Fíkniefnaskútan...

 

Mikið leið hjartanu mínu vel, þegar ég heyrði um fíkniefnaskútuna, sem var tekin á Fáskrúðsfirði með mönnum, mús og einu mesta magni eiturlyfja Íslandssögunnar, sem fundist og náðst hefur. Nánar; fréttir  : Stærsti fíkniefnafundur sögunnar          Rúmlega 60 kíló af....

Með því hefur verið afstýrt miklu flæði þessa bölvalds til áframhaldandi niðurrifs og eyðileggingar margra sálna, sem misst hafa fótfestu í lífinu. Og aldurinn færist sífellt neðar til þeirra sem ánetjast. Þessi stóri fundur fíkniefnanna er eflaust bara toppurinn á ísjakanum. Og verður vonandi til þess, að meira tengt þessu mikla þjóðfélags-meini og vandamáli eigi eftir að koma uppá yfirborðið.

Megi sem flestir og helst allir, sem fastir eru í feni fíkna, ásamt því ógæfufólki, sem tengjast sölu þess leita eftir allri þeirri hjálp, sem í boði er til afeitrunar og sjálfsstyrkingar og átt til betra lífs.

Og að öll sú neikvæða orka, sem fylgir í kjölfarið neyslu t.d. víndrykkja, eiturlyf, þunglyndi, ringulreið, gjaldþrot, vændi, hjónaskilnaðir, stefnuleysi og agaleysi feykjast á brott með breyttu lífsviðhorfi og lífsháttum...

Megi ný og björt orka umvefja þjóðfélagsvitundina, sem dvelur um borð í þjóðarskútunni  hinni íslensku, til betra lífs á öllum sviðum og öllum hliðum í lífsins ólgusjó...

josira

 

 

 

Athugasemdir

[Unnur R. H., 21.9.2007 kl. 16:46]

Elsku dúllan mín..Ekki gæti ég verið meira sammála þér en núna..Eins og þú veist er ég aldeilis búin að fá að kenna á þessum ósóma..En því miður eru þessir andskotar allaf með aðra bakleið Þannig að ég er ekki sátt meðan stórlaxarnir sem eru að fjármagna þetta ganga lausir!!! Og því miður veit ég að þeir sleppa, enginn dópsali, þá meina ég ENGIN, kjaftar frá.Því miður mundu þeir dauðir liggja..Hef bara reynslu af því sjálf..

En takk fyrir