfjörðum. Gleður mitt hjarta. Hvert og eitt starf er verðmætt.

 

Eldri bloggskrif mín um þessi mál.

 

 

 

 

 

 

josira

„Sannkölluð vestfirsk stóriðja“

Pæling ... dæling ... mæling ...

Nokkur þankabrot um óróa á jarðskjálftamælum þessa dagana.

Eru niðurdælingar í gangi í Hellisheiðavirkjun ?  

Ef svo er vitum við fyrir víst, hvort þessir manngerðu skjálftar geti ekki kallað á eitthvað meir, en við óskum eftir ?   

Og er öruggt að niðurdæling brennisteinsvetnissins og annara efna komist ekki í tæri við það vatn, sem safnast síðan saman og nýtist sem neysluvatn ?

 

Hér er ýtarlegt yfirlit um grunnvatn á höfuðborgarsvæðinu.

eldri bloggfærsla mín;

16 okt. 2011; Manngerðir jarðskjálftar hérlendis og erlendis

 

Af vef veðurstofunnar;

 

“Í september mældust margar skjálftahrinur við Hellisheiðarvirkjun í kjölfar þess að teknar voru í notkun nýjar niðurdælingarholur við virkjunina. Um 1500 skjálftar mældust, flestir litlir, um og innan við einn, en stærri skjálftar mældust einnig. Stærstu skjálftarnir fundust í Hveragerði og sá stærsti, 3,4 stig, sem varð 23. september, fannst einnig á höfuðborgarsvæðinu. Frumniðurstöður úrvinnslu benda til þess að skjálftarnir raðist á a.m.k. 2-3 sprungur og að stefna þeirra sé austan við norður. Skjálftar hafa áður mælst við borun og prófun á borholum síðustu misseri en aldrei annar eins fjöldi og nú. Fáir jarðskjálftar mældust úti á Reykjaneshrygg. Á Reykjanesskaga var mesta virkni á Krýsuvíkursvæðinu, yfir hundrað skjálftar, og aðallega fyrstu vikur mánaðarins.”

 

“ Í október við Húsmúla í Henglinum mældust tæplega eitt þúsund jarðskjálftar. Flestir þeirra komu fram í skjálftahrinum dagana 2.-9., 15.-16. og 25.-26. október. Tveir stærstu jarðskjálftarnir þar voru að stærð 4 þann 15. október kl. 09:03 og kl. 09:45 og fundust þeir vel víða um sunnan- og vestanvert landið. Nokkrir aðrir skjálftar í þessum hrinum fundust einnig, aðallega í Hveragerði. Meginþorri jarðskjálftanna núna hefur framkallast vegna niðurrennslis á affallsvatni úr Hellisheiðarvirkjun í borholur á svæðinu.”

“ Í nóvember (reyndar í síðustu viku, áður en hrinan i gær og dag koma fram) Á Suðurlandsundirlendi mældust þrír smáskjálftar og sex við Ingólfsfjall. Átta smáskjálftar mældust á Krosssprungunni, einn við Geitarfell og tveir við Hengil. Við Húsmúla voru staðsettir 128 skjálftar, allir undir Ml 2 að stærð.

Nýr upplýsingavefur Orkustofnunar um smáskjálfta vegna niðurdælingar ( hér er t.d. ekki að sjá neinar dagsetningar á niðurdælingu á affallsvatni !)

Talsmaður neytenda; Bótaábyrgð vegna „ótímabærra“ jarðskjálfta 

 

Ég vona að ráðamenn hér séu með á hreinu, að það sé og verði í lagi með þessar blessaðar niðurdælingar og að þær séu ekki að hrófla við náttúruöflum eða eyðileggingu vatns.

 

 

 

josira

 

Nöturlegar fréttir, sem berast af ástandinu í Grikklandi ...

frá þessu fallega gamla menningalandi. Sorglegt hvernig fátæktin er að leggjast yfir land og þjóð og fjólda þess fólks, sem á orðið varla ofan í sig og á. Atvinnulausir þar í landi teljast nú vera um 4,4 milljónir manna.

Erfitt er núna um vik fyrir okkur íslendinga, að rétta grísku þjóðinni hjálparhönd í neyð þeirra. Þó er eitt sem við getum gert og það er að biðja um í hug og hjarta og sjá fyrir okkur að ljós heilunar-og kærleika umvefji grísku þjóðina og fallega landið þeirra. Og að einhver lausn finnist eða fáist þeim til hjálpar.

 

"Aþena, höfuðborg Grikklands og stærsta borg landsins, á sér mikla sögu sem spannar allt að 3 þúsund ár aftur í tímann. Hún hefur verið kölluð vagga vestrænnar menningar og lýðræðisins og Parthenon-hofið á Akrópólishæð annálaðasta kennileiti hennar. Íbúar hinnar eiginlegu Aþenu eru um 750 þúsund en nær 4 milljónir ef Stór-Aþenusvæðið allt er talið með. Þótt fáar borgir eigi sér jafn sögulega arfleifð þá er Aþena í dag nútímaleg og iðandi stórborg, miðstöð fjármálalífs landsins, stjórnmála og menningarlífs og taldist árið 2008 vera 32. ríkasta borg heims." (fengið af vef mbl.is)

 

Einstaklega fallegar myndir er hér að sjá af hinu sérstaka Grikklandi.

Við megum vera þakklát fyrir það, sem við höfum hér á Íslandi, þó þröngt sé í búi hjá mörgum og þá sérstaklega nú í jólamánuðinum. En fámennið hér gerir okkur mun auðveldara fyrir, að halda utan um þá sem hér eiga bágt.

 

josira

Grikkir sagðir horfa fram á mannúðarkreppu

Jólavefkort og ýmsir skemmtilegir jólavefir ...

Ég ákvað til gamans að setja hér inn nokkrar jólavefsíður. Í netheimum var ég t.d. að finna gömul falleg jólakort hjá Borgarbókasafninu þar sem hægt er, að velja sér jólakort og senda jólakveðjur rafrænt.

 

Á hinum jólavefsíðunum má nánast finna allt um það, sem viðkemur jólamánuðinum. Eins og t.d. jólaleiki, jólasögur, jólalög, jólaföndur, jólagjafir, jólabakstur, jólakort og jólamyndir o.m.fl. Tenglana er að finna hér til hliðar.

 

josira 

Búum til betri heim ...

 

Hátíð ljóssins nálgast nú óðum og einhvern vegin er það nú svo, að frá ári til árs þá hlakkar flestum til þessara hátíðisdaga, en alltof mörgum kvíður þó fyrir þeim og geta ekki notið þeirra sem skyldi, margra hluta vegna. 

En flestir allavega hér á landinu okkar fallega geta þó notið ljósanna, sem tindra í skammdeginu og gefa birtu í hjartað.

Um allan heim eru jafnan friðarstundir haldnar og hátíð ljóssins fagnað á einhvern máta þó um ólíka trúarlega og eða aðra nálgun sé um að ræða og er oft gert vopnahlé þar sem stríð ríkir um tíma. Einhver lotning og kærleikur umlykur mannfólkið um stund. En síðan tekur við á ný hverdagsleikinn, strit og stríð.

Viss er ég um, að stór hluti mannkyns óskar eftir að friður og mannfrelsi fari að ríkja, en ófriður, fátækt og misrétti skuli víkja. Og að meiri jöfnun lífgæða sé landa og manna á milli.

Margur ljótleikinn í heiminum er og hefur því miður verið gerður í skjóli eða í nafni trúar og stjórnmála í gegnum aldirnar, sem og eru auðvitað mannanna verk. Þannig er nú það.

Komin er tími á að breytingar eigi sér stað jafnt og þétt, sem móta munu til framtíðar komandi kynslóða, betri heim.

Það má greina, að þær eru þó í raun hafnar og þá sérstaklega nú í kjölfar fjármála-heimskreppunar, sem skall á haustið 2008. Fólk lætur ekki rekast lengur í einhverjum hjörðum, það vill hreinsanir, umbreytingar og réttlæti á mörgum sviðum, það vill ekki stríð heldur frið og að gömul úrelt fjármála-trúar-og stjórnmálakerfi verði felld um koll. 

Fólk er orðið æ upplýstara og er í auknum mæli farið að vakna til vitundar um mannlega stöðu sjálf síns, náttúrunnar og heimsmálanna og einnig meðvitaðara um hug sinn, sál og líkama, sem og kallar fram á breytta lífshætti, viðhorf og lífsgildi og gerir þátttöku þess virkari í þjóðfélags- og umhverfismálum almennt.

Breytingar hefjast innra með hverjum og einum. Hver og einn verður að taka á sínum málum, hreinsa til í eigin garði svo unnt sé að sá nýjum friðar-og ljóssins fræjum, sem munu vaxa, dafna og blómstra.

Tökum saman höndum, styðjum og styrkjum þá sem á þurfa að halda hverju sinni. Stöndum ætíð vörð um lítilmagnann. Sameinum þar, sem sundrung ríkir. Stöndum vörð um náttúruna. Njótum hverrar árstíðar og þökkum gjafir þeirra. Finnum frið og gleði í hjörtum okkar.

Og fögnum hátíð ljóssins, sem framundan er hér á norðurhveli jarðar. 

" Hátíð ljóssins er að sjálfsögðu fögnuður yfir því að sólin tekur að rísa hærra og hærra með hverjum degi úr hyldýpi myrkursins. Ljósið sigrar myrkrið enn einn ganginn og við getum horft til þess að heimurinn lifir áfram. "  (Þessi orð eru fengin af síðu natturan.is ) 

Ýmislegt annað er fróðlegt að lesa um í greinni um vetrar-og sumarsólstöður, ásamt trúarlegum siðum í hinum ýmsu löndum.

 

 

 

Hjálpum Þeim (Help Them) - Íslenskir Tónlistarmenn

 

josira

 

(p.s. á enn í vandræðum með síðustillingarnar, þær hoppa hér sjálfstætt um)

Fann til í hjartanu, þegar ég las um yfirvofandi heimilismissir hjá fjölskyldu Ellu Dísar

Hvers konar þjóðfélag er þetta orðið, sem við búum í ... 

Móðir Ellu Dísar, borin út ( DV)

Ráðamenn, félagsmála- og heilbrigðiskerfið ættu að skammast sín, að hafa ekki hjálpað meir til með fjárhagsaðstoð til styrktar heimilisöryggi fjölskyldu Ellu Dísar.  Bóluefnið orsök veikindana !

Ragna með dæturnar

Víða er eflaust þröngt í búi hjá öðrum fjölskyldum langveikra barna, sem stuðning vantar. Því miður hefur maður heyrt og lesið um oft á tíðum lítin fjárhagsstuðning opinberra aðilla þ.e. Ríkið og Tryggingastofnun til stuðnings og hjálpar þessum fjölskyldum og er það miður.

En í forgang finnst mér að nú þurfi huga að fjölskyldu Ellu Dísar, því yfir vofir missir heimilis, sem einnig er sniðið að þörfum litlu Ellu Dísar.

Litla hetjan- bloggsíða

Sýnum samstöðu, kæru landsmenn og leggjum þeim mæðgum lið. Ef við gætum hvert okkar (eða hver fjölskylda) lagt inn á styrktarreiknig Ellu Dísar þó ekki væri nema t.d. 500-1000 kr.

Styrktarreikningur Ellu Dísar Laurens;

Reikningur: 0525-15-020106
Kennitala: 020106-3870

eða; í gegn um símanúmer til styrktar Ellu Dís

9073701(1000kr)
9073702(2000kr)
9073703(3000kr)

endilega deilið

 

Það mun safnast þegar saman kemur.

josira

Léttir dansskjálftar að sjá kringum Hellisheiðavirkjun og nágrenni ...

hvort ætli skjálftadansinn sé samin af manna- eða náttúruvöldum, í þetta skiptið ?.

 

Ef um manngerð skjálftaspor er um að ræða, þá langar mig að fá að vita hversu lengi þessi blessuð niðurdæling jarðhitavatnsins mun standa yfir við Hellisheiðarvirkjun ! tímabundið ? eða svo lengi sem virkjunin er starfrækt ?

(lyktin er einnig alloft farin að verða hvimleið, er hana leggur frá heiðinni.)

Er vitað fyrir víst hvort manngerðir skjálftar þarna á heiðinni séu að létta á spennu í jarðsprungum (til góða) eða geta þeir triggerað eitthvað meira, en við óskum eftir eða munum ráða við. Ef skjálftadansinn ýtir við og eða vekur t.d. náttúruöflin að óþörfu !

 

Er ekki yfirmáta nóg að læra að virða og lifa við hlið okkar lifandi náttúru, heldur en að auki, að þurfa takast á við það, sem mannvit/vald skapar og getur jafnvel skaðað að óþörfu. Ég get ekki neitað því, að pínu uggur sækir að mér varðandi þessi mál.

Erum við kannski farin að ganga full nálægt náttúrinni með yfirráðum okkar og við að reyna að halda og valda stjórnartaumum á hennar mikla afli. Kannski er tímabært að staldra aðeins við og fara að skoða þessi mál ofan í kjöl ... 

önnur skrif mín um jarðakjálfta á Hellisheiði má finna annarsstaðar hér á bloggsíðunni. (get hvorki gert copy-paste eða sett slóðir inn á þessari tölvu)

josira

Frábært framtak til atvinnusköpunar á Vestfjörðum ...

 

hjá framsýnum og stórhuga mönnum, sem hönd vilja leggja á plóg við eflingu atvinnutækifæra fyrir vestan.

 

 

Nú er komið að stjórnvöldum að sýna vilja sinn til framkvæmda og þá við að drífa sig til að gefa tilskilin leyfi svo hægt sé að koma verkefnunum af stað.

 

"Íslendingur, sem rekur matvælafyrirtæki í Noregi, vill leggja þrjá milljarða króna í laxeldi í Arnarfirði og fiskréttaverksmiðju á Bíldudal og skapa þannig yfir fimmtíu ný störf á Vestfjörðum. Félagið Arnarlax hefur undirbúið verkefnið í þrjú ár en aðalfjárfestirinn á bak við áformin fæddist og ólst upp á Bíldudal og heitir Matthías Garðarsson. Sem ungur maður á háskólaárum í fiskvinnslunámi settist Matthías að í Noregi og hefur síðan byggt upp stærsta fyrirtækið í sveitarfélaginu Leirfjord, með um áttatíu manns í vinnu.

 

Nú vill hann gera það sama á sínum æskuslóðum. Hann segist hafa verið í Noregi í 34 ár og kunna orðið talsvert í laxeldi og rekstri matvælavinnslu og hann vilji nú nýta þessa kunnáttu í þágu Bíldudals og Arnarfjarðar. " (úr frétt á visi.is; Vestfirðingur í Noregi vill reisa laxaréttaverksmiðju á Bíldudal

 

 

Mikið er gaman og jákvætt, að heyra af hugsjónum sem þessum. Nú þarf að hjálpast að og gera að drauminn að veruleika.

Um daginn var ég einmitt að skrifa um nauðsyn þess, að koma atvinnuhjólunum í auknum mæli af stað og láta bæði hugvit og verkvit berast og gerast á jákvæðan hátt fyrir land og þjóð.

Og þar á meðal, að efla þyrfti til muna, fiskeldi á hinum ýmsu fiskitegundum og hafa þar fjölbreytni í tegundavali, að leiðarljósi við strendur landssins og firði. Náttúrugjafir góðar ... til sjávar og sveita ...

Reynum að finna og sjá alla þá möguleika, sem hægt er að nýta eða útbúa til atvinnusköpunar um allt land.

Hér má skoða áhugaverðar síður; Nýsköpunarmiðstöð Íslands og Landsbyggðin lifi.

 

josira

 

Ótrúlega flottur fangadans ...

Sá þetta frábæra myndband og mátti til með að deila því hér ... 

"Fangar tóku sig saman og dönsuðu til heiðurs Michael Jackson´s, og útkoman er vægast sagt ótrúleg! Að minnsta kosti eyddu þeir tíma í að læra dansana í stað þess að hugsanlega skipuleggja næsta glæp, enda eru þessir fangar ekki inni fyrir stöðumælasektir, því þetta er mikið og stórt fangelsi með hámarksgæslu " ...  - Pressan -

 

josira

Fegurð frumna

 kjarninn

og marslungin verkefni þeirra. Frá minnstu frumu til líkama. Allar frumur eru komnar út frá öðrum frumum. Mannslíkaminn er gerður úr milljörðum frumna og það eru um 200 mismunandi tegundir af frumum í líkamanum og frumurnar hafa frumulíffæri .Það er heillandi heimur að skoða og læra um frumurnar.

Við eðlilegar aðstæður lifir hver fruma sjálfstæðu lífi. Þær eru af ýmsum gerðum, hver með sitt útlit og hlutverk. Og líkt og hver manneskja í hnotskurn þá fæðast þær, anda, nærast, þurfa orku, fjölga sér og að lokum deyja. Alveg ótrúlega magnað í raun, hve vinnuferlið er mikið og fullkomið hjá einni heilbrigðri frumu, sem segja má, að sé lítil efna-verksmiðja.

Introduction to Cells - Meiriháttar myndband um frumur

Discovery Video - Cells

Frumur eru smæstu, lifandi byggingareiningar lífvera.

   

Sífelld endurnýjun frumna á sér stað á hverri einustu sekúntu í líkamanum.

     

“ Milljarðar örsmárra frumna mynda vefi af mismunandi gerðum. Vefirnir mynda síðan líffæri og líffærin mynda síðan mannslíkamann. Það er í þessum frumum, vefjum og líffærum sem undirstöðu allrar líkamsstarfsemi er að finna – allt frá þeirri einföldustu til þeirra flóknustu, frá meltingu til ljóðrænnar hugsunar.” ( úr bókinni Maðurinn í málum og myndum)

  

Hér má sjá að taugafrumur og alheimurinn virðast skemmtilega lík að uppbyggingu !

og minna mig á eldri bloggskrif mín um Skaparans sköpunarverk

Hér er unnt að sjá og fá smá innsýn í meistaraverkið; mannslíkamann.

Incredible Human Machine (2/9)

  

 

Incredible Human Machine (3/9)

Incredible Human Machine (4/9)

 Fleirri myndbönd er að finna á youtube

Mannslíkaminn er oft kallaður meistaraverk sköpunarinnar, sem er ekkert skrítið svo ótrúlega flókinn, undraverður og fullkominn, sem hann er. Það er fegurð að finna í öllu sem lifir og finnst mér fruman þar einstök, því ekkert líf er án hennar. Ef væri ég tónlistarmaður myndi ég semja henni/þeim verðugt verk. En fyrst svo er ekki, þá kannski eiga eftir að fæðast einhverjar pensilstrokur á striga eða ljóðabrot síðar frá mér, til frumunnar fögru.

Hvert spor, hver hugsun, hver gjörð, áhrif hefur á alheim og jörð ...

 

 

Ef við erum það sem við hugsum, borðum og gerum,

þá ættu allar athafnir andlegar og líkamlegar,

jákvæðar jafn og neikvæðar að hafa einhver áhrif á

hverja frumu líkamans og þá væntanlega einnig

umhverfi og aðstæður myndi ég halda.

Og samkvæmt þessum hugleiðingum mínum, væri það þá ákaflega hollt og gott fyri hug, sál og líkama, (semsagt frumurnar okkar) að vera sem best í jafnvægi, jákvæðnis-og gleðinnar megin í lífinu, hreyfa líkamann (fá súrefni í blóðið) og velja okkur næringargott fæði.

Og hvar skyldi nú blessuð þjóðin/þjóðarsálin vera stödd, svona miðað við þær uppskriftir, sem ráðamenn þjóðarinnar hafa matreitt og borið fram á borð síðustu mánuði og sagt okkur að innbyrða.

Stuðlar t.d. samsetti þjóðardiskurinn, að hollustu, jafnvægi, jákvæðni og lífsgleði - ég bara spyr

  

josira 

p.s nú fer ég að muna hvers vegna ég hætti alltaf að blogga með einhverju millibili... helmingurinn af tímanum fer í að jafna bil milli texta og mynda og síðueiningarnar eru á flakki út og suður. Held ég fari í bloggpásu aftur um einhvern óákveðinn tíma.