Afdrif gömlu þjóðarskútunnar ...

" Þó löskuð sé hún blessuð þjóðarskútan er í höfn kemur, munum við samhent lagfæra hana á ný og endurbygging hennar mun hefjast með breyttu hugarfari, áherslum og nýjungum. Brydda hana síðan andlegum auðæfum okkar, sem finnast munu í gömlum földum kistlum, lengst ofan í lestum hennar, sem opnast hafa í öllu öldurótinu."

Þegar að verður gáð verða þessi andlegu verðmæti það leiðarljós, sem lýsa mun hverjum og einum og þeim er það sjá og finna eða eftir leita, frá myrkri og vonleysi gamla farvegarins og inná nýjar brautir, sem gefa von í hjarta.

Því þegar þjóðin mun uppgvöta sinn innri styrk, hinn andlega auð, mun hún sameinast, sem einn maður með nýjum formerkjum, breyttum áherslum til lífviðhorfa, lífshátta og sterkari, en nokkru sinni fyrr. Og verður sú fyrirmynd, sem önnur ríki munu leita til og hafa að leiðarljósi.

Til

friðar...frelsis...réttlætis...mannúðar...hugsjóna...vonar...mannkærleika og framfara til góðs...á öllum sviðum frá öllum hliðum ... Þannig sjónum sé ég nýja Ísland fyrir mér.

( ofnan sögð orð eru að finna í einni af eldri færslum mínum )

http://www.josira.blog.is/blog/josira/entry/1044459/

 

P.S.

var að velta vöngum yfir þjóðarástandinu svona almennt þessa dagana og hvaða breytingar megi merkja á liðnum mánuðum á hinum ýmsu sviðum þess. Mér finnst einfaldlega að góðir hlutir og breytingar gerast heldur hægt, þó sjá megi fólk nú bjartsýnni í sumarblíðunni, þá er ég farin að finna fyrir örlitlum kvíða, þegar húma mun að kveldi og haustnætur heilsa.

Því enn og aftur hugsa ég til þeirra, sem minna mega sín í þjóðfélaginu, hafa brotnað undan oki fjármála, eiga við atvinnuleysi að stríða, ásamt öldruðum og öryrkjum. Þar sem fjárhagsstaðan er einna verst. Og finnst mér, að stjórnvöld hafi ekki staðið sig nógu vel og sómasamlega að úrlausnum þar.

Segja má, að stóri Lottóvinningurinn sé hjá þeim, er halda vinnu og ná að halda sér á floti í hafi talnanna og útreikningum þeirra, sem öllu stjórna, stýra og eru upphugsuð örfárra mannanna verk. Lífsafkoman er enn afleit hjá allt of mörgum á Íslandi í dag.

Ætlaði að skrifa um eitthvað skemmtilegt og jákvætt eftir þetta bloggfrí mitt, en varð að hleypa þessum hugsunum og orðum frá mér að sinni ...

Sendi mínar bestu sumarkveðjur með von og ósk i hjarta um að ástandið almennt batnandi fari.  

josira

( enn og aftur ekki tekst mér að ráða hér línubilum ! þannig að hér er allt í belg og biðu ;-(  

Spurning hversu lengi getur vont versnað ...

 

  

Get ekki neitað því að ég hef orðið áhyggjur af hetju-bændunum okkar og búaliði ásamt skepnunum öllum undir Eyjafjöllum og nágrenni og hjálpendum öllum. Einnig af öskusallanum ásamt hugsanlegum eiturgufum, sem sjást illa eða ekkert, sem þarna fara um allt. Sem kannski síðar meir gæti haft áhrif á heilsufar manna og dýra og sem gæti komið fram í kvillum eða öðrum veikindum. Það þarf að að fara að huga að þessum málum, þrátt fyrir óbugandi þrautseiglu manna, mót afli eldgossins.  

Og virðist frekar óútreiknanlegt hversu lengi þessi ósköp munu standa enn.

Samt kæmi mér ekki á óvart að einhverjar breytingar væru framundan á þessum komandi sólarhring eða þeim næstu. Annað hvort fer hraun að renna og öskubólstrarnir að minnka og eldgosið þá að komast í rólegra umfang, sem ég vona að gerist, eða einhverjar hræringar og jafnvel umbrot verða annarsstaðar, einhverra hluta vegna finnst mér þó ekki það vera Katla. sem hugsanlega myndi hrista af sér.

En þó er ekki gott um það að segja. jörðin - landið okkar heldur áfram umróti sínu, (er í raun að hjálpa til), meðan verið er að moka út spillingar-skítnum og þeirri lykt, sem þar gýs upp með, þegar stórhreingerningar standa yfir í danshöllunum og ýmislegt finnst er falið hefur verið í skúmaskotum bak við hin ýmsu tjöld og sópast nú fram í dagsljósið nánast nú á hverjum degi. Efnahags-hrunadansinn er miklu víðtækari en haldið hefur verið og fjölmennari, en nokkurn óraði fyrir. 

Við verðum áfram að biðja fyrir landi og þjóð og að öll hreinsun gangi sem allra best á öllum sviðum og frá öllum hliðum mannlífssins, allsstaðar. Og að Eyjafjallajökullinn verði umvafin heilunar-og kærleiksorku hinna guðdómlegu afla.

Það kemur að því að sést mun til sólar.

 

josira

Kolniðamyrkur við jökulinn

Krafturinn undir kraumar og mallar ...

 

Sjónarsviðið sjóðheitt brennur

bylgjast áfram, hraunið rennur.

Reykjabólstar til himins berast,

brak og brestir, mikið að gerast.

Heilu og hálfu dagana hylur náttúran á Eyjafjallajökli, sig með gufuhulu og vill ekki láta fylgjast með sér opinberlega. En suma daga fáum við að sjá lítillega til hennar. Trúlega þurfum við enn um sinn að bíða eftir að, afkvæmið sjáanlegt verði og að fullu fætt. (Hið nýja land hennar-okkar) 

Ég held að móðir náttúra sé í þessum fæðingarátökum (hríðum) sínum, á jöklinum, að hjálpa til um losun neikvæðrar orku, sem ríkt hefur í þjóðfélagi okkar um jafnvel miklu lengri tíma, en við gerum okkur enn grein fyrir. Sem og nær bæði yfir haf og heiðar.

Í myndlíkingu mætti segja að;

Á meðan þessari úrvinnslu og umbreytingum stendur í þjóðfélaginu, heldur hún áfram hjálp sinni, með því að bylgast um og hreyfast í takt við að koma ósómanum, sem þrýstist orðið upp á yfirborðið (reykjabólstrar hennar, sem og berast erlendis) nánast á hverjum degi, hjá mönnum, stofnunum og fyrirtækjum í hinum hlykkjótta dansi hinna spilltu talna (tölur peninga á blöðum), sem stjórnað hafa og stýrt þjóðfélaginu á svo margan máta. 

Við viljum fá að sjá nýtt Ísland, byggt á góðum mannlegum grunni, þar sem réttlæti á að ríkja, en óstjórn og svik að víkja.

 

Þannig að enn um stund þarf orka jarðar að halda áfram með losun sína. Því hún er að létta um hjá sér og með okkur. Athugum að neikvæð orka (hugsun) mannanna sýjast einnig til náttúrunnar og geymist þar. Og ekki annað hægt að segja en, að hún gefi sig af miklum eldmóði og með valkyrjuhætti í þetta veigamikla verkefni, með þeim þrumum, drunum og öðrum hljóðum, sem frá henni berast.

Léttasótt hennar var af öðrum toga í hinu fallega Fimmvörðuhálsa - eldgosi heldur en í elds um-brotum og breytingum, sem nú eru í gangi. Hér má sjá nokkur ljóðaspor mín úr fyrri bloggum;

Nýlegar myndir og lítið ljóð ... á fimmvörðuhálsi og Eyjafjallajökull sjálfur; Sem melta mun forynjur og fépúka ... 

En að öðru, sem tengist þó; Hvað með hugsanlegar (ósýnilegar) eiturgufur, sem gætu komið frá eldstöðvunum? Og borist frá þeim. Hefur t.d. andrúmsloftið verið mælt í 50-100 km. radíus frá jöklinum? 

Ég get ekki neitað því að ég hef orðið áhyggjur af mönnum og skepnum þarna fyrir austan. Í dag (gær) sá ég úr Kópavoginum gulleita slæðu ligga um Bláfjöll, undir skýjabakka til suðurs. Nema að hafi einungis verið aska, svona gullituð.

Við verðum að vona það besta og að allri þessari ólgu fari að linna og að öll mál fari að komast upp á yfirborðið, svo hægt sé að koma öllum hjólum atvinnulífs af stað, sem er grunnur og uppistaða þjóðfélagssins í heild sinni og áfram skulum að biðja máttarvöld og verndarvætti um vernd og blessun, landi og þjóð til handa.

josira

( ps. ArrGG...eina ferðina enn hvarf allt, sem ég var áður búin að skrifa hér og ég lagði upp með...Gleymdi mér í skrifgleði minni að vista og þegar síðasta setningin var að fæðast ...Púuff allt fór. Annað hvort var að sleppa færslunni alveg eða draga fram þolgæðið og byrja að nýju, sem og ég gerði ... er orðin andvaka hvort eð var, vaknaði aftur. (Búin að sofa sem blíðasta barn undanfarnar nætur) 

 

En áfram heldur vitleysan. Nú á í miklu basli og veseni með stafa- og línubil nú, get ekki lagað sem skyldi, hætt að sinni...er einhver sem lendir í þessu þarna úti ?

 

 

Gosmökkur í 31 þúsund feta hæð

Allt er gott sem endar vel ... Kúm bjargað úr haughúsi

 

Hjálpar-og björgunarsveitirnar okkar hugum djörfu, eru ætíð tilbúnir hvar og hvenær sem er um land allt, sé hjálpar þörf. Og skiptir þá ekki máli hvort sé um menn eða skepnur um að ráða.

Ég get svo sannarlega sett mig í spor blessaðra kúnna, sem sátu fastar þarna, því einu sinni  hlunkaðist ég niður um flórhlera niður í haughús í fjósi og það var afar óþægileg lífsreynsla, svo ekki sé meira sagt. En ég komst nú af sjálfsdáðum út um fjóshaugargatið eftir mikið puð og andþrengsli. Og var lánsöm líkt og kýrnar, að nýbúið var að moka að hluta til úr haughúsinu og fagnaði ég frelsinu er komst ég út.

Björgunarsveitarmenn frá Blönduósi og Hvammstanga voru kallaðir til í gær þegar þrjár kýr á bænum Litlu-Ásgeirsá í Víðidal lentu ofan í haughúsi. Hausinn á kúnum stóð einn upp úr haugnum að sögn Sigtryggs Sigurvaldasonar bónda. Björgunarmenn urðu haugskítugir við björgunina - í orðsins fyllstu merkingu.

„Það var bara rétt hausinn uppúr,“ sagði Sigurgeir um aðkomuna að kúnum. „Þær gátu lítið hreyft sig í þessu.“ Hann sagði að draga hafi þurft kýrnar á spili eftir endilöngu haughúsinu, um 15 metra vegalengd, að gati á húsinu.

 

josira

 

 

Kúm bjargað úr haughúsi

Betri byggð um land allt - Landsbyggðin lifi ...

 

Má til með að benda á þessa áhugaverðu vefsíðu um störf og hugsjónir manna landshornanna á milli.

 " Meginmarkmið og framtíðarsýn Landsbyggðin lifi er að stuðla að myndun samstöðuhópa, þ.e. framfara-, velferðar- eða þróunarfélaga, helst í hverju sveitarfélagi landsins, og jafnframt að miðla og dreifa upplýsingum og mynda góð tengsl þeirra á milli þeim til uppörvunar og leiðbeiningar og góðum málum til framdráttar.

Landsbyggðin lifi - LBL, er hreyfing fólks á Íslandi sem vill örva og efla byggð um land allt.

Áhersla er lögð á að tengja fólk saman og hjálpast að við að mynda sterk heildarsamtök, samstarfsvettvang fyrir einstaklinga og hvers konar óháð áhugamannafélög sem hafa það á stefnuskrá sinni að styrkja og efla heimabyggð sína og stuðla þannig að samstiga þróun byggðamála um land allt bæði efnahags- og menningarlega "

josira

 

Úr búið til úr ösku úr eldgosinu í Eyjafjallajökli – Tugmilljóna króna virði

" Úr þetta er auðvitað einstakt í sinni röð, því að ekki verða smíðuð fleiri en þetta eina, og hefur ekki enn verið settur verðmiði á það – en það þarf enginn að efast um að það verður dýrt. Þegar Romain  Gerome lék þennan leik áður og notaði þá málm úr hinu sokkna skemmtiferðaskipi Títanik í eitt einasta úr var það selt á sem svarar 65 milljónum íslenskra króna.

Talsmaður úrframleiðandans telur að úrið með gosöskunni úr Eyjafjallajökli muni vekja athygli sömuleiðis."

Frétt þessa fann ég á Pressunni; Hratt flýgur stund  

Ekki datt mér nú í hug, þessi úr-vinnsla, þó eitthvað listrænt gildi gosöskunnar hafði leitað á mig...

Eru gosefnin kannski til góða og nytsöm til listmunagerðar;

http://josira.blog.is/blog/josira/entry/1046735/

 

josira

Eliza Geirsdottir Newman: Eyjafjallajokull ... alveg eldsnjallt lag ...

 

 

Hér má sjá og heyra stutta útgáfu af óvæntu, en væntanlegu lengra útgefnu lagi sönggyðjunnar Elízu, sem nú minnir heiminn á sig, samhliða náttúru Íslands, með þessu eldsnjalla lagi, Eyjafjallajökull ;

 

josira

 

Haförn - ernir og tákn þeirra ... er verið að færa okkur skilaboð ! ...

 

“Örninn táknar andlega vernd, flytur bænir, og færir styrk, hugrekki, visku, lýsingu í anda, lækningu, sköpun og þekkingu á leyndardóma “ 

(The Eagle represents spiritual protection, carries prayers, and brings strength, courage, wisdom, illumination of spirit, healing, creation, and a knowledge of magic. The eagle has an ability to see hidden spiritual truths, rising above the material to see the spiritual. The eagle represents great power and balance, dignity with grace, a connection with higher truths, intuition and a creative spirit grace achieved through knowledge and hard work.) 

Eru þeir ekki að hjálpa okkur að takast á við þær breytingar, sem eru að gerast í þjóðarvitundunni og lýsa okkur leiðina til hins nýja Íslands, að því þjóðfélagi, sem við viljum skapa og búa í. Táknmynd þeirra er slík.

Er einnig að hugsa nú hvort þeir séu að koma með einhverja vernd norður, sem þörf er fyrir.

Því til Ólafsfjarðar kom í heimsókn ungur Haförn í morgun; “

Þá kom hann fljúgandi inn yfir bæinn og settist síðan á flugvöllinn - rétt framan við vinnubúðirnar við munna Héðinsfjarðarganganna “ sagði Gísli Kristinsson.

Einnig sást til Hafarnar í Skagafirði og nágrenni nú um miðja mánuðin.

Ég er þess fullviss að læra má margt af veru þeirra hér og hef ég áður skrifað þessa mögnuðu fugla og hvaða orku, styrk eða lærdóm þeir færa okkur ... Haförn í Hvalfjarðarsveit 5 nóvember... ásamt öðrum fuglum ;

Munum að hann telst einn af landsvættunum okkar ... 

Og í sambandi við fugls-landvættinn okkar ... Er Gammurinn ekki einnig sam - táknberi; fyrir Örn ... Griffin ...  og  Fönix.... ! sem og fyrir finnast í hinum ýmsu menningarsamfélögum um allan heim.

Ríki Seifs og guðanna var á Ólympsfjalli, hæsta tindi Grikklands. Seifur var talin almáttugur og alsjáandi. Seifur var giftur gyðjunni Heru og tákn hans var Örn og þrumufleygur.

Hliðstæða Júpíters í norrænni goðafræði er þrumuguðinn Þór og í mörgum tungumálum er fimmtudagur dagur Þórs, samanber Torsdag í dönsku og Thursday í ensku.

Og hér má til gamans fylgjast með vefmyndavél við arnarhreiðrið í ónefndum breiðfirskum hólma, sem þau Bergsveinn G. Reynisson og Signý M. Jónsdóttir á Gróustöðum í Reykhólahreppi standa að (Arnarsetur Íslands)

Tökum á móti með þakklæti í hug og hjarta veru þeirra hér, skilaboð og vernd.

josira

 

Haförn á flugi í Ólafsfirði

Hera heilla mun heiminn - Je Ne Sais Quoi - eflist á eldgosamyndbandi ...

 

Hera Björk - Je Ne Sais Quoi (Volcano Version) Eurovision 2010 Iceland

Örugglega sú eina, sem fær lifandi náttúruöflin til liðs við sig, í bakgrunn á eldfimu myndbandi fyrir Eurovision 2010 ... Þarna skína tvær Dívur dásamlega saman ...

josira

2010 ... Almúganum má blæða á meðan bankar og stofnanir græða ...

 

Er andvaka og ...

get ekki orða bundist, mér svíður í hjartanu, hve einföldum augum ég hef litið á ástandið í þjóðfélaginu ...  

Þegar svo margar fjölskyldur, öryrkjar og ellilífeyrisþegar geta vart haldið út hvern mánuð, að eiga til hnífs og skeiðar, ásamt því að reyna að borga þær föstu greiðslur sem inna þarf af hendi ... s.br. húsnæði, rafmagn, hiti, sími, sjónvarp, tryggingar og s.fr.

Og hve virkilega er orðið óþolandi hve hægt hlutirnir gerast hjá blessaðri ríkisstjórninni við að bæta ástandið fyrir okkur þegnana. Bara barrlómur, “ erfitt um vik, lítill sem enginn peningur og blablabla ... og á þingiðv antar meiri samstöðu flokka og manna á milli, með úrlausn mála.

Ég hef nú verið að vafra aðeins um netið og skoða, spá og spegluera ...

Og að ég, sem hélt að þjóðfélagið lægi þvílíkt á hliðinni ...

ja hérna, nei ekki aldeilis virðist það vera, allavega ekki hjá hinum ýmsu bönkum og stofnunum, sem eru svo samtvinnuð hinu daglega lífi okkar landsmanna ...

Kannski væri ráð að fá eitthvað af þessu fólki, sem kann að nota jákvæða orku peningana, til að halda um fjármálatauma ríkistjórnarinnar til að rétta halla ríkissins af og læra þá af þeim hvernig hlutirnir gerast í fjármálaheiminum.

Eða fá eitthvað af pening frá þessum bönkum og stofnunum til að styrkja atvinnumálin og reyna að koma þeim hjólunum af stað. Þá fara öll hin tannhjólin að snúast og vænkast þá hagur margra þjóðfélagsþegna. (lottó vinningurinn í dag er hjá þeim er halda vinnu). 

Samt finnst mér ekki einleikið með allan þennan pening sem er í umferð, en er lítt sjáanlegur.

Eru maðkar enn að svamla í mysunni. ?

Eru þessir peningar til ?

Hvaðan komu þeir ?

Hvað er verið að gera við alla þessa peninga ?

Er verið að láta þá hlaða á sig vöxtum ?

Eða er þetta enn, allt leikur að tölum, sem eru frambærilegar á hvítu blaði ?

 

Ég reyni nú að vera með jákvæðar hugsanir og að heiðarleiki í fjármálum og gegnsæi, séu orðin raunveruleg, bæði í orði og á borði. Og ætla að trúa því að unnt væri, að fá aðgang að einhverju af þessu fjármagni - til að koma pening út í þjóðfélagið.

Gætum við þá ekki frekar tekið að láni peninga hér á landinu hjá þessum bönkum og stofnunum, en ekki hjá AGS. Það hlýtur að vera hagstæðara fyrir okkur öll. Hér má finna litla samantekt á þeim slóðum sem ég rataði inn á; 

2010 - Hagnaður einhverra banka og stofnana s.l. mánaða. Hér er ekki verið að tala um einhverjar milljónir...heldur milljarða...

Peningamagn í umferð aldrei meira en um síðustu áramót  

Eignir verðbréfa og fjárfestingasjóða hækkuðu um 11,6 milljarða í mars  

Staða Seðlabankans ..." Heildareignastaða bankans lækkaði lítillega á árinu, en stendur þó enn í tæplega 1.200 milljörðum króna líkt og í árslok 2008. Í árslok 2009 námu erlendar eignir bankans um 41% af heildareignum. Í lok ársins á undan námu erlendar eignir bankans 47% af heildareignum."

Hvaða eignir á Seðlabankinn erlendis ?

Eru það alls skonar fjármögnunar- verðbréf eða húseignir ?

Innstæður ríkissjóðs hjá Seðlabankanum 446 milljarða kr ( þarna koma erlend lán við sögu)

(Á árinu 2008 varð hins vegar tæplega 184 milljarða króna tap á rekstri bankans fyrir endurheimtur frá ríkissjóði sem endurreistu eigið fé bankans. Þær endurheimtur námu 175 milljörðum króna).

(Eitthvað fór þetta nú fram hjá mér á sínum tíma .... Var Seðlabankinn sjálfur, eign ríkissins að fara á hausinn 2008. Hvernig gat hann tapað 184 milljörðum ? Í hvað fór þessi peningur ?)

 

Bankar; 

14,3 milljarða hagnaður Landsbanka 

Hagnaður Glitnis 38,2 milljarðar króna  

Finn ekkert um Arion banka, nema gamalt; ( Og hverjir eiga svo hann nú aftur ?)  

Afkoma Nýja Kaupþings banka (nú Arion banka) frá 22. október til ársloka 2008 Hagnaður eftir skatta 4,8 milljarða króna 

Sparisjóðir í sjöunda himni 2007 

(Efnahagsreikningar stærstu sparisjóðanna héldu áfram að tútna út á síðasta ári eins og árin á undan. Við lok síðasta árs stóðu eignir í 391 milljarði króna og höfðu vaxið um 120 milljarða á árinu eða um 45 prósent). Veit ekki alveg söguna á bakvið breytinga hjá Sparisjóðunum.

Hagnaður Íslandssjóða 

Í lok desember 2009 voru 16 sjóðir í rekstri hjá félaginu og nam hrein eign þeirra 89,7 milljörðum króna. Tveir sjóðir sem eru skráðir í Lúxemborg eru í stýringu félagsins og nam hrein eign þeirra 20,4 milljörðum króna í árslok 2009.

(Hafði ekkert heyrt um þessa sjóði fyrr en ég rakst á þá áðan -sýnir hvað maður fylgist lítið með þessum fjármálaheimi)

Tryggingarfélög;

Hagnaður TM 2,9 milljarðar króna 

1,2 milljarða hagnaður VÍS 

Peningarnir dansa fyrir framan augu mín, nú er ég hætt ... Kollurinn á mér meðtekur ekki allar þessar spurnigar, sem flögra um huga minn.

Og ég einfeldningurinn, sem hélt að lítill sem enginn peningur væri nú til á Litla-Stóra Íslandinu.

Gömul færsla síðan 2007 hjá mér; Eiga bankar og stofnanir-félög orðið landann ..?

 

Nóg í bili. Þetta er svakalegt þegar manni hitnar svona í hamsi og finnur fyrir löngun að tjá sig um svo margt, fær hálfgerða ritræpu, svo að varla verður vært fyrir manni ...

 

Nú held ég að mín sé farin í bloggfrí ...

 

 

josira

(p.s. læt þetta fara svona núna, þó eitthvað sé í belg og biðu í þessum blessuðu línubilum hér. Búin að reyna mitt besta, set lítið lauf til að reyna að skifta línubilunum...(arrg...)