Sviði í lungum, vogin og fjallkonan,

Í morgun þegar ég vaknaði, var ég með einhvern sviða í lungunum og leitaði hugur minn að eldgosinu í Grímsvötnum. Sem hjaðnað hefur nú skjótt eftir öfluga virkni þess og krafta síðustu daga, ásamt geysimiklu magni ösku og annara gosefna, sem eftir það liggur og eða berst um með vindum víða.

Enn og aftur má þakka máttarvöldum fyrir að betur rættist úr, en í fyrstu var haldið.

Litlar skemmdir á eignum fólks og skepnufall í lágmarki.

Magnaðar myndir af upphafi gossins, tekanr af Ingólfi Bruun.

Og nú aftur að sviðanum í lungum mínum. Í svefnrofunum var sem ég sæi vogina.

Svona í myndlíkingu sagt;

Sviðinn (erfitt að anda-aska áfram í andrúmslofti) fannst mér tengast því, að ekki væri lokið að sinni alveg dansi náttúrunnar (jarðskjálftar-elgos) En Vogin-gyðjan hallaðist ýmist til hægri eða vinstri undan misþungum vogarskálum sínum. Fannst mér hún standa einhversstaðar á milli Hofsjökuls og Vatnajökuls, fór að skoða landakort og staðsetningin fannst mér eiga við það svæði, sem kallast Háganga syðri og Háganga nyrðri.

Er hún að reyna að skapa jafnvægi, á milli landshluta ? Er hún að ákveða hvort hún eigi að halla þeirri skál, sem þyngri er ? Ætlar hún að minna á sig með haustinu, en tákn vogarinnar er 23 september-21 október eða á næstunni ? (einhver spekingur í afstöðu stjarnna með svör þarna úti ?)

Vogin er stjörnumerki  Vogin er m.a. merki félagslegra samskipta. Þær eru gæddar miklum persónutöfrum en eru oft dular og eiga líka oft erfitt með að taka ákvarðanir. Einnig er hún tákn gyðju réttlætis. Að auki fannst mér þær renna einhvern vegin saman, táknmynd fjallkonunnar okkar og vogarinnar. ( gott að ath. fyrir hvað þær standa.)

Upphaflega fjallkonumyndin var gerð af þýskum málara að nafni J. B. Zwecker eftir fyrirsögn Eiríks Magnússonar sem var bókavörður í Cambridge. Eiríkur lýsir táknum hennar svo í bréfi til Jóns Sigurðssonar 11. apríl 1866:
 

Konumyndin á að tákna Ísland, því hefur hún ískórónu á höfði, sem eldar gjósa upp úr. Á öxl hennar er hrafninn, Íslands einkennilegasti fugl, Óðins forni vin og skáldanna eftirlætisgoð, fréttafugl mikill og margkunnugur. Yfir sjónum flögrar már, en yfir brimsævi tíma og sögu berast rúnakefli að landi eða upp í fang konunni, og hefur hún þegar náð einu þeirra. Þetta átti svo sem að vera symbolum (tákn) bókmenntalandsins og sögulandsins okkar. Yfir er nótt og stirndur himinn og máninn uppi. Á bak við eru fjöll, tunglroðin á eggjunum.

Skrítn skynjun í kolli konu í dag. Kannski er einhverja samlíkingju að finna í þjóðfélagi okkar og ástandi þess, sem meira og minna er úr lagi gengið og hefur í raun marga bagga að bera, sem jafnvel vegna áratuga rangra ákvarðana stjórnvalda þar, sem ekki hefur verið stjórnað af réttlæti eða sanngirni til handa stórum hluta þjóðarinnar.

Við lifum í nánu sambandi við lifandi náttúru þessa lands okkar, elds, vatns og ísa. Það rís og það hnígur, það andar og er í sífellri sköpun. Vitund okkar og hugsanir tengst saman við það. Ekki þykir mér ólíklegt að á þessu ári, sé virkni hennar meiri, en og oft áður og tengist líka til s.l.ára. Of aðgerðalitlar breytingar eru í þjóðarvitundinni á þessu ljóssins landi, sem svo ótalmargt hefur að gefa okkur.

Við eigum að þakka fyrir alla þá vernd, sem æðri máttarvöld hafa gefið okkur nú um langan tíma, þegar náttúrhamfarir hafa átt sér stað hér. Og einnig að biðja um ljóssins vernd og blessun hverjum og einum til handa í bráð og lengd.

Kyrrstaðan í málum þjóðarinnar, vanmáttur hennar og erfið lífsskilirði alltof margra, sem beðið hafa eftir úrlausn til manneskjulegra lífs, meira réttlætis, sem kalla á umbreytingar og nýja þjóðfélagslegar úrbætur, sem óskað var eftir hrunadansinn 2008 eru lítt sjánlegar í hugsun og gjörð, sérstaklega þeirra er landinu stjórna og stýra.

Í ofinni samvitund lands og þjóðar þurfa að stillast strengir. Stundum finnst mér náttúran sé að hjálpa til með að kasta af sér hlekkjum gamalla hugsunar- og hegðunarmynstra og koma orku okkar í nýjan farveg með hreyfingum sínum. Við vitum líka, að gildi lífssins breytast í nágvígi náttúruhamfara. Fjármálaöflin hér vega allt of mikin þunga, í skálum réttlætis og jafnvægis. Breytum því. Og stöndum ætíð vörð um náttúruauðlindir okkar í lofti, láði og legi ...

 

josira  

 

 

Vefmyndavélar víða um Ísland ...

Gott að geta skoðað svona í beinni, hina og þessa staði eftir þörfum á landinu.  t.d. veður og færð.

Var að vafra um netheima og leita að vefmyndavélum og ákvað að setja slóðirnar, sem ég fann á bloggsíðuna mína til vinstri undir Tenglar... svona til að safna þeim saman ... og hafa af því gagn og gaman ...

Vefmyndavélar Mílu

• Bláa Lónið
• Reykjavíkurtjörn
• Eyjafjallajökull frá Þórólfsfelli
• Jökulsárlón
• Gullfoss
• Austurvöllur
• Eldgos í Grímsvötnum

Vefmyndavélar á veður.is

Vefmyndavélar vegagerðarinnar

Nýjar Íslands vefmyndavélar

Vefmyndavélar víða um heim

 

Á Youtube er að sjá ýmis myndbönd frá gosslóðunum ...

 

Læt fylgja hér með myndband um fæðingu Venusar á Austurvelli s.l. laugardag rétt áður en gosið hófst.

josira

 

Að fylgjast með eldgosinu og nöturlegu vetrarveðrinu fyrir austan ...

finnst manni hálf óraunverulegt hér í höfuðborginni. Í vegalengdum er stutt á milli landshluta, örfáir klukkutímar, en nú er sem suðaustur, norðaustur og austurhlutar landsins, sé í fjarlægu landi. Svo ólíkar eru aðstæðurnar.

Aska og mistur liggur um á Kirkjubæjarklaustri og nágrenni og nokkrir íbúanna hafa hafa yfirgefið gossvæðið. Vonandi aðeins um stuttan tíma. (sendum bæn til æðri máttarvalda um rigningu á svæðið)

 

Og eins og segir á fréttavef ruv; Vetrarríki og ófærð er víða á Norðaustur-og Austurlandi. Fjallvegir eru ófærir eða þungfærir og skafrenningur og hálka víða á láglendi. Og á vef mbl; Hér hefur snjóað í marga daga á Seyðisfirði

(fannfergi á Egilsstöðum)

Það má með sanni segja að við lifum í landi andstæðna, landi elds, íss og vatns...

Ég er þess fullviss að hugur og hjörtu allra landsmanna, eru með fólkinu fyrir austan og það hjálpar meir en við vitum.

josira 

Náttúruöfl íss og elda ...

 

Á laugardaginn s.l. var ég óvænt, áhorfandi að kraftmiklu sjónarspili katalónska fjöllistahópssins La Fura dels Baus á Austurvelli á opnunaratriði Listahátíðar Reykjavíkur. Var það áhrifamikið að heyra tónlistina og sjá listafólkið tjá sig upp í háloftunum. Þarna voru einnig með íslenskir ofurhugar.

 

 

 

En þegar ég kom síðan heim, byrjaði ég reyndar á því að fara á vedur.is og ath. með jarðskjálftavirki og hvort eitthvað væri í aðsigi. Því mér leið bara þannig einhvern vegin og kom mér ekki á óvart að sjá hvernig kortið leit út.

  

Hófst síðan eldgos í Grímsvötnum um það leyti eða stuttu síðar. Og hefur hugur minn verið hjá fólki og skepnum fyrir austan síðan gosið hófst í, líkt og hjá öllum öðrum. Við mannfólkið erum svo varnarlaus og smá í nágvígi við náttúruöflin. Og nú er þörf fyrir að biðja máttarvöld og verndarvætti að vaka yfir og vernda land og þjóð á þessum umbrota og breytingatímum. Gildi lífssins breytast í návígi náttúruhamfara.

Um tíma hef ég fundið fyrir þyngslum í líkamanum og kuldahrolli af og til og einhvern vegin haft þá tilfinningu að stutt væri í náttúruhamfarir-eldgos. Og hafði reyndar sagt við eldri dóttir mína á fimmtudag að sennilega myndi byrja eldgos nú um helgina, sem og reyndist vera. Samt hef ég ekki fundið fyrir sterkum beyg gagnvart gosinu, sem nú er, þó aðstæður séu nöturlegar í sveitunum undir jöklinum. Einhvernvegin leitar hugur minn þá frekar í átt að Öskjusvæðinu. 

Það eina sem við getum gert er, að vona það besta hverju sinni og að biðja þess í hjörtum okkar að mönnum og skepnum verði ætíð borgið, þegar jörðin byltist svona um og er með hugsanlegar fæðingahríðir. Við erum jú einu sinni fædd hér á þessu magnaða landi, elds, íss og vatns og höfum lært að lifa með því gegnum aldirnar.

(úr fyrri skrifum um gosið í Eyjafjallajökli) 

Ætíð er óvíst hvort hún léttir á sér á yfirborðinu eða hulin undir jökli eða annars staðar djúpt undir niðri. Og eins má minna á, að ekkert er fyrirsjáanlegt 100%, hvort, hvernig eða hvar eldgos hefst í kjölfar jarðhræringana, mælitækin mæla margt, en jörðin sjálf ákveður stund og stað, hverju sinni. 

Ég er nú bara þessa dagana að hugleiða, hvað í raun og veru á svo marga vegu það er, sem náttúran með ýmsum táknum og sagan er ætíð að tala til okkar. Samspil ólíkra þátta, tengjast svo oft finnst mér.

Og nú ætla ég að snúa mér að skrifunum, sem ég byrjaði á. Því mér fannst listaatriðið á Austurvelli hafa jafnvel eitthvað táknrænt að segja til okkar. (vissi ekki þá um hvað það var og sá lítið nema fólkið í háloftagrindinni).

Langaði mig að forvitnast um hvort eitthvað væri um túlkun listaverkssins á netinu. Og reyndist það vera um fæðingu Venusar; ( Magnað myndband af sýningunni ) og var flugumferð bönnuð á meðan.

Las áðan að í kringum 20. maí myndi Venus tengjast Mars í Nautinu. ! ( í stjörnuspeki-týndi linknum) Er ekki einhver þarna úti, sem er fróður í stjörnuspeki og afstöðu stjarnanna svona almennt um þessar mundir og á komandi vikum. ?

En allavega, leiddu þessar hugleiðingar huga mínum að stjörnunni  – gyðjunni - Venus. Reynist hún einnig tengjast til stjörnunnar –eld -og herguðssins – Mars . Þetta getur verið umhugsunarvert sýnist mér, sem vísar á þegar jafnvægi skapast á milli andstæðra afla (orku) t.d. kvenorkan-karlorkan-yan-yang-eldur-vatn-ljós-myrkur og s.fr.

Hér eru fleiri tenglar um þau á ísl;

http://www.stjornuskodun.is/solkerfid/venus/ 

http://www.stjornuskodun.is/solkerfid/mars

Ég skrifaði svo margt um hugar- og tilfinningaþanka mína um náttúruna og öfl þeirra í mars-apríl og maí 2010, sem og má finna hér til hliðar. Margt af því finnst mér eiga einnig við hér þessa dagana og þá er ég að vísa í þjóðfélagsmál okkar og ástand, sem mér finnst almennt ekki komin i þann farveg, sem þau ættu að vera.

Læt fylgja með nokkur eldri orð úr skrifum mínum þegar Eyjafjallajökull gaus;

Ég held að móðir náttúra sé í þessum fæðingarátökum (hríðum) sínum, á jöklinum, að hjálpa til um losun neikvæðrar orku, sem ríkt hefur í þjóðfélagi okkar um jafnvel miklu lengri tíma, en við gerum okkur enn grein fyrir. Sem og nær bæði yfir haf og heiðar.

Í myndlíkingu mætti segja að;

í þjóðfélaginu, heldur hún áfram hjálp sinni, með því að bylgast um og hreyfast í takt við að koma ósómanum, sem þrýstist orðið upp á yfirborðið (reykjabólstrar hennar, sem og berast erlendis) nánast á hverjum degi, hjá mönnum, stofnunum og fyrirtækjum í hinum hlykkjótta dansi hinna spilltu talna (tölur peninga á blöðum), sem stjórnað hafa og stýrt þjóðfélaginu á svo margan máta, um allt of langan tíma.

Við viljum fá að sjá nýtt Ísland, byggt á góðum mannlegum grunni, þar sem réttlæti á að ríkja, en óstjórn og svik að víkja. Þannig að enn um stund þarf orka jarðar að halda áfram með losun sína. Því hún er að létta um hjá sér og með okkur. Athugum að neikvæð orka (hugsun) mannanna síast einnig til náttúrunnar og geymist þar.

Og nú held ég að Venus og Mars séu að sameinast í dansi náttúrunnar hjá okkur og hjálpa til að sameina það neikvæða og jákvæða til jafnvægis. Og vona ég að þessi samsvörun, sem ég sé í þeim verði til þess að allt fari vel fyrir austan og að þetta karp og þras taki enda hjá stjórnmálamönnum okkar og við tökum höndum saman við að skapa hér manneskjulegra þjóðfélag. Gildi lífssins breytast í návígi náttúruhamfara.

Þökkum fyrir alla þá guðdómlegu ljóssins vernd, sem við höfum fengið hér á Íslandinu og höldum áfram að biðja fyrir landi og þjóð, sem og öðrum löndum og þjóðum og að alheimskærleikur og heilunarorka umvefji móðir jörð og allt hennar lífríki á þessum umbreytingartímum, sem við mannkyn erum að ganga í gegn um.

Í átt að nýjum og manneskjulegri þjóðfélögum, með auknu réttlæti, samkennd og raunsærri stjórnun, sem stuðlar einnig að mannfrelsi og friði.

josira

(p.s. búin að vera hér allt of lengi að bagsa við að laga línubil og fl. er hætt og vona að þetta sé læsilegt, þó þétt sé ...) er enn að reyna aðlaga þetta

  

Fréttirnar af elgosinu í Grímsvötnum ...

 

minntu mig á eldgosalagið með Matta Matt og Erlu Björk, þó sungið sé þar um Eyjafjallajökul.

josira

Stærsta gos sem Ómar hefur séð

Er að koma úr vetrarhýðinu ...

eftir frekar erfiðar vetrarvikur ... En nú kallar vorið á mann enn á ný með fuglasöngi og hækkandi sól.

Vorið

Eftir vetur vaknar vor

vængjast af lífssins mætti.

Magnast bæði þrek og þor

þroskast af Skaparans þætti.

Var að glugga í bloggið mitt hér áðan og kom mér á óvart að sjá og lesa hversu mörg þau eru orðin, orðin mín hér og hvernig þeim ægir saman út og suður.

Og hvernig þau fara um víðan völl í allsskonar óskyldum skrifum. Hef ekki hugsað út í það áður í raun og veru fyrr, en nú, hvernig ég er út um allt í hugsun  og hef stundum þörf fyrir ólíka tjáningu í gegnum skrif. Það er líka bara allt í lagi, þetta samsull og stundum blessað bull er nú meira til að fá útrás fyrir allsskonar allavega hugarþanka mína.

Orðin lenda á blaði, sem fá að geymast eða þá gleymast (er hent). Sum geyma gullkorn og önnur ekki. Og einstaka sinnum koma til mín orð, sem geyma skilaboð, sem þurfa að berast áfram. (í dag er ég hætt að henda þeim heldur geymi)

Eins og t.d. 16 september 2009:

“ Mannkyn stendur á þröskuldi nýrra tíma, sem birtast sem ný lífsgildi, er standa þó á fornum meiði. Dyrnar standa opnar þeim er tilbúnir eru að stíga skrefin til fulls til vitneskju sannrar tilveru þeirra, í alheimslífi. Að uppgvöta og upplifa sitt innra líf. Skuggi ytra lífs mun víkja. Hulunni verður svipt af innri sýn. Og stöðvar í heilanum verða virkjaðar að nýju Og óvirkir lyklar í DNA erfðarkeðjunni verða virkir. Og opinberast þá sannleikur týndra kynslóða, sem reynt hefur verið að dylja. Og kærleiksljósið tendrast á ný. Og í loga þess er ekkert myrkur eða skuggar ótta, sem viðhalda hinum andlegu fjötrum mannsins. Kærleikurinn er aflið, orkan, krafturinn og ljósið, sem sameinar og upplýsir tilveru og markmið Almættisins, sem öllu snýr í óendanleikanum, því hann er í okkur og við í honum.”

Hvaðan skilaboða orðin koma, veit ég ei, nákvæmlega að öðru leiti en því, að mín skynjun og skilningur er að þau berast til mín á innri sviðum, frá æðri leiðbeinendum á andlegu sviðunum. 

Hversu skrítin, asnaleg, fáranleg eða einstaklega viturleg, sem fólki finnst þau vera, þá er þau hingað komin þeim til lestrar.

Um þessar mundir ber huga minn að blessuðu lífinu og tilgangi þess í tilverunni svona almennt. Og fór ég að leita í eldri skrif mín um þanka mína í þá veru. Ákvað allavega fyrir mig að setja bloggslóðirnar mínar hér fram, sem ég datt niður á, svo ég þyrfti ekki að vera vafra um og leita að einhverju, sem ég var ekki viss hvað væri. Því ég hef ekki hugmynd um hvað ég hef skrifað kannski fyrir margt löngu síðan.

Það verður bara forvitnilegt fyrir mig að spá og spegulera um hvað orðin hafa að segja mér. Og ef einhverjum langar að glugga einnig í þau, sem hér á leið um, er það þeim velkomið.

 

Skaparans sköpunarverk;

Andardráttur jarðarinar ... og hljóð hennar í geimnum;

Í bæn felst fegurð hugar og hjarta;

Blogghugleiðingar mínar undir flokknum trúmál og siðferði :

Hugleiðingar um kærleikann;

Leyndardómar innri sviða; 

Sálin mín;

Friðarsúlan á Íslandi;

Ljós í huga;

Orð í draumi;

Samskipti;

Hver dagur;

Ljóðin mín;

Lífsspekin mín;

Og svona að lokum að sinni, læt ég fljóta með úr eldri bloggorðum mínum um hvernig ég sé hið nýja Ísland.;

18.4.2010 Minnir eftirminnilega á sig, Litla – Stórasta land í heimi ... 

Og örlítið meir um umrót og breytingar og er ég þá að meina um afdrif gömlu þjóðarskútunnar;

“ Þó löskuð sé hún blessuð þjóðarskútan er í höfn kemur, munum við samhent lagfæra hana á ný og endurbygging hennar mun hefjast með breyttu hugarfari, áherslum og nýjungum. Brydda hana síðan andlegum auðæfum okkar, sem finnast munu í gömlum földum kistlum, lengst ofan í lestum hennar, sem opnast hafa í öllu öldurótinu. Þegar að verður gáð verða þessi andlegu verðmæti það leiðarljós, sem lýsa mun hverjum og einum og þeim er það sjá og finna eða eftir leita, frá myrkri og vonleysi gamla farvegarins og inná nýjar brautir, sem gefa von í hjarta.Við munum öðlast virðingu annara úti í hinum stóra heimi fyrir samheldnina innbyrðis og skilningur á öllu óréttlætinu sem við höfum upplifað mun aukast og hjálp mun berast til okkar.”

Sendi mínar bestu óskir um að sumarið verði okkur öllum heilaríkt og heilsugott

Sæl að sinni 

josira

Bankarnir byrjaðir að bólgna út og

blómstra á ný, (af greiðslum, sem innihalda háa vextir og verðtryggingu) á meðan almúgurinn hangir enn á horreiminni ... og hefur ekki undan að borga (greiðslurnar, sem innihalda háa vextir og verðtryggingu)

Hvernig væri að bankarnir kæmu til móts við þjóðina nú og létu af hendi einhvern aur til atvinnusköpunar, myndu hjálpa til við að koma hjólum atvinnulífssins af stað.

Það vantar fé til framkvæmda og það verður að stemma stigu við þessu atvinnuleysi, sem er að fella svo margar fjölskyldur í fjötra fátæktar þar sem eignamissir og vonleysi fylgir í kjölfar þess, ásamt því að jafnvel upplausn fjölskyldna blasir við og er það sorglegast af öllu.

Einnig ættu lífeyrissjóðirnir líka að láta fé af hendi rakna í þessi málefni. Hagnaður er einnig vel sýnilegur hjá þeim .

Nema að þetta sé enn og aftur leikur talna og útreikninga, blekking, sem er frambærileg á hvítu blaði !

Er ekki einhver von um að einhverjar lausnir til betri tíðar og blómgunar í görðum almúgans, séu í sjónmáli ! Sem og hafa byggt upp og eru hinir raunverulegu eigendur lífeyrissjóðanna og þeirra peninga, sem renna í gegnum bankanna !

 

Og er ekki orðið t.d. tímabært að afnema-leggja niður klækjaklónna-verðtrygginguna víðfrægu ! Það myndi hjálpa gríðalega mörgum fjölskyldum að halda í heimili sín og yrði mikil kjarabót í afkomu þess.

Og ríkið ætti einnig að koma til móts við fólkið í landinu og lækka prósentuhlutfall sitt, sem það leysir til sín í gegnum hvern lítra af síhækkandi olíu-og bensínverði.

Tökum saman höndum, gerum okkar fallega og gjöfula land manneskjulega lífvænlegt á ný.

Hættum argi, þrasi og neikvæðni.

... Eflum vonina,  Vekjum gleðina,  Virkjum kraftinn ...

josira

Hagnaður banka jókst um 35%

Já enn og aftur ...Hver á hvað og hvað er hvurs ...

Maggi þeysari með sína mögnuðu rödd, hefur sitthvað um þessi mál að syngja ;

http://josira.blog.is/blog/josira/entry/1110193/   (eldri færsla)

og hvenær skyldu öll þessi blessuðu bankamál endanlega komast upp á hreint borð !

 

josira

 

32 milljarða millfærslur

Líkt og sólargeislar, sem létta lund ... eru litlu afleggjararnir okkar

 

Hér er lítð ljóð, sem kom til mín eftir að ég eignaðist mitt fyrsta barnabarn, sonarsoninn Skúla Frey, en afmælisdagur hans er í dag. Hann er aldarmótarbarn, fæddur 10 mars á því herrans ári 2000.

 

Ömmustrákur

Líkt og fögur perla,
er döggin um stund.
Líkt og sólargeisli
sem léttir lund.
Líkt og augnablikið
sem líður hjá.

Þar sé ég
brosið þitt bjarta.

Að skynja fegurð
í öllu sem er
Sælli maður er sá,
sem það sér.
Innst í hjörtum
allra það býr.
Kærleiksaflið,
sem öllu snýr.

Þar sé ég
brosið þitt bjarta.

 

 

 

 

 

 

 

Og litla ljóðið var ég að reyna að þýða yfir á ensku;

  

Granny’s Boy

 

Like a beautiful pearl

is the dew for a while.

Like a refulgent sunbeam

lighten up your mind.

Like a twinkling of the eye

as it passed by.

 

There I see

your brightly smile.

 

To perceive the beauty

in everything as it is.

A happier person

is the one who its sees

Inside of everyone’s heart it is,

the charity forces, who all turns.

 

There I see

your brightly smile.

   

Þessi yndislegi og efnilegi drengur er einn af mörgum ungum afkomendum þessa lands. Einn af æskuljómunum okkar, sem erfa munu landið og taka við búi þess og stjórnun í komandi framtíð. Ég get ekki neitað því að sárt þykir manni hvernig staðan er orðin hjá þjóðarbúinu í dag og að framtíðin virðist ekki sérlega björt í bili fyrir ungu afleggjarana okkar. En sameinuð getum við eldri kynslóðirnar, enn um sinn barist fyrir réttlátari og heiðarlegri þjóðfélagi og fært meiri birtu og von í farteskið þeirra.

 

 

josira

 

Erum föst enn í sömu dellunni ... ( skítnum )

 

Sennilega þeirri sömu og felldi okkur um koll, hér um árið í hrunadansinum.

Ég er ekki að sjá, finna eða skynja breytingar, sem lofað var að yrðu að veruleika hér í uppbyggingju lands og þjóðar eftir darraðadansinn þann og efnahagshrunið haustið 2008. Ég sé ekki betur en að enn séu það tölurnar haldgóðu ( mannanna verk), sem stjórna og stýra undirliggandi strengjum þjóðfélagssins. Ríkisstjórn, bankar, orku- og olíufyrirtæki halda öllu daglegu lífi, hjá allt of mörgum orðið í gíslingu, með sífelldum hækkunum og álögum allsskonar.

 

 

Og hinn almenni borgari - alþýðan í landinu sekkur sífellt neðar og er að festast í forarpyttinn, sem fer greinilega stækkandi á ný, því ekki tókst að þurrka hann upp og eyða. Og magnvana almúgurinn hniprar sig saman auðmjúkur og lætur lítt fyrir sér fara í dellu skuggans, sem sogað hefur af þeim mörgum, þeirra eigið húsaskjól.

Og niðurbrotinn lýðurinn bíður eftir, að vonin fylli hug og sál að nýju og auki þrek og þor, ef einhver hugsanleg skíma skildi falla á það. (ljós í myrkrinu) Því loforð voru gefin er kallað var eftir umbreytingum í þjóðfélaginu, að aukið gagnsæi og réttlæti yrði notað og nýtt í hreinsunarferlinu, sem átti að gerast á öllum sviðum og hliðum í draumsýninni um hið nýja Ísland. Sorlegt ferli í raun, því landið okkar fagra hefur okkur allt að gefa með ríkidæmi sínu. Ef réttlæti, samvinna og samhyggð myndu halda um stjórnvölinn.

p.s. hef verið aðeins að hugsa um hvernig þetta blessaða hagkerfi hér funkerar. Hvernig þessi vinkona (vinnukona) fröken Vísitala er reiknuð út, sem mótar svo margt hjá okkur. Hvað er hagstætt að komi fram eða komi ekki fram á útreiknuðum blöðum hennar, hjá þeim er stjórna. Og hin vinkonan (vinnukonan) eða var það frænka einhvers hin svokallaða fröken Verðtryggingi, sem er að ég best veit, aðeins með búsetu hérlendis, hver græðir og hver tapar á hennar útreikningum. Hvaða hlutverki gegnir hún, svo allir tölulegir útreikningar séu sem bestir. O.s.fr. mætti fara um víðan völl og áfram spyrja.

Hef líka verið að leiða hugann af fyrirtækjum, sem halda utan um endurskoðun t.d. eins og PwC, KPMG ásamt öðrum slíkum stórum og alþjóða þekktum nöfnum, sem sjá um ríkisstofnanir, banka, lífeyrissjóði ásamt allsskonar fyrirtækjum og stofnanir, víða um heim. Er eðlilegt að slík stór, gamalgróín fyrirtæki séu með puttana á svo vítækan máta ofan í innviðum ofangreindra viðskiptavina. Endurskoðunarfyrirtækin hafa þá væntanlega allmikla innsýn og vitneskju ofan í kjöl hjá hverju og einu þeirra. Spurning hvort heiðarleikinn, sé heill í gegn hjá þeim gagnvart viðskiptavinum, sem eru t.d. samkeppnisaðillar á einhverjum sviðum.

 

Eru þessi sömu endurskoðunarfyrirtæki, enn að störfum, hér fyrir sömu aðila og fyrir hrun. ?

p.s. aftur. Mig bar aðeins af leið í þessum bloggorðum mínum. Þvi ég ætlaði nú eiginlega að skrifa um eitthvað jákvætt, eitthvað uppbyggjandi, eitthvað gott, eitthvað skemmtilegt ... en ég er þá allavega búin að létta af mér þessum vangaveltum, sem sóttu að mér.  

Josira