Átti ekki alveg von á slíkum sviptingum, svo skjótt ...

Sé það nú, að sennilega hefur það verið þetta mikla hlaup, sem ég skynjaði í markarfljótinu, en ekki hraunstraumur. Læt fylgja hér úr sýninni, því sem ég sá við seinna gosið á fimmvörðuhálsi og gleymdi. Mér sýndist opnast lýkt og hellir eða göng á bakvið hraunfossanna úr öðruhvöru gilinu inn í jökulinn og að þar kæmi hraun út. Þetta tengist kannski því, að gosið í jöklinum nú, hófst neðanjarðar og virðist halda sér þar allavega enn sem komið er.

Nú verðum við að biðja máttarvöldin um enn nýjan farveg, fyrir þennan ógnarkraft, sem greinilega kraumar þarna undir jöklum og víðar og leitar að heppilegum útrásarstað ... Sem erfitt er að hugsa til, ef opnast við topp jökulssins. Og biðjum sérstaklega fyrir bæjunum undir Eyjafjöllum og að flóðin í markarfljóði nái ekki að breiða úr sér.

Mikið yrði ég máttarvöldum þakklát fyrir ef krafturinn finndi sér farveg langt undir jökul í átt til sjávar og næði að létta á sér þar um sjávarbotninn og upp kæmi lítil eyja eða hólmar milli land og eyja. Enginn eyðilegging af leir, vatns - eða hraunburði upp á landi, heldur einungis eignarauknig í formi nýs lands og náttúrulegir brúarstólpar yrðu til staðar síðar, fyrir brúar- eða lestamannvirkjagerð milli lands og eyja. Það er mín von og ósk.

Hér má sjá nýustu myndir af Eyjafjallajöklasvæðinu ... úr aukafréttum RÚV.

http://www.ruv.is/beint og fréttavef RÚV.

p.s. átti ekki von á því að umræður og fréttamennska af Rannsóknarskýrslunni stóru, fellu svo fljótt í skuggann og reyndar hversu hún, nú er svo agnarsmá og nær ekki umfjöllun og athygli í þeim stórbrotu fréttum, sem umbrot í Eyjafjallajökli valda. Þeð er líkt og sé verið að sýna okkur hve smá og vanmáttug við getum verið og að veraldlegir hlutir virðast fjarlægjast og geta orðið hismi eitt.  

josira

 

Skyldi það vera svo, með þessu nýja tungli og jarðskjálftahrinum ...

að nýjar gossprungur opnist aftur á Eyjafjallajökli eða jafnvel annars staðar ! ...

Get ekki neitað því þegar ég var að skrifa um hugsanleg goslok í gærkveldi, þá leið mér þannig að þetta væri, sem lognið á undan storminum, ef hægt er að segja svo. Vona að það reynist ekki rétt. 

Það hefur eitthvað innra með mér verið á varðbergi, síðan eldgosið hófst á Fimmvörðuhálsi þann 20 mars s.l. Og með hverjum degi, sem við höfum fengið að njóta þessa fallega og nokkuð örugga goss í hæfilegri fjarlægð frá byggðum bólum hefur maður þakkað máttarvöldum fyrir. Og beðið um vernd fyrir land og þjóð daglega.

 

Hér fyrir neðan má lesa úr fyrstu færslu minni um eldgosið; 

P.S. var búin að sitja hér og tjá mig um eitt og annað ( þar á meðal, tengt fyrirboðum og sýnum ) í nokkuð langri grein, þegar allt fraus og hvarf á svipstundu.

Og eina ferðina enn gleymdi ég að vista reglulega !!!  Þegar hugurinn er á fleygiferð og margt þarf að rita, er athyglin ekki alveg á þeim takkanum. Manni finnst að þetta blessaða blogg umhverfi eigi að vera í lagi ... ( p.s. Kannski ég hafi bara ekkert átt að skrifa um það sem ég ætlaði mér. Best að hugsa það þannig, þá er ég sáttari ...) 

Svo mörg voru þau orð þá ...

Ég er að hugsa um nú, að segja frá þeirri sýn minni, sem flaug um hugskot mín þegar sagt var frá í fréttum, að eldgos væri hafið í Eyjafjallajökli um miðnættið þann 20-21 mars s.l. og ekkert nákvæmlega var vitað um staðsetnigu þá.

Mér fannst að hraun rynni eftir Markarfljótinu, niður til sjávar, en að bæjum og búaliði í nágrenninu stafaði ekki beint hættu af því. En hafnarmannvirkin fyrir Herjólf niður í Landeyjarsandi yrðu fyrir skemmdum og þar afleiðandi seinkun yrði á opnun hafnarinnar. (en landslagsbreytingarnar þar yrðu til bóta, þegar upp væri staðið) Og Þórsmörkin væri breytt ásýndum, þó ekki eins mikið og ætla mátti.

Síðan um morgunin þegar vitað var um staðsetningu, létti mér, að þessi tilfinning mín og sýn hafði ekki við rök að styðjast og að eldstöðvarnar reyndunst, vera svo sérlega vel staðsettar, sem þær voru. Þegar ég leit sjónum fyrstu gosmyndirnar, þá sá ég þar myndast stóra bjarta veru, fyrir ofan eldstöðvarnar líkt og einhverja gyðju. Og innra með mér fann ég létti fara um mig og ég varð fullviss um að staðurinn væri undir vernd og allt færi vel, sem og reyndist vera. 

Síðar, þegar seinni sprungan opnaðist fannst mér, dökkar verur stíga þar upp með gosreyknum. Einhver uggur kom þá í mig og varð mér hugsað um, hvort nú yrði einhver breyting á hegðun gossins og endir væri á þessui ljúfa og fallega sjónarspili náttúrunnar og eitthvað miður gott mundi gerast.

En svo fannst mér það meira þó þannig, að þarna væri að losna um einhverja neikvæða orku okkar mannanna, sem samanþjappast hafði og safnast þarna undir niðri og náttúran var að hjálpa til með að koma upp á yfirborðið. Taka þátt í þeirri hreinsun og umbreytingu, sem þjóðfélagið okkar er að takast á við. ( Og á ég þá við, að samvitund okkar mannanna tengist einnig náttúrunni, sem og öllu sem lifir.)

En síðar hugsaði ég um, að kannski birtust mér þessir skuggar í reyknum, sem fyrirboði þess hörmulega slyss, sem átti sér stað á Fjallabaksleið. Ég veit það ekki. 

Reynum öll sem eitt, að fara ætíð varlega og gæta fyllstu aðgátar í samvistum við náttúruöflin. Og eins má minna á, að ekkert er fyrirsjáanlegt 100%, hvort, hvernig eða hvar eldgos hefst í kjölfar slíkra jarðhræringana, mælitækin mæla margt, en jörðin sjálf ákveður stund og stað, hverju sinni.

 

Það eina sem við getum gert er, að vona það besta hverju sinni og að biðja þess í hjörtum okkar að mönnum og skepnum verði ætíð borgið, þegar jörðin byltist svona um og er með hugsanlegar fæðingahríðir. Og óvíst er hvort hún léttir á sér á yfirborðinu eða hulin´undir jökli eða annars staðar djúpt undir niðri ...

josira

 

Þar sem eldgosinu virðist vera lokið, þá segjum við takk fyrir okkur ... að sinni ...

Fyrir þennan frábæra kraft sköpunar og fegurðar móður náttúru í stórkostlegu sjónarspili hennar á Fimmvörðuhálsi... 

og þessa gjöf hennar til okkur á réttum tíma og réttum stað. Sem segja má, að hafi orðið þjóðinni heilmikið til heilla á mörgum sviðum.

Og um stund, færðu augu heimssins og okkar frá icesave og ýmsu öðru. Meira að segja, brúaði bilið og biðina eftir Rannsóknarskýrslunni stóru.

Sem nú er búið að birta og við tekur hjá okkur á ný, veraldlegar áhyggur og væntanlega verða skoðanir og umsagnir manna á Rannsóknarskýrslunni margumtöluðu, aðalumræðuefni og fréttaefni hjá fjölmiðlum og vinnustöðum á næstunni.

josira

Eldgosinu á Fimmvörðuhálsi lokið

Íslensk stjórnvöld ættu að taka sér, elsta og besta borgarstjórann í Kanada til fyrirmyndar ...

Og kynna sér hvernig hin 89 ára Hazel McCallion heldur um stjórnvölinn í Mississauga, sjöttu stærstu borg Kanada, en þar hefur hún verðið borgarstjóri í 31 ár.

Hennar mottó hefur alltaf verið að halda fólki í vinnu og sköttunum lágum.

Það er eitthvað annað, en stefnan hérlendis !

Það væri kannski þjóðráð, að bjóða hinni stjórnslyngu Hazel hingað, til skrafs og ráðagerða með stjórnvöldum hér. Hún kæmi eflaust með einhver snjöll úrræði með í farteskinu okkur til handa, svona reynd og ráðgóð kona ...

Betur sjá augu, en auga ...

En um daginn rakst ég á þessa skemmtilegu frétt í pressunni um hana.

McCallion hefur staðið af sér 11 kosningar frá því hún varð fyrst kjörin borgarstjóri árið 1978 og er ekkert á þeim buxunum að hætta. Enda engin ástæða til, því Mississauga borg skuldar ekkert og hefur hún náð að byggja upp 700 milljóna dollara varasjóð. Á sama tíma hefur hún byggt upp blómlega borg og atvinnuástandið er með besta móti. 

Meira um hana hér; The Mayor of Mississauga (Canada)
Locally revered and internationally honoured

josira 

Nóg komið af hörmulegu hernaðarbrölti ...

Og villimannalegum vinnubrögðum bandarískra hermannanna ... Hversu lengi á að líða þeim þetta ... ásamt öllum öðrum, sem að stríðum stuðla ...

Og heldur nöturlegt finnst mér, að ráðamenn íslensku þjóðarinnar á sínum tíma, hafi lýst stuðningi við innrás Bandaríkjahers í Írak, þeir Davíð og Halldór, í óþökk nánast heillrar þjóðar, sem er þekkt fyrir friðarbaráttu á alheimsvísu.

Hvað er hægt að gera til að stöðva þessi hryllilegu stríð, sem gengdarlaust ganga víðsvegar um veröldina ... Vegna valda- og peningagræðgi ásamt margra kynslóða hefnda ... Allt eru þetta mannanna verk oftast í nafni trúarinnar ... sem bitna mest og sárast á saklausu fólki ...

Munum við mannkyn mögulega ná því þroskastigi, að vaxa frá því dýrslega eðli, sem býr innra með okkur ... Áður en allt verður um seinan. Jörðin okkar byltir sér aldrei meir en nú. Er að reyna að losa um þessa neikvæðu orkustrauma, sem um hana liggja, sem skapast hafa, að einhverju leyti frá okkur mannkyni í gegn um hugsanir og gjörðir ...

Declan - Tell Me Why - a children's tribute

We Are The World - Michael Jackson Lionel Richie Cindy Lauper Steve Wonder Bruce Springsteen...

Michael Jackson - The Earth Song

Hjálpum þeim (Help them)  Yndislegur samsöngur og samhugur íslenskra sönngvara til hjálpar okkar minnstu bræðrum og systrum ...

John Lennon - Imagine  ( þarf að tvíklikka á myndbandið svo það komi )

Dag einn fyrir mörum árum síðan varð ég fyrir sterkri upplifun eða uppljómun um lífið og tilveruna, á nokkuð hverstaklegum stað...við eldhúsborðið heima hjá mér á miðjum degi...

Og því fylgdi samsvörun í minni sál eða samhljómun...Langaði bara að deila þessari reynslu minni, hér með þér ...

josira

Bandaríski herinn tjáir sig um myndbandið

Magnaðar myndir af eldgosinu á Fimmvörðuhálsi ...

Eldgosið heillar margan manninn, en þörf er á aukinni aðgæslu í nánd eldstöðvanna finnst mér. Of margir nálgast þær illa búnir eftir fréttum að dæma og margir fara full nærri. Jörð getur bifast og látið undan t.d. þar sem hraunelfurnar eru á leið sinni niður gilin.

Endilega vil ég benda þeim, sem langar að fylgjast með eldgosinu, en komast ekki til þess er alveg magnað má segja, að tæknin í dag geri okkur kleift að skoða það úr fjarska, í beinni útsendingu allan sólarhringinn...

Hér má sjá t.d. sjá eldstöðvarnar úr vefmyndavélum frá Mílu, Vodafone og Jarðvísindastofnun Háskólans ;

Mynd frá Fimmvörðuhálsi er aðgengileg hér (Míla)

Mynd frá Þórólfsfelli er aðgengileg hér (Míla)

Mynd frá Þórólfsfelli er aðgengileg hér (Vodafone)

Vefur Jarðvísindastofnunar Háskólans

Einnig er verðugt að fylgjast með hverju sinni, hvað sé í gangi á vefum; Almannavarna og Veðurstofu Íslands

(stækka má myndirnar með því að klikka á þær)

Þessar mynd hér fyrir neðan, er tekin beint á móti Húsadal og ef vel er að gáð sjást ljósin í húsunum þar...

Þakka má máttarvöldum fyrir staðsetningu eldstöðvanna og hversu áfallalítið í raun það hefur verið og verður vonandi.

Verður mér nú hugsað til Vestmannaeyja ...

Hér má sjá gamlar myndir af eldgosinu í Vestmannaeyjum frá 1973 ;

 

Þar sem ekki er annað hægt að segja, en að eyjan fagra hafi verið vernduð af æðri máttarvöldum, því trúi ég ... og bið þess enn og aftur að eldstöðvarnar á Fimmvörðuhálsi og nágrenni þeirra séu undir þeirri vernd...

josira

Eldgos í Eyjafjallajökli...Freysbunga eða Limafell á Fimmvörðuhálsi...vefmyndavélar ...

Beint frá Fimmvörðuhálsi; vefmyndavél frá Mílu ... ( nokkrar aðrar vélar að finna neðar á síðunni ) 

 

Eins og allflestir vita hófst eldgos í Eyjafjallajökli þann 20 mars s.l. staðsett á fimmvörðuhálsi. Þjóðin hefur fylgst grannt með fréttum af þessum atburðum og reyndar heimur allur.

Eyjafjallajökull hefur mér ætíð fundist með fegurri jöklum landssins. Hár og tignarlegur að horfa á.

Blasti hann við sjónum mínum í 8 ár er ég bjó í Vestmannaeyjum og síðar að sjá frá öðru sjónarhorni er ég bjó á Hvolvelli í 6 ár. Og í ótöldum hestaferðum liðinna ára kringum Tindfjallajökul hef ég átt minn uppáhaldstað á þeim ferðalögum, en það er að líta Eyjafjallajökulinn sjónum ásamt fegurð Þórsmerkur frá Einhyrningsflötum.

Fyrir neðan skálann á Einhyrningsflötum, árið 2003

 (Fremst eru Punktur, Yrja og Fiðringur.)

Á þessari yfirlitsmynd hér fyrir neðan, af slóðum eldgossins má sjá sterkan svip af reðurtákni, sem minnir svolítið á frjósemi landssins og fæðingu nýja fellssins á eldstöðvum Fimmvörðuhálsar sem tekur greinilega undir og er samstíga marsmánaðar kynningarátaki landans um karlmenn og krabbamein ...

 ( klikka á myndina, til að stækka )

Og finnst mér tilvalið að tileinka þessa mynd, karlmönnum landssins og pung þeirra ... ( margt má lesa úr náttúrunni :-) 

Og erum við að auki ekki kappsfull af að virkja frjósemi hugar og handar til að skapa tækifæri og atvinnu okkur til bjargar og landinu okkar fallega úr efnahagshremmingunum ...

Væri þá ekki ágætisnafn Limafell á Fimmvörðuhálsi .... á fellið -fjallið sem nú er óðum að myndast í eldgosinu ...

Ýmislegt annað felst í orðinu limur ...  hægt að finna t.d. í orðabókinni;  www.snara.is sem ég fann, en kemst ekki inná vegna þess að ég er ekki áskrifandi ...

En eitthvað meir tengt karlmennskunni ... Það má til gamans minna á FREYR í norrænu goðafræðinni og vegna þess að eldstöðvarnar eiga upptök sín á - í - eða við Goðaland ...

( Freyr stendur fyrir æði margt ! ) Það væri nú ekki slæmt að fá eitthvað af orku hans hingað í þjóðfélagið ...

Sonur Njarðar og talin mestur goða af ætt vana og mikilvægasta frjósemisgoð hinnar norrænu goðafræði. Hann ræður fyrir regni og skini sólar og þar með gróðri jarðar. Á hann er gott að heita til árs, friðar og fésælu. Hann leggur ofurást á Gerði sem er jötunmey og fær hana að lokum. Skírnismál fjalla um þann atburð. Freyr á skipið Skíðblaðni og gölturinn Gullinbursti dregur vagn hans. Bústaður hans er Álfheimur sem honum var gefinn í tannfé

Freyr er sonur sjávarguðsins Njarðar og bróðir frjósemis- og ástargyðjunnar Freyju. Hvert sem þau systkin fóru lyftu jurtir, blóm og tré krónum sínum og döfnuðu, jarðargróði þroskaðist, búfé þreifst vel og margfaldaðist og ungt fólk leiddi hugann að ástum.

Hvernig hljómar;  Freysbunga á Fimmvörðuhálsi

Hér má nálgast ýmsar upplýsingar um eldstöðvarnar á Fimmvörðuhálsi og hvað er að gerast hverju sinni...

Á vefum Jarðvísindastofnunar Háskólans og Ríkisútvarpssins má lesa og sjá ýmislegt um gosið frá fyrsta degi og eru vefirnir uppfærðir reglulega. 

Ýmsar vefmyndavélar, sem beinast að gosstaðnum í Eyjafjallajökli, ásamt fréttum og ýmsum myndum frá fjölmiðlum;

http://www.evropusamvinna.is/page/jh_vefmyndavelar

Eyjafjallajökull frá Fimmvörðuhálsi 

Eyjafjallajökull frá Þórólfsfelli 

http://www.vodafone.is/eldgos

Ýmsar fréttir af Bárðarbungu ;

MBL.is - fréttir - myndir af eldgosinu

 

Mynd dagssins valinn frá NASA ...

Fréttablaðið - Vísir - gosstöðvarnar

National Geographic - Eyjafjallajokull

Berum öll þá ósk og von um að eldgosið verði okkur hliðhollt, en ekki til eyðileggingar og að ef Katla vaknar við þessar væringar, að hún muni þá vakna vært af sínum blundi, en ekki viðskotaill ...

Og bið ég þess að allir gæti ýtrustu varkárni í námd við eldfjallastöðvarnar... Mig grunar að jafnvel meiri ólga sé þarna á ferð undir, en við höldum ... 

Biðjum guðdómlega verndarvætti og engla landssins um blessunarlega vernd, mönnum, skepnum og landinu öllu til handa ...

josira

P.S  var búin að sitja hér og tjá mig um eitt og annað ( þar á meðal, tengt fyrirboðum og sýnum ) í nokkuð langri grein, þegar allt fraus og hvarf á svipstundu.

Og eina ferðina enn gleymdi ég að vista reglulega !!!

Þegar hugurinn er á fleygiferð og margt þarf að rita, er athyglin ekki alveg á þeim takkanum. Manni finnst að þetta blessaða blogg umhverfi eigi að vera í lagi ...

Búin að lenda of oft í þessu. Oftast þó látið mig hafa það og byrjað að nýju að skrifa með mínu þolgæði. En ég ætla ekki að vera reið, búin að létta á spennunni  ARG, GARGGGGG.....

( p.s. Kannski ég hafi bara ekkert átt að skrifa um það sem ég ætlaði mér. Best að hugsa það þannig, þá er ég sáttari ...)

 

Samtök um þjóðarheiður ...

 

 

Langaði til að deila með ykkur áhugaverðar upplýsingar um nýstofnuð samtök, þjóðarheiður - samtök gegn icesave...

Hér má lesa það nýasta, sem er undir heitinu : Orðsending frá Þjóðarheið ... ákaflega hvetjandi og aðgengilegt að skoða ...  ( er að finna á forsíðunni á vefnum þeirra )

Samtökin standa vörð um málstað og  ÞJÓÐARHEIÐ íslensku þjóðarinnar.

nokkur orð tekin af vefsíðunni ;

" Þjóðarheiður-samtök gegn Icesave hafna því að íslenskum almenningi verði gert skylt að axla skuldaklyfjar, sem eru til komnar vegna starfsemi Icesave-útibúa Landsbankans.

Hvorki stjórnarskrá lýðveldisins né regluverk Evrópusambandsins heimila slíkar álögur. Þjóðarheiður telur að engar forsendur séu fyrir ríkisábyrgð á skuldum einkafyrirtækja, hvorki Landsbankans né annarra.

Nýta verður þann meðbyr, sem þjóðin nýtur erlendis, til að halda fram heiðarlegum og réttum málstað Íslands. "

 

 

Hér er að finna ýmsar hugleiðingar og hugarþanka mína um ástkæra landið okkar ...

Stöndum vörð um loft, láð og lög ...

Bland í poka, frá s.l. hausti ...

Og í landslagi stjórnmálanna... þjóðaraflið og sprotinn í feb. 2009

Stöndum vörð um okkar verðmæta og fallega Ísland, sem okkur þjóðinni er falið að varðveita .

Njótið þess að hlusta og skoða þessi myndbönd frá youtube, sem er að finna á linknum hér fyrir ofan...

 

josira

Klækjaklóin...verðtryggingin

Fjármálaútreikningatölur í kolli mínum, sem ég virðist seint ætla að skilja eða bara alls ekki..

 

Hagfræðikerfiskenningalærdómsútreikningur talna sem stjórna lífi okkur, snilldar - úrlausn, eitt af mannanna verkum og stjórnað og stýrt af örfáum útvöldum manneskjum...

Og við auðmjúkur almúgurinn fylgir reglugerðinni samviskusamlega eftir...

Nokkur orð mín úr fyrri bloggskrifum;

Tölur og útreikningar "snilldarlausn sem ráðamenn þjóðarinnar hafa að leiðarljósi og hagkerfið "góða" byggist á. Blekking, sem er leikur að tölum frambærilegar á hvítu blaði. Þeir ríku verða ríkari og þeir fátæku fátækari.

Hættum að týnast í orðaskrúði ólgandi hafi, talna og orða, sem stjórna hér öllu enn...

" nafnávöxtun, meðalraunávöxtun, raunávöxtun, allrahanda  ávöxtun, verðtrygging, vaxtakjör, greiðslubyrði, endurfjármögnun, uppgreiðslukosnaður, greiðslustaða, stimpilgjöld, fjármagnskosnaður, vísitölutrygging, vísitöluhækkun-lækkun, eignarstýring, fjárfesting í sjóðum, fjármálamarkaðir, áhættuþol, áhættustýringasvið, innherjar, fruminnherjar, gengisþróun "...og áfram mætti telja...

já og erfitt er að reyna að útskýra fyrir ungviðinu, um hvað allt þetta snýst.

Þetta eru allt mannanna verk og þá væntanlega einhverju hægt að breyta og bæta skildi maður ætla...!!!

Hvað er svo t.d. svo erfitt við að koma verðtryggingunni margumtöluðu á braut fyrir full og allt ?

Hverjir hafa þar hagsmuna að gæta ? Hverjir græða og hverjir tapa ?

Hún er allavega ekki til heilla almennings !

Viðvera hennar átti víst að vera hér um skamman tíma, en eitthvað viðheldur hennar líftíma.

Þurfun að komast að því hvað, eða hverjir halda dularhjúp um hana

Erum við ekki eina landið með þessa klækjakló ?

Förum nú að vakna og stjórnum og stýrum öllu þessu kerfi okkar á einfaldari og raunsærri hátt...

Hvernig væri t.d. litlu úthverfi í milljónaborg stjórnað ? Ábyggilega þyrfti ekki svo margt fólk og þunglamalegar stofnanir, sem hér eru við stjórnvölinn, hjá okkur fyrir rúmlega 300.000 manns !

Afhverju getum við t.d. ekki stuðlað að;

Lægri sköttum, hærri skattleysismörkum, tekjutengingar í burt, verðtryggingjuna í burt, lægri almenna vexti á lánum. Fjármagn út í atvinnulífið - t.d. frá lífeyrissjóðunum. Við VERÐUM að fara að koma hjólum lífs - atvinnu - og afkomu af stað.

Ég er farin að halda að ráðamenn geri sér ekki alveg grein fyrir alvarleika margra í þjóðfélaginu. 

Og í einfaldleika mínum, hef ég heldur ekki skilið allar þessar hækkanir hjá blessuðum ráðamönnunum síðasta árið á hinum ýmsu sviðum í gegnum þessa útreikninga sína.

Sem felast finnst mér í því að vega enn meir að almenningi ásamt að draga úr þreki, þor og dug...

Byrðarnar eru orðnar þyngri en nokkurn óraði fyrir. Erfitt er fyrir okkur almúgann að halda þak yfir höfuðið og eiga fyrir salti í grautinn og skuldirnar halda einungis áfram að hlaðast upp.

Og tökum nú saman höndum á laugardaginn og segjum nei við icesave ( iceslave )

Kannski magnast þá orka og vængast hugur og dugur til að fara taka almennilega til hér í þessu þjóðfélagi, halda áfram tiltekt og ekki gleyma hinu minnsta skúmaskoti í þrifunum og byrjum að reka það eins og hjá stórri þrifalegri og hagsýnni fjölskyldu og látum ekki erlend öfl trufla þrifin.

 josira

( p.s. arg og garg... var búin að skrifa hér sprækan pistil og síðustu orðin voru að detta fram í fingurgómana þegar eins og hendi væri veifað, allt var á bak og burt....arg og ekki í fyrsta skipti... Já ég veit...maður á að save af og til , en þegar orðin eru að renna í gegnum hugann þá man maður ei eftir því ...Var á báðum áttum að byrja aftur, lét mig hafa og stikla hér á einhverjum orðum, takið viljann fyrir verkið.. )

Meinsemd hve verðtrygging er fyrirferðarmikil

Fótspor í friðarátt...

 

hjá Bandaríkjaforseta, Barack Obama.

Fréttin um ákvörðun hans með fækkun kjarnorkuvopna, kætti mitt litla hjarta. Þetta skref hans inn á friðarbrautina, er í átt til friðar og sátta í heiminum. Vona ég að það verði einnig áskorun á önnur ríki, er hafa undir höndum kjarnorkuvopn að gera slíkt hið sama og feta í fótspor hans.

josira

Obama hyggst fækka kjarnorkuvopnum