Úr búið til úr ösku úr eldgosinu í Eyjafjallajökli – Tugmilljóna króna virði

" Úr þetta er auðvitað einstakt í sinni röð, því að ekki verða smíðuð fleiri en þetta eina, og hefur ekki enn verið settur verðmiði á það – en það þarf enginn að efast um að það verður dýrt. Þegar Romain  Gerome lék þennan leik áður og notaði þá málm úr hinu sokkna skemmtiferðaskipi Títanik í eitt einasta úr var það selt á sem svarar 65 milljónum íslenskra króna.

Talsmaður úrframleiðandans telur að úrið með gosöskunni úr Eyjafjallajökli muni vekja athygli sömuleiðis."

Frétt þessa fann ég á Pressunni; Hratt flýgur stund  

Ekki datt mér nú í hug, þessi úr-vinnsla, þó eitthvað listrænt gildi gosöskunnar hafði leitað á mig...

Eru gosefnin kannski til góða og nytsöm til listmunagerðar;

http://josira.blog.is/blog/josira/entry/1046735/

 

josira

Er ekki hægt að nýta öskuna t.d. til listmunagerðar !

Gott að heyra að hreinsunarstarf undir Fjöllunum skuli vera með miklum krafti heimamanna og hjálpenda víðsvegar að ... og að bændur bugast ei ... því viljinn knýr vængi vonarinnar ... 

Vísa hér á hugmyndir í kolli konu, um hugsanlega nýtingu gosefnanna, sem legið hafa sem leirteppi yfir sveitinni fallegu undir Eyjafjöllum...

eldri bloggfærsla mín;    Eru gosefnin kannski til góða ...

josira 

Moka ösku á sturtuvagna

Raunsönn orð Lilju Mósesdóttur ...

 

" Skuldarar hrópa á réttlæti, norrænt réttlæti "

og að koma verði í veg fyrir að bera eigi fólk út úr húsum sínum.

Þessum orðum Lilju er ég svo sannarlega sammála.

Get ekki neitað því að á síðustu dögum hef ég verið komin með æluna upp í háls yfir þessu ólgandi hafi talnanna og útreikningum þeirra, sem stjórna hér landi og þjóð … 

Allur lífsins dans virðist eilíft vera háður takti talnanna og örfárra manna er sjá um útreikning þeirra.

Við erum föst í viðjum danssins.

Þeir ríku verða ríkari og þeir fátæku,fátækari …

(Þeir ríkari þurfa ekki að standa í biðröð til að þiggja matarbita frá hjálparstofnunum eða sætta sig við hafragraut í annað hvort mál, smjörlíki oná brauð eða gamlar servíettur - kaffipoka eða krumpuð dagblöð fyrir wc pappír þegar líða fer á mánuðinn).

Hvernig  vinnur t.d. þessi blessaða ríkisstjórn eftir  útreikningum  talnanna, sem lúta að björgun fjölskyldna í landinu og stóru loforðunum um Skjaldborg Heimilanna. Örfá  orð um þau góðu loforð;

Lykilatriði er að tryggja húsnæðisöryggi fjölskyldna og einstaklinga.

Að leiðrétta með lækkun á greiðslubyrði þeirra sem verst standa þar til verðmætasköpun atvinnulífsins tekur aftur að aukast.

Skuldastaða heimila, greiðslu- og framfærslugeta verði til stöðugs endurmats sem og nauðsynlegar aðgerðir til að koma til móts við heimili í vanda.

Og hver er svo nýasta ákvörðun þessarar margumtöluðu ríkisstjórnar ;

 

Jú, að fylgja eftir skipun AGS um að taka af öll tvímæli um það að engar almennar afskriftir verði á skuldum almennings, sama hvaða nafni þær nefnist . Svona til að hagvöxturinn hér komist á rétt ról – svo þeir geti veitt með höfðingsskap sínum, lán sitt til okkar. Eða þannig …

Ég veit nú  ekki betur en, að almenningur er nú kannski ekki beint að kalla eftir afskriftum lána sinna, líkt og fjölmargar stofnanir og fyrirtæki hafa fengið ásamt nokkrum einstaklingum, sem hleypur á milljörðum.

Heldur t.d. að húsnæðis-og bílalánum verði komið í farsælan og sanngjarnan útreikning í farveg talnanna. Þannig að grundvöllur sé fyrir fólk að standa sínar skuldbindingar, sem það lagði upp með og  var viðráðanlegt samkvæmt greiðslugetu þess á þeim tíma, sem eignir voru keyptar.

Færa t.d. afborganir aftur fyrir um 2-3 ár (lengja lánstímabilið) án einhverra flókinna útreikninga.  Finnst mér að það ætti að vera frekar einfalt mál .

Ef þessi blessaða þjóð okkar á að eiga sér viðreisnar von, verðum við  að horfast í augu við, að sameinuð verðum við að standa saman hönd í hönd.

Lækkun bankavaxta og út með verðtrygginguna gömlu. Sem hvergi þekkist nema hérlendis, að ég best veit um. Koma hjólum atvinnulífssins af stað. Það er auðvitað grundvöllur alls mannlífssins og afkoma heimilina, sem í raun heldur öllu battiríinu gangandi <> þjóðin sjálf.

Það er engu líkara, en að stjórnvöld séu blind á að hvernig og hvert tannhjól þarf að virka svo allt snúist í öllu kerfinu.  ..Nei,nei … bara meiri skatta álögur og eignir á uppboð og annað fleira í boði talnanna.

Ég  sé nú ekki að lausn efnahagsástands felast í því. Einungis niðurbrot margra fjölskyldna. Og hver verður kosnaður ríkis og bæja þegar upp verður staðið, þurfi þeir að sjá fólki fyrir húsaskjóli og framfærslu þegar ríkisstjórnin heldur svona áfram að loka hverri dyr af annari hjá fólki.

Þetta er að verða ein hringavitleysa.

Ég vil endilega benda á bloggfærslu mína þann 13 apríl s.l. um hina stjórnslyngu 89 ára Hazel McCallion, sem heldur um stjórnvölinn í Mississauga, sjöttu stærstu borg Kanada, en þar hefur hún verðið borgarstjóri í 31 ár.

Íslensk stjórnvöld ættu að taka sér, elsta og besta borgarstjórann í Kanada til fyrirmyndar ...

Hennar mottó hefur alltaf verið að halda fólki í vinnu og sköttunum lágum.

Það er eitthvað annað, en stefnan hérlendis !

En er það endilega svo, að við þurfum lán frá AGS. Er ekki t.d. hægt að nota eitthvað af fjármagni þess er Seðlabankinn hefur hagnast um í gjaldeyrishöftunum.

eða taka lán hjá lífeyrissjóðunum okkar á  viðráðanlegum  kjörum ? (sem eru eign landsmanna)

Hrein eign lífeyrissjóðanna 1.797 milljarðar

(En þó held ég að við eigum væntanlega eftir að heyra eitthvað meir um mál lífeyrissjóðanna, held ég að ekki séu öll kurl komin til grafar á þeim bænum).

Og hvernig er með bíla-lánafyrirtækin ? Afskrifaðu ekki bankar erlendis, lán þeirra hingað ?

( p.s. finnst mér einnig eilítið undarlegt hve mörg fyrirtæki og stofnanir og jafnvel fólk víða um heim og hér heima eru farin að sýna góðar hagnaðartölur)

josira

„Skuldarar hrópa á réttlæti“

Andardráttur jarðarinar ... og hljóð hennar í geimnum ...

 

Hér má sjá og skynja rythma jarðarinnar eða öndun hennar ...

og hljóð hennar (söngur) tekin upp af Geimferðastofnun Nasa

Fallegar nátturumyndir (sá Skógarfoss hinum fallega og Barnafossum bregða fyrir) undir tónlist Kevin Kern ...

Gott að staldra um stund og fara í slökun eftir þessa endalausu hringavitleysur í efnahags-og stjórnamálunum, ásamt darraðadansi náttúruaflanna ...

Leyfi að fljóta hér með, hugleiðingar mínar um ævintýri og ferðalög, sem sjást í gluggum með frostrósir (hélaðir gluggar) ásamt undirspili fagurra tóna Friðriks Karls.

(annað ljóðið mitt af tveimur, sem kom til mín á ensku)

Frost Roses. 

Frost roses in a window

come when temperature is low.

You just sit there

and watch in it slow. 

A world full of fairy-tale

encourages you to go.

Into magical places

let your imagination flow.

Your journey will take you

on the charming move.

Into the world

you have never knew.

As the moonlight come near

like a beautiful chrystal clear.

Is the frost roses in rime,

natures art you enjoy this time.

joira

 

Heilræði mín, gef til þín ...

Fortíðin geymir minningar, nútíðin er það raunverulega, í framtíð felst áskorun og markmið...

Nálægðin nær tökum á þér þegar tíminn, tímalaus er...

Veröld okkar spannar margar víddir…

Átakalaust fuglinn flýgur og frjókorn upp úr moldu smýgur...

Viljinn knýr vængi vonarinnar...

Með djörfung og dug, dafnar hugrekki í hug...

 

josira

 

Einstakur framburður orðssins EYJAFJALLAJÖKULL hjá erlendum fréttamönnum ...

Furðulegt, en frábært að heyra hvað þetta fallega íslenska orð, Eyjafjallajökull reynist mörgum útlendingum erfitt að segja ... þeim virkilega vefst þarna, tunga um tönn ...

Algjörlega æðislegt að hlusta á þau

http://www.huffingtonpost.com/2010/04/20/the-ultimate-iceland-volc_n_545010.html

( fyrir neðan myndina af manninum, bíða aðeins meðan hleður)

Og myndir, sem segja meir en mörg orð

(enn og aftur er þetta blessaða mbl. forrit að gera mig ARggg...

setningar samþjappaðar og html-ham neitar að vinna með mér.

Búin að reyna mikið að koma þessu videoi hingað inn.

Gafst upp og setti einungis linkinn inn)

josira

Ýmsar kenningar og fræðsla um eldgos og jarðskjálfta jarðarinnar ...

 

Mannskepnan er æði smá er kemur að náttúruhamförum jarðarinnar. Hér má skoða, spá og spegulera í nokkurð áhugaverð mynbönd um vöxt og þroska móðir náttúru ...

Og í leiðinni beinar útsendingar vefmyndavéla Mílu og Vodafone af eldstöðvunum í Eyjafjallajökli ...

Frá Mílu;

Eyjafjallajökull frá Þórólfsfelli , Eyjafjallajökull frá Valahnjúki og

Eyjafjallajökull frá Hvolsvelli 

Vefmyndavél Vodafone frá Þórólfsfelli

Ýmislegt má hér finna af fréttum - ljósmyndum - og videoupptökum;

Eldgosavefur RÚV ...

Eldgosavefur MBL ...

Eldgosavefur Visir ...

 

josira

 

Minnir eftirminnilega á sig, Litla – Stórasta land í heimi ...

 

Hvað er Íslandið góða, að reyna að segja heiminum öllum með ösku sinni, sem berst nú um víðann völl með háloftavindum og beinir allra augum hingað ! 

Og er búin að raska ferða tilhögun milljóna manna um allan heim ! Sjáanlegra verður landið vart ! 

Með gjöf sinni til jarðarbúa og sem allflestir vilja hafna !

 

Í myndlíkingu sé ég það þannig, að í öskunni, sem erlendis fer búi dulbúin gjöf ef þannig má að orði komast. Sem er í rauninni hluti af hinu nýja Íslandi.  Landið er að minna á sig og milljónir manna að auki þeirra, sem hingað hafa komið, sem ferðamenn eða þekkja það gegnum efnahagshremmingarnar eða icesave munu nú ætíð vita hvar Ísland er. Og þess vegna verður nafn Íslands afar stórt í samvitund mannanna.

Allt sem á undan hefur gengið hefur hjálpað til að koma okkur þar, sem við erum í dag. Reynslunni ríkari, þó erfið sé hún. Og nú munum við taka þátt í mótun hins nýja Íslands, sem rísa mun úr öskunni, líkt og eldfuglinn Fönix forðum daga.

Því þegar þjóðin mun uppgvöta sinn innri styrk, hinn andlega auð, mun hún sameinast, sem einn maður með nýjum formerkjum, breyttum áherslum til lífviðhorfa, lífshátta og sterkari, en nokkru sinni fyrr. Og verður sú fyrirmynd, sem önnur ríki munu leita til og hafa að leiðarljósi.

Til

friðar...frelsis...réttlætis...mannúðar...hugsjóna...vonar...mannkærleika og framfara til góðs...á öllum sviðum frá öllum hliðum ... Þannig sjónum sé ég nýja Ísland fyrir mér.

Við stöndum á tímamótum mannkyn allt, með svo margt...

Við þurftum á umbreytingunum að halda, þó sárar séu og hafa verið síðustu árin. Því við stefnum nú til nýrrar framtíðar, með breyttun áherslum, þannig að heimsmyndin öll hljóti nýja framtíðarsýn, sem einnig mun byggja á fornum sannindum.

Þar sem okkar smáa, en sjálfstæða stórhuga þjóð býr, sem mótast hefur af sambýli við náttúruöflin og harðri lífsbaráttu gegnum aldirnar. Með að veganesti reynslu og þekkingu genginna kynslóða, sem aldrei létu deigann síga. Að gefast ekki upp þó að á móti blási, er setning sem allflestir Íslendingar eiga að kannast við.

Og þó útlitið sé frekar svart og kalt núna, bæði varðandi þjóðarmálefnin og vegna yfirstandandi náttúruhamfara, munu koma betri tímar og ný ráð. Náttúran nú hefur verið að taka þátt í öllu þessu umróti, sem þarf til að velta úr sessi gömlum úreltum stjórnarkerfum og spillingu um allan heim. Gildi lífssins breytast í návígi náttúruhamfara.

Við megum þakka máttarvöldunum fyrir, í rauninni hversu varfærnum höndum náttúran fer um okkur hér heima. T.d varðandi líf manna og dýra, ásamt litlum skemmdum á mannvirkjum. Hugur okkar allra er með fólkinu og skepnunum undir Eyjafjöllum og nágrenni þess hverja klukkustund þessa dagana. Þegar hamfarirnar eru að baki og kyrrð komin á, munum við öll sem eitt, leggja hjálparhönd við hreinsun og lagfæringa þeirra svæða sem öskufallið hefur hulið.

Einnig er ég viss um að sjálfboðaliðar erlendis frá, mun koma í hreinsunina, líkt og eftir eldgosið í Vestmannaeyjum.

Og örlítið meir um umrót og breytingar og er ég þá að meina um afdrif gömlu þjóðarskútunnar;

Þó löskuð sé hún blessuð þjóðarskútan er í höfn kemur, munum við samhent lagfæra hana á ný og endurbygging hennar mun hefjast með breyttu hugarfari, áherslum og nýjungum. Brydda hana síðan andlegum auðæfum okkar, sem finnast munu í gömlum földum kistlum, lengst ofan í lestum hennar, sem opnast hafa í öllu öldurótinu. Þegar að verður gáð verða þessi andlegu verðmæti það leiðarljós, sem lýsa mun hverjum og einum og þeim er það sjá og finna eða eftir leita, frá myrkri og vonleysi gamla farvegarins og inná nýjar brautir, sem gefa von í hjarta.

Við munum öðlast virðingu annara úti í hinum stóra heimi fyrir samheldnina innbyrðis og skilningur á öllu óréttlætinu sem við höfum upplifað mun aukast og hjálp mun berast til okkar.

Hér má lesa til gamans stórgóða grein eftir Sigurð Sigurðarsson og umsagnir erlendra fjölmiðla um Ísland í dag ... og Mögnuð mynd NASA af gosmekkinum ásamt myndbandi af eldingun í gosmekkinum...

Úr eldri bloggskrifum mínum ; Haförn í Hvalfjarðarsveit 5 nóvember... (skilaboð til þjóðarvitundarinnar)... 

Eru gæsirnar – farfuglarnir - með skilaboð - leiðbeiningar til okkar ? – vegna þjóðarástandsins...

josira  

 

  

 

Nýlegar myndir af eldgosinu í Eyjafjallajökli ... og lítil bæn

 

Hér ma sjá nokkrar myndir, sem voru á netinu, 

af hinum hriklegu eldsumbrotum í Eyjafjallajökli.

Teknar í námunda við jökulinn og frá Vestmannaeyjum.

Bein útsending úr vefmyndavél mílu á Hvolsvelli.

Bein útsending úr vefmyndavél vodafone á Þórólfsfelli.

 

Frá hlaðinu í Hlíð undir Eyjafjöllum klukkan þrjú í dag.

"Ljósin á bænum sjást þarna en það var á tímabili þar sem ég sá þau ekki,"

segir Sigurgeir L Ingólfsson í viðtali á visir.is

 

 

 

Biðjum máttarvöld og verndarvætti

að vaka yfir og vernda land og þjóð

á þessum umbrota og breytingatímum.

 

 

josira

Sem melta mun forynjur og fépúka ...

 

( mynd sem landhelgisgæslan tók af eldstöðvunum í Eyjafjallajökli )

 

 

Skrattakollur eða skessa ljót

læðast nú með eld og grjót.

Gæfuleg eru ekki er að sjá

skökk og skæld ásjónu á.

Á sig minna um veröld alla

er anda frá sér gjósku salla.

Sem stakkaskiptum sífellt tekur,

torveldar sýn og jörðina þekur.

Þröngvuðu sér úr möttli jarðar

jöklana skóku, hríðar harðar.

Hreinsunareldur upp nú rís

ræskir sig er jökullinn gýs.

 

Göng nú opnast upp á gátt

gos nú minnir á náttúru mátt.

Melta mun forynjur og fépúka

fláræði og svikum nú skal ljúka.

Ljósgeislar ljóma um landið síðar

smán saman grænka og gróa hlíðar.

Hæðir, hólar og vatnsföllin fögur

fönguleg færast í Íslands sögur.

josira  

 

( kannski fáum síðar, fallegt gil í Gígjökli með fögrum fossi í stað lónssins )