Heilræði mín, gef til þín ...

Fortíðin geymir minningar, nútíðin er það raunverulega, í framtíð felst áskorun og markmið...

Nálægðin nær tökum á þér þegar tíminn, tímalaus er...

Veröld okkar spannar margar víddir…

Átakalaust fuglinn flýgur og frjókorn upp úr moldu smýgur...

Viljinn knýr vængi vonarinnar...

Með djörfung og dug, dafnar hugrekki í hug...

 

josira

 

Mikill hluti launa fer til Lífeyrissjóða-Olíufélaga-Banka ogTryggingafélaga

ARRGGGG GAARRRG ... Búin að sitja hér og tjá mig heilan hellinn um þessar stofnanir og fyrirtæki, ég segi ekki meir...nú er þolgæði mitt á þrotum með bloggkerfið hér...

Var að klára síðustu setninguna, átti bara eftir að setja punktinn yfir iið. Nei þá hvarf allt út í buskann....Eitthvað er hér ekki eins og það á að vera. Hvað er það sem ekki má tala um ...

Þetta verður fyrsta bloggfærslan, sem ég læt vera að gera á ný, nema að litlu leiti.

Allavega umræðuefnið var hagnaður þessara fyrirtækja-stofnana á góðærisárunum.

Ekki naut almenningur neinna hlunninda eða lækkana á þeim tímum og nú eru greiðslur í hærri hæðum til þessara stofnana og fyrirtækja frá almenningi. En greiðslur sem þessar stofnanir og fyrirtæki þurfa að greiða til almennings lækka.

Ekki einleikið hve stór hluti launa fer úr vösum almennings í þessi fyrirtæki-stofnanir. Og þá er ég ekki að tala t.d. um; fæði-klæði-síma-sjónvarp-hita-rafmagn-leigu-eða annan kosnað í hverjum mán.

eldri færsla min:

Kominn tími til þó fyrr hefði verið ...

að launafólk taki yfir lífeyrissjóðina og annara;

LV lækkar lífeyrisgreiðslur um 10% frá júlí 

Hrein eign lífeyrissjóðanna 1.797 milljarðar 

Fjárfestingar og tap lífeyrissjóðanna – Lára Hanna 

Exista og Lífeyrissjóðirnir - hókuspókus

 

Lífeyrissjóðir bíða með milljarða

 

27.4.2007 Mikill hagnaður lífeyrissjóða af íslenskum fjármálafyrirtækjum

 

16. 11. 07 Landsamtök Lífeyrissjóða 

 

5. maí, 2006 Lífeyrissjóðirnir hagnast á gengislækkun

 

Lífeyrissjóðina til fólksins. is on Facebook 

Lífeyrissjóðsliðurnn var full þurftarfrekur, sleppi hinum þremur að sinni.

Ýmis orð um hugan sveima, nú þegar pása gefst frá goshugsun.

Dow Jones-vísitala og hvað þýðir hún; PWC – KPMG - BG-Holding - Who really owns the FED? Og eitthvað fleira er að finna hér í hrunadansinum...

19.10.2009 Hrunadans í orðum...peningar...krosstengsl...ýmiss konar 

Hvernig tókst Goldman Sachs að verða fyrsti bankinn útúr kreppunni

með 200 milljarða hagnað ! og það strax á fyrsta ársfjórðunni árssins...

(p.s. órói náttúrunnar heldur áfram á mis mikin máta, á meðan hinir ýmsu hlutir koma í ljós, sem huldir hafa verið í fjár-óreiðu-spillingu þjóðfélagssins fyrri ára og eru nú smán saman að koma í ljós. Aðstæður eru að opnast, sem gefa greiðari leið að ósómanum...)

 

 

josira

Einstakur framburður orðssins EYJAFJALLAJÖKULL hjá erlendum fréttamönnum ...

Furðulegt, en frábært að heyra hvað þetta fallega íslenska orð, Eyjafjallajökull reynist mörgum útlendingum erfitt að segja ... þeim virkilega vefst þarna, tunga um tönn ...

Algjörlega æðislegt að hlusta á þau

http://www.huffingtonpost.com/2010/04/20/the-ultimate-iceland-volc_n_545010.html

( fyrir neðan myndina af manninum, bíða aðeins meðan hleður)

Og myndir, sem segja meir en mörg orð

(enn og aftur er þetta blessaða mbl. forrit að gera mig ARggg...

setningar samþjappaðar og html-ham neitar að vinna með mér.

Búin að reyna mikið að koma þessu videoi hingað inn.

Gafst upp og setti einungis linkinn inn)

josira

Ýmsar kenningar og fræðsla um eldgos og jarðskjálfta jarðarinnar ...

 

Mannskepnan er æði smá er kemur að náttúruhamförum jarðarinnar. Hér má skoða, spá og spegulera í nokkurð áhugaverð mynbönd um vöxt og þroska móðir náttúru ...

Og í leiðinni beinar útsendingar vefmyndavéla Mílu og Vodafone af eldstöðvunum í Eyjafjallajökli ...

Frá Mílu;

Eyjafjallajökull frá Þórólfsfelli , Eyjafjallajökull frá Valahnjúki og

Eyjafjallajökull frá Hvolsvelli 

Vefmyndavél Vodafone frá Þórólfsfelli

Ýmislegt má hér finna af fréttum - ljósmyndum - og videoupptökum;

Eldgosavefur RÚV ...

Eldgosavefur MBL ...

Eldgosavefur Visir ...

 

josira

 

Litla – Stórasta land í heimi ...

Var að skrifa bloggfærslu áðan ( á undan þessari) sem mér fannst passa vel við þessar fréttir, sem ég var að lesa nú um minnkandi eldvirki á Eyjafjallajökli.

Og fuglasöngur er farin að heyrast á ný inn um gluggann hjá mér.

Vona að þær aukist ekki á ný, eða byrji annars staðar. Þetta er orðið gott... (eitthvað leitar þó eitthvað á mig varðandi er nálgast fer mánaðarlok, vona að það reynist ekki rétt)

Hvað er Íslandið góða, að reyna að segja heiminum öllum með ösku sinni, sem berst nú um víðann völl með háloftavindum og beinir allra augum hingað ! 

Og er búin að raska ferða tilhögun milljóna manna um allan heim ! Sjáanlegra verður landið vart ! 

Með gjöf sinni til jarðarbúa og sem allflestir vilja hafna !

http://josira.blog.is/blog/josira/entry/1044459

josira

Dregur úr gosvirkni

Minnir eftirminnilega á sig, Litla – Stórasta land í heimi ...

 

Hvað er Íslandið góða, að reyna að segja heiminum öllum með ösku sinni, sem berst nú um víðann völl með háloftavindum og beinir allra augum hingað ! 

Og er búin að raska ferða tilhögun milljóna manna um allan heim ! Sjáanlegra verður landið vart ! 

Með gjöf sinni til jarðarbúa og sem allflestir vilja hafna !

 

Í myndlíkingu sé ég það þannig, að í öskunni, sem erlendis fer búi dulbúin gjöf ef þannig má að orði komast. Sem er í rauninni hluti af hinu nýja Íslandi.  Landið er að minna á sig og milljónir manna að auki þeirra, sem hingað hafa komið, sem ferðamenn eða þekkja það gegnum efnahagshremmingarnar eða icesave munu nú ætíð vita hvar Ísland er. Og þess vegna verður nafn Íslands afar stórt í samvitund mannanna.

Allt sem á undan hefur gengið hefur hjálpað til að koma okkur þar, sem við erum í dag. Reynslunni ríkari, þó erfið sé hún. Og nú munum við taka þátt í mótun hins nýja Íslands, sem rísa mun úr öskunni, líkt og eldfuglinn Fönix forðum daga.

Því þegar þjóðin mun uppgvöta sinn innri styrk, hinn andlega auð, mun hún sameinast, sem einn maður með nýjum formerkjum, breyttum áherslum til lífviðhorfa, lífshátta og sterkari, en nokkru sinni fyrr. Og verður sú fyrirmynd, sem önnur ríki munu leita til og hafa að leiðarljósi.

Til

friðar...frelsis...réttlætis...mannúðar...hugsjóna...vonar...mannkærleika og framfara til góðs...á öllum sviðum frá öllum hliðum ... Þannig sjónum sé ég nýja Ísland fyrir mér.

Við stöndum á tímamótum mannkyn allt, með svo margt...

Við þurftum á umbreytingunum að halda, þó sárar séu og hafa verið síðustu árin. Því við stefnum nú til nýrrar framtíðar, með breyttun áherslum, þannig að heimsmyndin öll hljóti nýja framtíðarsýn, sem einnig mun byggja á fornum sannindum.

Þar sem okkar smáa, en sjálfstæða stórhuga þjóð býr, sem mótast hefur af sambýli við náttúruöflin og harðri lífsbaráttu gegnum aldirnar. Með að veganesti reynslu og þekkingu genginna kynslóða, sem aldrei létu deigann síga. Að gefast ekki upp þó að á móti blási, er setning sem allflestir Íslendingar eiga að kannast við.

Og þó útlitið sé frekar svart og kalt núna, bæði varðandi þjóðarmálefnin og vegna yfirstandandi náttúruhamfara, munu koma betri tímar og ný ráð. Náttúran nú hefur verið að taka þátt í öllu þessu umróti, sem þarf til að velta úr sessi gömlum úreltum stjórnarkerfum og spillingu um allan heim. Gildi lífssins breytast í návígi náttúruhamfara.

Við megum þakka máttarvöldunum fyrir, í rauninni hversu varfærnum höndum náttúran fer um okkur hér heima. T.d varðandi líf manna og dýra, ásamt litlum skemmdum á mannvirkjum. Hugur okkar allra er með fólkinu og skepnunum undir Eyjafjöllum og nágrenni þess hverja klukkustund þessa dagana. Þegar hamfarirnar eru að baki og kyrrð komin á, munum við öll sem eitt, leggja hjálparhönd við hreinsun og lagfæringa þeirra svæða sem öskufallið hefur hulið.

Einnig er ég viss um að sjálfboðaliðar erlendis frá, mun koma í hreinsunina, líkt og eftir eldgosið í Vestmannaeyjum.

Og örlítið meir um umrót og breytingar og er ég þá að meina um afdrif gömlu þjóðarskútunnar;

Þó löskuð sé hún blessuð þjóðarskútan er í höfn kemur, munum við samhent lagfæra hana á ný og endurbygging hennar mun hefjast með breyttu hugarfari, áherslum og nýjungum. Brydda hana síðan andlegum auðæfum okkar, sem finnast munu í gömlum földum kistlum, lengst ofan í lestum hennar, sem opnast hafa í öllu öldurótinu. Þegar að verður gáð verða þessi andlegu verðmæti það leiðarljós, sem lýsa mun hverjum og einum og þeim er það sjá og finna eða eftir leita, frá myrkri og vonleysi gamla farvegarins og inná nýjar brautir, sem gefa von í hjarta.

Við munum öðlast virðingu annara úti í hinum stóra heimi fyrir samheldnina innbyrðis og skilningur á öllu óréttlætinu sem við höfum upplifað mun aukast og hjálp mun berast til okkar.

Hér má lesa til gamans stórgóða grein eftir Sigurð Sigurðarsson og umsagnir erlendra fjölmiðla um Ísland í dag ... og Mögnuð mynd NASA af gosmekkinum ásamt myndbandi af eldingun í gosmekkinum...

Úr eldri bloggskrifum mínum ; Haförn í Hvalfjarðarsveit 5 nóvember... (skilaboð til þjóðarvitundarinnar)... 

Eru gæsirnar – farfuglarnir - með skilaboð - leiðbeiningar til okkar ? – vegna þjóðarástandsins...

josira  

 

  

 

Skelfilegt að hugsa til skepnanna, sem ekki komast í húsaskjól ...

 

Reka hross undan öskufallinu...

Rakel Róbertsdóttir er nú að að ferja hross frá Hallgeirseyjarhjáleigu

í Krók í Ásahreppi. Hún telur að undir Eyjafjöllum

séu 500-700 hross sem ekki hafi húsaskjól.

 

josira

Nýlegar myndir af eldgosinu í Eyjafjallajökli ... og lítil bæn

 

Hér ma sjá nokkrar myndir, sem voru á netinu, 

af hinum hriklegu eldsumbrotum í Eyjafjallajökli.

Teknar í námunda við jökulinn og frá Vestmannaeyjum.

Bein útsending úr vefmyndavél mílu á Hvolsvelli.

Bein útsending úr vefmyndavél vodafone á Þórólfsfelli.

 

Frá hlaðinu í Hlíð undir Eyjafjöllum klukkan þrjú í dag.

"Ljósin á bænum sjást þarna en það var á tímabili þar sem ég sá þau ekki,"

segir Sigurgeir L Ingólfsson í viðtali á visir.is

 

 

 

Biðjum máttarvöld og verndarvætti

að vaka yfir og vernda land og þjóð

á þessum umbrota og breytingatímum.

 

 

josira

Sem melta mun forynjur og fépúka ...

 

( mynd sem landhelgisgæslan tók af eldstöðvunum í Eyjafjallajökli )

 

 

Skrattakollur eða skessa ljót

læðast nú með eld og grjót.

Gæfuleg eru ekki er að sjá

skökk og skæld ásjónu á.

Á sig minna um veröld alla

er anda frá sér gjósku salla.

Sem stakkaskiptum sífellt tekur,

torveldar sýn og jörðina þekur.

Þröngvuðu sér úr möttli jarðar

jöklana skóku, hríðar harðar.

Hreinsunareldur upp nú rís

ræskir sig er jökullinn gýs.

 

Göng nú opnast upp á gátt

gos nú minnir á náttúru mátt.

Melta mun forynjur og fépúka

fláræði og svikum nú skal ljúka.

Ljósgeislar ljóma um landið síðar

smán saman grænka og gróa hlíðar.

Hæðir, hólar og vatnsföllin fögur

fönguleg færast í Íslands sögur.

josira  

 

( kannski fáum síðar, fallegt gil í Gígjökli með fögrum fossi í stað lónssins )

Átti ekki alveg von á slíkum sviptingum, svo skjótt ...

Sé það nú, að sennilega hefur það verið þetta mikla hlaup, sem ég skynjaði í markarfljótinu, en ekki hraunstraumur. Læt fylgja hér úr sýninni, því sem ég sá við seinna gosið á fimmvörðuhálsi og gleymdi. Mér sýndist opnast lýkt og hellir eða göng á bakvið hraunfossanna úr öðruhvöru gilinu inn í jökulinn og að þar kæmi hraun út. Þetta tengist kannski því, að gosið í jöklinum nú, hófst neðanjarðar og virðist halda sér þar allavega enn sem komið er.

Nú verðum við að biðja máttarvöldin um enn nýjan farveg, fyrir þennan ógnarkraft, sem greinilega kraumar þarna undir jöklum og víðar og leitar að heppilegum útrásarstað ... Sem erfitt er að hugsa til, ef opnast við topp jökulssins. Og biðjum sérstaklega fyrir bæjunum undir Eyjafjöllum og að flóðin í markarfljóði nái ekki að breiða úr sér.

Mikið yrði ég máttarvöldum þakklát fyrir ef krafturinn finndi sér farveg langt undir jökul í átt til sjávar og næði að létta á sér þar um sjávarbotninn og upp kæmi lítil eyja eða hólmar milli land og eyja. Enginn eyðilegging af leir, vatns - eða hraunburði upp á landi, heldur einungis eignarauknig í formi nýs lands og náttúrulegir brúarstólpar yrðu til staðar síðar, fyrir brúar- eða lestamannvirkjagerð milli lands og eyja. Það er mín von og ósk.

Hér má sjá nýustu myndir af Eyjafjallajöklasvæðinu ... úr aukafréttum RÚV.

http://www.ruv.is/beint og fréttavef RÚV.

p.s. átti ekki von á því að umræður og fréttamennska af Rannsóknarskýrslunni stóru, fellu svo fljótt í skuggann og reyndar hversu hún, nú er svo agnarsmá og nær ekki umfjöllun og athygli í þeim stórbrotu fréttum, sem umbrot í Eyjafjallajökli valda. Þeð er líkt og sé verið að sýna okkur hve smá og vanmáttug við getum verið og að veraldlegir hlutir virðast fjarlægjast og geta orðið hismi eitt.  

josira