Margir merkir veðurdagar í marsmánuði ...

Vorjafndægur og einmánuður hafinn; http://ruv.is/frett/vorjafndaegur-og-einmanudur-hafinn

og vonandi fer nú að styttast í vorið okkar fallega, sem við bíðum orðið óþreyjufull eftir þennan erfiða vetur veðurfarslega um land allt, þó skaplegastur hafi hann einna verið, má segja hér á stór-Reykjavíkursvæðinu.

Eitthvað varð mér hugsað til skrifa minna í desember s.l. og fór að glugga í færslu hjá mér, síðan í lok desember s.l. Draumur fyrir fannfergi ? ,en þar koma t.d. fyrir margar hvítar kindur og hafði ég meðal annars nefnt Gvendardag, sem er 16 mars og ákvað nú að skoða ýmsa aðra daga í marsmánuði á netinu í framhaldi af drauma-hugleiðingunum mínum. (vissi eiginlega lítið, sem ekkert um alla þessa merkilegu marsdaga, sem ratað hafa nú hingað inn, eftir krókaleiðum netheimana.)

Og marga áhugaverða daga er að finna í þessum mánuði, sem á einn og annan hátt tengjast veðri.

Þá var talið vita á gott vor ef veður var vont á Gvendardag og Geirþrúðardag, sem eru 16 og 17 mars ár hvert.

17.mars er Geirþrúðardagur. Í sögu daganna eftir Árna Björnsson segir svo frá þessum degi: „Geirþrúður þessi var abbadís í Nivelles í Belgíu á 7.öld. Hennar sést naumast getið hérlendis nema þá helst á Suðurlandi í sambandi við veðurfar. Sennilega er það vegna nálægðar við Gvendardag.

Langflestir bjuggust við að veðrabrigði yrðu til hins verra og margir að það yrðu hörðustu dagar vetrarins. Töldu sumir jafnvel ills vita ef svo var ekki.

Og mikið kuldakast gekk einmitt yfir landið á þessum tíma nú. (væntanlega þá jákvætt fyrir vorkomuna)

Spáir 15 stiga frosti; http://mbl.is/frettir/innlent/2012/03/17/spair_15_stiga_frosti/

20 stiga frost við Mývatn; http://mbl.is/frettir/innlent/2012/03/18/20_stiga_frost_vid_myvatn/

Vara við versnandi veðri; http://mbl.is/frettir/innlent/2012/03/18/vara_vid_versnandi_vedri/

 

  

19. mars Góuþræll

Síðasti dagur góu kallast góuþræll en einmánuður hefst þann 20. mars og er hann síðasti mánuður vetrar. Sagt er að votur einmánuður boði gott vor. Í gamla daga gat þessi síðasti dagur vetrar verið fólki erfiður. Ef til vill var matur af skornum skammti og lítið hey handa búfénaði. Eftirfarandi vísa um mánuðina er úr Rangárvallasýslu og er eignuð álfkonu:

Langi Þorri leiðist mér
lata Góa á eftir fer.
Einmánuður yngstur er,
hann mun verða þyngstur þér.

20. mars Vorjafndægur
Þennan dag eru þrír mánuðir liðnir frá vetrarsólstöðum og þrír mánuðir í sumarsólstöður. Segja má að dagur og nótt séu jafnlöng en upp frá þessum degi fer birtan að hafa yfirhöndina.

22. mars Nýtt tungl (páskatungl)
Þegar tunglið er á milli jarðar og sólar snýr næturhlið þess að okkur og þá er talað um nýtt tungl. Nýtt tungl rís með sólinni við sólarupprás en sest við sólsetur. Nýtt tungl sést þar af leiðandi ekki á himninum. Hér má lesa fróðlegar upplýsingar um tunglið.

(fengið af síðu námsgagnastofnunar) http://www.nams.is/i-dagsins-onn/pistill/?NewsID=ba931fa9-3105-4600-86a4-45f9dc37834f

Ýmsar aðrar slóðir ... (get ekki tengt þær frekar, en hinar fyrri)

Á vísindavefnum; http://visindavefur.hi.is/svar.php?id=1132 má til gamans lesa um mánaðanöfnin, sem notuð voru samkvæmt gamla íslenska tímatalinu og tímabil, sem þau náðu yfir.

 Vel viðrar á yngismannadegi; http://www.mbl.is/frettir/innlent/2012/03/20/vel_vidrar_a_yngismannadegi/

Vorjafndægur. Kveikt verður á Friðarsúlunni í viku;

http://mbl.is/frettir/innlent/2012/03/20/fridarsulan_kveikt_a_vorjafndaegri/

Lóan að kveða burt snjóinn - mikill hiti um helgina; http://visir.is/loan-ad-kveda-burt-snjoinn---mikill-hiti-um-helgina/article/2012120329947

Vorið á leiðinni: Von á 15 til 16 stiga hita; http://www.dv.is/frettir/2012/3/19/vorid-leidinni-von-15-til-16-stiga-hita/

Vor- og páskahret á Íslandi - yfirlit 1846 til 2009; http://www.vedur.is/vedur/frodleikur/greinar/nr/1849

Árni Björnsson. 1993. Saga daganna; http://landogsaga.is/section.php?id=2684&id_art=2710

Nú er að bíða og sjá til hvernig veðrið kemur til með að vera á komandi vikum. Og hvort eða hvað af þessari eldri visku dagana gangi eftir ...

 

josira

p.s. mikið búið að reyna á mitt þolgægi í allt of langan tíma hér að sinni, hef ekki tölu á hve mörgum sinnum ég er búin að byrja uppá nýtt. Bloggumhverfið er ekkert að virka. Margbúin að reyna að stilla hér aftur á bak og áfram, bæði með myndir, stafastærð og að tengja slóðir, en ekkert gengur. (arrgg) ... kannski er komin tími á bloggpásu ...

Snjókorn og vatnsins verðmæti ...

 

 

Mörgun finnast snjókorn öll vera eins, en þau eru það svo sannarlega ekki, heldur eru þau eins margbreytileg að útliti og lögun líkt og mannfólkið sjálf. Enginn er nákvæmlega eins að öllu leyti.

Hver er innri gerð snjókorna ? Eru engin tvö snjókorn eins ?

(af vísindavefnum)

 

Fyrstur manna til að festa snjókorn á filmu, sem var þann 15 janúar 1885 var ljósmyndarinn Wilson Bentley, sem hafði heillast af snjókornum frá barnæsku og er aðdáunarvert að fylgjast með aðferðum hans og elju, sem gaf okkur tækifæri á að sjá inn í heim þeirra og fá að kynnast þessari einstöku fegurð snjókornanna.

Hér má sjá ólíka gerð snjókorna-kristalla.

Landið okkar fallega, hefur nú hjúpast hvítri kápu snjóalaga síðustu daga og vikur, sem og hefur gert okkur erfitt fyrir og þá sérstaklega í samgöngum. Þó má segja að í allri þessari fannkomu geymist gjöf, sem síðar meir mun, að einhverju leyti samlagast þeirri auðlind okkar Íslendinga, sem þekkt er um víða veröld og er hið verðmæta vatn okkar.

 

Sem jafnvel kann að reynast enn verðmætara en við höfum gert okkur grein fyrir fram að þessu. Kannski eigum við eftir að flokka vatnið okkar og gefa því sérstaka eiginleika, eftir huglægum eða tónlistarlegum leiðum allt eftir því hver noktun vatnsins ætti að vera !

Með nútíma tækninýungum hefur komið í ljós að t.d. vatn hefur minni og einnig að hugsun og tónlist hefur áhrif á lögun og jafnvel lit vatnsdropa, sem frystur er.

 Hinn japanski Dr.Masaru Emoto hefur rannsakað vatn víða úr veröldinni og þá hvernig breytingar verða á t.d. á kristölluðum vatnsdropa, sem sýnir breytingar eftir hugsunabylgjur eða tónlist, annaðhvort jákvæðar eða neikvæðar.

Já, náttúran öll og sköpun hennar er heillandi heimur frá minnstu eind til stærstu stjarna. Líkt og sérhvert snjókorn, sérhver vatnsdropi og sérhver sál.

 

 

Einstök er náttúran á Íslandi (við Jökulárlón)

Skaparans sköpunarverk (eldri færsla mín)

"Þar af leiðandi hlýtur hver hugsun, hvert orð og hver gjörð að hafa áhrif á himinn og jörð. Og þessvegna er í raun þau mannanna neikvæðu og jákvæðu verk og öfl, sem stjórna og stýra hér á móðir jörð því lífi og þeim aðstæðum, sem við mannkyn búum við hverju sinni því við erum öll sköpunin, samtengd í samvitundinni."

josira

Náttúrugjafir góðar ... til sjávar og sveita ...

Mikið gefur það gleði í hug og sál, að lesa um eitthvað jákvætt í fréttum, sem snertir þjóðarhag. Það er ekki laust við að hugur manns fari á flug yfir hinum ýmsu atvinnuskapandi tækifærum, sem hægt væri að skapa í okkar yndislega gjöfula landi.

Ég fór að kynna mér betur vinnslu þörungana okkar í framhaldi af fréttinni um rannsóknir Matís. Ég hafði satt að segja ekki hugmynd um hversu víðtæk vinnsla og framleiðsla er orðin úr þessu magnaða sjávarfangi, þörungunum.

Nytjar á þaranum ( tekið af wikipedia)

„Þari hefur verið notaður sem áburður, húsdýrafóður og matur. Marinkjarni er eina þarategundin sem vitað er til að höfð hafi verið til matar á Íslandi, en í Austur-Asíu er þari notaður í miklum mæli til matar. Japansþari (Laminaria japonica) er sú þarategund sem mest er neytt af, og er megnið af honum ræktaður. Aðalnotkun þara hins vegar er til framleiðslu á gúmmíefninu algín. Það er notað í margs konar iðnaði, t.d. matvæla- og lyfjaiðnaði, og í vefnaði. Algín er einnig notað til að auðvelda blöndun ólíkra vökva, svo sem vatns og olíuefna. Sem dæmi er algín notað við ísgerð, til að koma í veg fyrir að vatnið skilji sig frá mjólkurfitunni og myndi ískristalla.^[5]

Og í leit minni á veraldarvefnum, að þeim er vinna við þessa verðmætasköpun hérlendis fann ég nokkur fyrirtæki. (gæti verið að mér hafi yfirsést einhver)

Hér má lesa um Þörungaverksmiðjuna á Reykhólum, sem er orðið gamalgróið þekkt fyrirtæki, sem „sérhæfir sig í framleiðslu á gæðamjöli í ýmsan iðnað. Mjölið er framleitt að miklu fyrir fyrirtæki er áframvinna efnið enn frekar til að einangra þessi svokölluðu gúmmíefni til áfamvinnslu í allskyns iðnað, s.s. matvæla-, snyrtivöru-, lyfja-, textiliðnað ásamt margskonar öðrum  iðnaði“  

Hér er að finna fyrirtækið Íslensk hollusta (áður Hollusta úr hafinu), sem meðal annars framleiðir þarakrydd. þarasósur, hollustusnakk og baðvörur.

Íslenska Kalkþörungafélagið ehf. í Bíldudal framleiðir steinefnafóður fyrir búfénað og jarðvegsbætiefni (kalkáburð) úr kalkþörungum. Vörunafnið er Hafkalk.

Og nýtt fyrirtæki, Hafnot í Grindavík, sérhæfir sig í vinnslu þörunga til matargerðar.

Einnig má lesa hér um Metan eldsneyti til framtíðar, tengt þörungum.

Og eins og sjá má er flóran í þessum atvinnuvegi orðin nokkuð mikil.

Ég er þess fullviss að enn fleiri tækifæri leynast í náttúru landssins frá hafi til heiða. Sem við ættum að kynna okkur betur til að nýta og njóta.

Við höfum mannauð, getu og vilja til sköpunar á svo mörgum sviðum hér á landinu okkar fallega, sem allt hefur að gefa okkur ef grannt er skoðað. Allt sem þarf er framkvæmd. Gerum allar okkar íslensku vörur og framleiðslu þeirra til framtíðar, eftirsóknarverða.

Til að styrkja, styðja og koma af stað framkvæmdum til uppbyggingar atvinnuvega, ættu lífeyrissjóðirnir og ríkið að setja í forgang og leggja til stóran hluta fjármagns, því eigendurnir eru jú landsmenn sjálfir, sem borgað hafa ´skatta og skyldur til þeirra í ótalin ár.

Og ekki má gleyma blessuðum bönkunum, þeir ættu einnig að leggja fram sinn skerf. Því auðvitað eru það landsmenn sjálfir, sem um ótalin ár hafa séð um fjármagnsrennsli í sjóði bankanna og borgað ótæpilega af launum sínum til bankanna í formi vaxta, vaxtavexta og verðtryggingu. Síðan er að fá fjárfesta innlenda, sem og erlenda, sem sæju tækifærin í þessari atvinnu-og verðmætasköpun

Skapar atvinnu og gjaldeyristekjur.

Ég sé fyrir mér að efla þurfi einnig til muna, fiskeldi á hinum ýmsu fiskitegundum og hafa þar fjölbreytni í tegundavali, að leiðarljósi við strendur landssins og í fjörðum.

 

Og ef ég sný mér að landinu, þá sé ég fyrir ræktun og vinnslu á jurtum og trjám á þúsundum hekturum lands. Því hægt er að nýta kalt og heitt vatn og raforku á ýmsan máta við uppeldi plantnanna. Og undir stjórn og handleiðslu manna sem vit hafa á og þekkingu á vexti, verkun og vinnslu jurta og plantna. Þarna myndi skapast fullt af störfum. Allt frá frævinnu til pakkningar - sölu og útflutnings.

 

Við myndum gera þetta að sérstakri og mikilli gæða-lækninga-útflutningsvöru til allra heimshorna. Vegna sérstöðu okkar ómengaða, hreina og fagra lands eru okkar villtu jurtir og plöntur, þó smærri séu, en víða annarsstaðar, sennilega harðgerðari og gefa þá væntanlega af sér sterkari, ómengaðri og betri afurð.

Hugmyndirnar eru óteljandi í kolli konu í kvöld.

Læt að endingu fylgja hér með nokkrar slóðir á eldri bloggskrif mín um eitt og annað, sem skotið hefur upp í huga minn um skyld efni. (heilsu-og atvinnuskapandi)

"Læknar fyrri tíma sóttu sínar lyfjablöndur til fornra uppskrifta sem ligga til náttúrunnar. Sem læknavísindi nútímans hafa hafa vaxið langt frá. En ég held að sá tími sé að renna upp að við komum til með að leita aftur í þessi vel geymdu-gleymdu sannindi... sem rekja má árþúsundir aftur í tímann. "

                      

Lúpína og Kerfill minna á sig...við endurreisn landsins...

Takk...takk...okkar elskulega forsetafrú, Dorrit...

Hefðbundið-Óhefðbundið... (heilsusetur)

Frá A-Z ... Heildrænar meðferðir ...

Ginseng norðursins ... Angelica – Hvönn ... margra meina bót...

Eru gosefnin kannski til góða ...  (nýta til listmunagerðar)

Já margt býr í tönnunum... (lærdómsetur lækna)

Sigla fley um fagurt land ...

 

Látum bæði hugvit og verkvit berast og gerast á jákvæðan hátt fyrir land og þjóð...

josira

(búin að vera andvaka, ákvað að pára nokkur orð, sem heldur urðu fleiri en ég lagði upp með )

Þörungar gætu reynst þjóðinni milljarða virði

Óhefðbundnar og hefðbundnar lækningar ...

 

  

Ég vil endilega vekja athygli á áhugaverðu námskeiði, þar sem Dr. Erwin Häringer og Margret Demleitner frá Þýskalandi, munu fjalla um algenga erfiða sjúkdóma, sem eflaust margir kannast við, svo sem ;

Vírussjúkdóma eins og inflúensuvírusa og sjúkdóma í kjölfar þeirra, t.d. lungnasjúkdóma, (samanburður við) Spænsku veikina (H1N1), R.S.-vírus, Streptococcus aureus, Einkirningasótt (mononucleosis infectiosa), Staphylococcus aureus MRSA, Gigtarsjúkdóma og breytileika þeirra.

Og hvernig t.d. unnt sé að vinna á þeim með náttúrulegum aðferðum. Góð og gagnleg vitneskja fyrir alla. Bæði heima fyrir og í heilsugeiranum  ...

Dr. Erwin Häringer er doktor í þremur fögum, heimilislækningum, lífeðlisfræði og heimspeki. Hann er starfandi heimilislæknir í Munchen og hefur allt frá 1967 unnið að rannsóknum á  áhrifum ilmolía úr jurtum. Hann hefur haldið fjölda fyrirlestra f.h. læknafélagsins í Bæjaralandi og hefur verið ráðgjafi samtaka og fyrirtækja í Þýskalandi á sviði plöntu- og jurtafræði.

--- 

Hann hefur kennt læknanemum bæði heimilislækningar og meðfram ilmolíufræði. Hann fer um Evrópu og kennir einnig þar á sjúkrahúsum. Hann er eftirsóttur fyrirlesari. Hann hefur m.a. ritað fjölda vísindarita um liti og ilm, þar á meðal um litaljósalækningar. Hann var einn af stofnendum” Forum Essenzia” og hefur verið þar heiðursfélagi. Hann hefur verið kennari Lífsskólans Arómatherapyskóla Íslands frá 1999 og byggist kennsla skólans á þekkingu hans.

Margret Deimleitner er sérfræðingur í náttúrulækningum með lokapróf í “naturpractic”, með ilmolíumeðferð sem sérsvið. Hún er iðjuþjálfi og hefur starfað í 26 ár við háskólasjúkrahúsið í Munchen bæði sem iðjuþjálfi og ilmolíufræðingur. Hún hefur nú látið af störfum þar og vinnur sjálfstætt um alla Evrópu við kennslu og fyrirlestra. Hún hefur gefið út bók um efnafræði ilmolía ásamt prófessor í efnafræðum. Hún var einn af stofnendum “ Forum Essenzia”, sem eru þýsk ilmolíumeðferðarsamtök. Hefur hún verið aðstoðarformaður frá upphafi en hefur nú látið af störfum þar. Margret hefur mikla reynslu í gæðavottun ilmolía. 

---

Margret og Dr. Erwin hafa lagt grunninn að þeirri kennslu sem nú fer fram í Lífsskólanum um ilmolíumeðferð sem byggist á nýjustu rannsóknum. Sjúkdómafræðikennslan byggir á reynslu þeirra og nýjustu  vísindarannsóknum.

--- 

Námið fer fram í Lífsskólanum - Aromatherapyskóli Íslands

12. og 13. mars 2011 frá kl 9 til 17 báða dagana

að Vesturbergi 73, 111 RvK, s: 5577070   [e-mail] 

 

Virkilega verðugt að skoða allt það sem hjálpar til við forvarnir og lækninga, á þessum pestum og vírusum, sem sífellt eru að aukast og eflast.

josira

Drekarósin ...ýmsar slóðir ...

 

 

Hér á síðu Drekarósinnar hef ég safnað saman nokkrum áhugaverðum slóðum, þar sem finna má eitt og annað sem viðkemur næringu fyrir hug, sál og líkama ...

josira 

 

Frá A-Z ... Heildrænar meðferðir ...

 

 

Var að vafra um hinn stóra netheim og lágu leiðir mínar inn á fróðleg og áhugaverð fræði, sem sum hver má rekja árþúsundir aftur í tímann og fjalla um hinar ýmsu heilunar-aðferðir til hjálpar hug, sál og líkama. Má hér nefna t.d. hin fornu fræði um jurtir og ilmkjarnaolíur ; sem hægt og sígandi eru að ávinna sér sinn sess á ný meðal lækninga. Vísindamenn hafa verið að rannsaka virkni olíanna hin síðari ár. Hér má lesa um fyrstu ráðstefnuna um ilmkjarnaolíur, sem haldin var hér á Íslandi árið 2001 

Eftir að ég fór að kynnast olíunum í kringum 1997, sem og þá hjálpuðu mér mikið að takast á við veikindi, fór ég að hugsa um hvort ekki væri álitlegt að nýta þær í loftræstikerfum hinna ýmsu stofnana eins og t.d. sjúkrahúsum, skólum, elliheimilum og fangelsum, svo ég nefni eitthvað. Mætti nota þá olíur, eftir aðstæðum. Eiginleikar og virkni ilmkjarnaolía fengið af vef Lífsskólans.

Og rifjust upp nú þessar gömlu hugsanir mínar er ég fann samsvörun á netinu áðan á vísindalegri rannsókn á getu THYME (blóðberg) ilmkjarnaolíunnar til að drepa niður MRSA bug ( hermannaveikin ? ) og er mér ljúft að koma þessari áhugaverðu grein hér á framfæri;

A breakthrough has been unveiled in the fight against a potentially fatal hospital superbug.

Researchers have discovered that essential oils derived from thyme plants normally used in aromatherapy can destroy the MRSA bug within two hours.

http://news.bbc.co.uk/2/hi/uk_news/england/sussex/8584753.stm og jafnvel hvort ekki sé verðugt verkefni fyrir okkar íslensku vísindamenn að kanna nánar Blóðbergið okkar.

  

Og hér fyrir neðan myndina má, að einhverju leyti sjá og lesa um hversu viðamikil hinar svokölluðu “ óhefðbundnar lækningaaðferðir “ eru orðnar  ... sem þó að einhverju leyti flokkast undir  “ hefðbundnar lækningaaðferðir ” hjá sumum þjóðum.

 

Hér eru taldar upp 59 aðferðir- meðferðir; Á ensku

og einhverjar upplýsingar er hér að finna á íslensku, fengnar af vef Maður Lifandi

Frábært ef hægt væri að samtvinna og stilla saman enn meir "það hefðbundna og óhefðbundna" til læknishjálpar og heilunar.

Áfram ætla ég að bera ósk mína og draum í mínum hug og hjarta um að saman munu starfa hlið við hlið lært starfsfólk í austurlenskum lækna-fræðum sem og vestrænum, sem munu bera bækur sínar saman, nám og reynslu með greiningu á kvillum og sjúkdómum og úrlausnum sem virka og verka sem best saman, með gagnkvæma virðingu og traust á hvort annað...

 

Leyfi að fljóta með hugleiðingar mínar um nytsemi íslenskra plantna úr eldri bloggfærslum mínum.

http://josira.blog.is/blog/josira/entry/946691/

http://josira.blog.is/blog/josira/entry/948054/

og um íslensk HEILSUSETUR ; http://josira.blog.is/blog/josira/entry/332894/ 

josira

 

Trúarbrögð heimssins ... er ekki eitthvað gott hægt að finna í þeim ?

 

 

      

 

Mikið vildi ég; að hægt væri að sameina trúarbrögð- (stefnur) heimssins. Því eigi er víst hægt að leggja þau niður, þó hjá allflestum þeirra séu undirót af valdabaráttu, spillingu ýmisskonar og ófriði manna á millum og heilu þjóðana í gegnum aldirnar þar að finna ...

 

  

Mikið vildi ég; að hægt væri að taka fram, samstilla og leggja áherslu á þau lífsgildi, sem er að finna í allflestum trúarbrögðum-(stefnum), sem snúa að friði, kærleika, fyrirgefningu, mannúð, andlegri og líkamlegri heilsu og geta haft að sameiginlegu leiðarljósi og veganesti út í lífið ásamt því að læra að elska, virða, vernda og lifa í jafnvægi við sjálfan sig og aðrar manneskjur, lífríki náttúrunnar, móðir jörð og alheim allan ... finna og upplifa ljóssins leið ...

  

 

nokkur lífsspeki - eða  heilræðisorð mín, sem mig langaði hér fram að færa;

 

Innsigluð í vitund okkar, er þráin eftir leit að sannleika lífssins ...

Vegur sannleikans leiðir okkur, að uppruna okkar ...

Innst í hjörtum allra það býr. kærleiksaflið, sem öllu snýr ...

Verkir í lífsins þrautargöngu, verða okkur síðar til góðs er vitund okkar vaknar ...

Er vitund okkar vaknar, sameinast hugur, líkami og sál ...

Hvert spor, hver hugsun, hver gjörð, áhrif hefur á alheim og jörð ...

Andans auður er dýrmæt perla ...

 

  

 

josira

 

Örnefni eru ekki bara örnefni...

  

 

Víða liggur fróðleikurinn... 

Var að skoða aðeins Árnastofnun á netinu í síðustu viku og komst að því að þar leynist víða skemmtilegur fróðleikur t.d. eins og þessari áhugaverðu samantekt Jónínu Hafsteinsdóttur –

Tölur í örnefnum... hér má lesa lítinn úrdrátt ;

Tölurnar einn, tveir og þrír eru langalgengastar í örnefnum. Gríðarlegur fjöldi örnefna byrjar á Þrí-, t.d. Þrívörður, Þrísteinar, Þríhyrna, Þrígil, Þrífossar o.fl. Talan tveir er algeng líka og þá í svipuðum samsetningum: Tvísteinar, Tvívörður, Tvíhlíð, Tvígil, Tvíhólmar o.fl. Talan einn er líka algeng en þegar að henni kemur er eitt nafn sem yfirgnæfir, nafnið Einbúi.

josira

Atvinnuleysi og menntun...

Hef verið að husga um ungmennin okkar undanfarið...Hvar eru þau stödd núna í kreppunni og atvinnuleysinu...svona almennt...Og þá er ég aðallega að hugsa um aldurshópinn 16-20+ára.

Við vitum auðvitað að all mörg ungmenni þurfa að sækja námið í framhaldsskólana burtu frá heimilum sínum. T.d. sérstaklega þau sem búa á landsbyggðinni, sem og annarsstaðar.

Hvað skyldu mörg þessara ungmenna hafa hætt námi vegna aðstæðna fjöldskyldanna í þjóðfélaginu ?  Eflaust margir foreldrar sem geta ekki stutt þau fjárhagslega til náms í burtu nú í þessu þjóðfélagsástandi. Og ákaflega litla atvinnu með skóla að fá fyrir þennan aldurshóp og sennilega barist um hvert aukastarf t.d. í verslunum og þjónustustörfum.  

 

Hvað ætli sé stór hópur ungmenna heima í iðjuleysi og bið vegna peningaskorts til menntunar.?  Því eflaust er einhver hluti þeirra væntanlega á atvinnuleysisbótum og hugsanlega stór hluti þeirra frá 18-20 +ára. Og eru föst þar. Því atvinnubætur falla niður ef þau hefja nám t.d. í mennaskóla og fjölbrautaskóla, og þá er enginn framfærslueyrir. En fá þó lán frá LÍN http://lin.is/Forsida.html ef þau stunda iðnskólanám.

En ekki hafa allir huga þangað. Nú, börn eru á framfæri foreldra til 18 ára og hvað svo...?

Hvað tekur við ef þau eru flutt að heiman og farin að sjá um sig sjálf ? Og löngun þeirra liggur til mennta. Hvaða úrræði eru fyrir þau ungmenni, sem ekki geta notið aðstoðar foreldra vegna þeirra eigin bágs fjárhags eða annara aðstæðna ?

Hvaða skilaboð er þjóðfélagið að senda til þessa unga fólks sem tekur við blessaðri framtíð þessa lands. Á hvaða grunni byggist þeirra líf.

Það er ekki þeim að kenna að þjóðfélagið sé eins og það er í dag og hræðilega ósanngjarnt að gjörðir annara, þ.e. þeirra er settu landið í forina, sem og hafa jafnvel úr milljónum úr að moða í dag.  

Ákvörðunartökur þessara manna fara víða og hafa áhrif á svo ótrúlega marga þætti í þjóðfélaginu og inn í framtíðina og hart er það, að þau teygast jafnvel til menntunarmöguleika.

                                                                     

Þannig var að dóttir mín sem farin er að heiman og fetar sín spor sem einstaklingur nú, var við að gefast upp andlega að vera heima á atvinnuleysisbótum, nú á haustdögum.

Alveg búin að fá nóg af iðjuleysi og dofa og ákvað að venda sínu lífi við og hefja nám að nýju eftir nokkurt hlé. Lét hún vita hjá atvinnuleysissjóði og féllu bæturnar auðvitað niður.  Ekki var peningur aflögu frá mér til að hjálpa henni, svo hún hringdi í Félagsþjónustuna í sínu bæjarfélagi til að panta tíma og til fara yfir sín mál þar.  

Hringdi hún í mig síðan, frekar niðurbrotin, því henni var tjáð í símasamtalinu að fyrst hún væri ekki sjúklingur eða í atvinnuleit ætti hún engan rétt að svo stöddu, á aðstoð, en henni var sagt að hún hefði getað sótt um námstyrk 2 mánuðum áður en skólinn byrjaði. En hún var of sein að sækja um núna, þannig að hún skildi sækja um fyrir vorönnina.  

 

Og að hún ætti engan rétt á fjárhagsaðstoð samkvæmt ofansögðu ( sjúklingur eða í atvinnuleit ) og að hún hefði átt að hugsa fyrirfram um hvernig hún hefði ætlað að framfleyta sér. Og fyrst hún hefði ekki efni á skólagöngu, þá ætti hún bara að fá sér vinnu eða fara á atvinnuleysisbætur.  

 

 

Svo mörg voru þau orð. Mér féllust hendur þegar hún sagði mér þetta og fékk sting í hjartað og tár í augun. Fann fyrir vanmættinum að geta ekki stutt hana og hjálpað henni með fjárhagslega. Ég kannaðist alveg við tilfinninguna að geta ekki verið eða farið i skóla. Ég hætti á sínum tíma í námi vegna svipaðra aðstæðna. Og tók 3 og 4 bekk í gaggó forðum daga, í kvöldskóla og vann á daginn og missti þar af leiðandi tengsl við mína jafnaldra og skólafélaga. Því ekki var til peningur í strætó til að komast í skólann.  Er það bara ríkt fólk sem á rétt til að mennta sig?  Þetta er spurning sem ég spurði sjálfa á þeim tíma og finnst við standa í sömu sporum og fyrir 35 árum...

                                                                         

En svo fór að ég kannaði betur með þátt Félagsþjónustunar vegna dóttir minnar og sé að ;    

Félagsþjónusta í hverju bæjarfélagi er skylt að veita fjárhagsaðstoð til framfærslu einstaklinga sem ekki geta séð sér og sínum farborða án aðstoðar.   

 

Heimilt er að veita einstaklingum og fjölskyldum aðstoð vegna sérstakra aðstæðna, m.a. vegna heimilisaðstoðar, náms eða óvæntra áfalla.   

En kanna þarf til þrautar rétt til annarra greiðslna áður en leitað er eftir fjárhagsaðstoð, þar með talið frá almannatryggingum, atvinnuleysistryggingum, lífeyrissjóðum og sjúkrasjóðum stéttarfélaga.

Og létti mér mikið þegar ég sá að það er von fyrir ungmennin okkar, sem eru stödd á sjálfs síns vegum að stunda nám, með fjárhagsaðstoð Félagsþjónustunar. Þó svo að svörin segðu annað en dóttir mín fékk í símtalinu...

En eflaust er ekki öfundsvert að vera í sporum þeirra er vinna hjá Félagsþjónustunni og þurfa jafnvel að neita aðstoð. En væntanlega er hvert mál sérstakt og ætti að vera skoðað frá öllum hliðum í gegn um viðtal, áður en eitthvað er staðhæft í gegnum síma...

Josira.