Eru gæsirnar – farfuglarnir - með skilaboð - leiðbeiningar til okkar ? – vegna þjóðarástandsins...

... eða fundu þær á sér þau vetrarveður og fimbulkulda sem nú hafa ríkt á Bretlandseyjum og víðar...nema hvorutveggja sé... Dvöl gæsa á landinu hafa vakið athygli margra á liðnum vikum. Farfuglarnir, sem við þekkjum svo vel hafa í stórum hópum ákveðið að vera en ekki að fara...Hver sú ásæða sem liggur þar að baki er ekki gott að geta sér til um alfarið...en gaman að skoða, spá í og spegulera. Það er svo margt sem við getum lært af háttalagi dýranna og náttúrunnar allrar...

Í desember á þorláksmessu, átti ég leið um bakkana í Breiðholtinu og varð ég að stoppa um stund oftar en einu sinni, meðan gæsahópar spígsporuðu yfir göturnar í mestu magindum í allri jólaösinni og virtust vera þarna um allt á milli blokkanna...

Ég fór auðvitað að hugsa um hvernig stæði á veru þeirra þarna og ætlaði að glugga aðeins og ath. hvort ég finndí eitthvað um gæsir, háttalag og hugsanleg skilaboð - leiðbeiningar þeirra til okkar á netinu þegar ég kæmi heim. En gleymdi því þá vegna venjulegra jólaanna, en hugur minn var þó að minna mig á svona af og til...Tölvan mín gamla hefur ekki verið til stórræðna og er búin að vera hálf-hæggeng, svo ekki hefur verið miklum tíma eitt í samvistum við hana...( Ég held áfram að óska mér fartölvu...)

Lítið fór meira að segja fyrir tölvuvænum jóla-og nýárkveðjum að þessu sinni til vina og vandamanna...

 

Sendi síðbúnar kærleikskveðjur hér og nú til ykkar allra með þökk fyrir það liðna, með bestu óskir um að nýja árið færi heill og hamingju til lands og þjóðar.  

En hverfum nú frá minni hæggengu tölvu og snúm okkur að gæsunum. Ég hef stundum bloggað hér um tákn og merkingu hinna ýmsu dýra, sem hafa hverju sinni vakið áhuga minn...( einnig er vert að skoða hin ýmsu draumatákn ) Ég hef þá trú að svo margt sé hægt að lesa úr hátterni dýranna og náttúrunnar yfir höfuð og þá svo oft tengt því sem er að gerast hjá samfélögum og jafnvel þjóðum. Í gömlum fræðum margra menningarsamfélaga víða um heim er getið um merkingu og tákn dýra.

 

Ekki fann ég mikið á íslensku, en þó þetta;

Sem mér finnst passa æðivel við það sem stjórnendur þessa lands ættu að taka sér til fyrirmyndar og læra af. Samvinna, en ekki sundrung og tjáning skýr...

Lært af gæsum - Staðreynd - teymisvinna

Markmið – að dýpka vitund um takmark og samheldni teymis

Um gæsir	Lærdómur
Þegar gæs blakar vængjum sínum, myndast við það ‘uppdrift’ sem næstu fuglar á eftir geta nýtt sér. Með því að fljúga oddaflug nær fuglahópurinn saman 71% aukinni flughæfni.	Fólk með sameiginlega stefnu og samkennd getur náð áfangastað fljótar og auðveldar af því að það ferðast í trausti hvers annars.
Þegar gæs dettur út úr oddafluginu finnur hún skyndilega mótvind og viðnám sem fylgir því að vera ein á flugi. Hún færir sig fljótt til baka í röðina til að notfæra sér uppdrift frá fuglunum á undan.	Ef við höfum vit á við gæsir tökum við fordæmi þeirra sem stefna þangað sem við viljum fara. Við viljum þiggja hjálp þeirra og hjálpum öðrum.
Þegar forystufuglinn þreytist snýr hann til baka í hópinn og önnur gæs flýgur í fararbroddi.	Það borgar sig að skiptast á við erfiðu verkin og deila leiðtogahlutverkinu. Eins og hjá gæsum er fólk háð hæfni, getu og einstæðri blöndu gáfna, hæfileika og eiginleika hvers annars.
Gæsahópurinn kvakar á fluginu til að hvetja þær sem eru í framlínunni til þess að halda uppi hraðanum.	Við verðum að tryggja það að kvak okkar sé uppörvandi. Í hvetjandi andrúmslofti er framleiðslan mun meiri. Afl hvatningar (að halda í sannfæringu sína og örva aðra til hins sama) er eðli þess kvaks sem við leitum.
Þegar gæs verður veik, særð eða skotin niður, fljúga tvær gæsir út úr hópnum og fylgja henni niður til að aðstoða hana og verja. Þær dveljast hjá henni þangað til hún deyr eða getur flogið á ný. Eftir það leggja þær upp í nýtt oddaflug eða ná gamla hópnum aftur.	Ef við höfum vit á við gæsir þá stöndum við saman á erfiðum tímum á sama hátt og þegar við erum sterk.

Samkvæmt þessu myndi ég segja að batnandi og betri tímar séu í vændum hér hjá okkur...ef við sýnum sameiningu og skynsemi...

 

Sé þarna Forsetann okkar, Ólaf í likingu, þegar hann synjaði icesave – lögunum. Þegar einar dyr lokast, opnast aðrar...Margir telja að með því liggi að stjórnin þurfi frá að falla, það held ég að væri óráð. Það seinkar einungis samstillingunni. Heldur á virkja alla sem einn, bæði þá sem eru í stjórn og stjórnarandstöðunni, bjóða þeim sem þreyttir eru orðnir að fara aftur fyrir og þeir óþreyttari fari fram, sitt á hvað eftir þörfum, nota alla krafta úr öllum flokkunum. Og láta raddirnar hljóma sín á milli til hvatningar. 

Var ég ákaflega stolt af Forsetanum okkar honum Ólafi, þegar hann steig fram og gaf okkur öllum almúganum og ráðamönnum ´uppdrift’ til aukinnar hvatningar og færni til sameiningar og betri yfirsýn...og frelsi til túlkunar ( raddir fólksins )

Við þessa ákvörðun hans mun margt koma upp á yfirborðið, sem mun teygja sig út fyrir landsteinana og reynt hefur verið að hylja, þó ekki mun það gerast í einni svipan. Sem mun hafa mikil og djúp áhrif síðar. Í formi umbreytinga og hreinsunar á hinum ýmsu sviðum. Því ekki eru öll kurl komin til grafar enn í þeirri siðspillingu, valdagræðgi og munúðarlífi sem hefur ráðið ríkjum í mannanna heimi.

En aftur til eyjunnar okkar...Er ekki orðið tímabært þó fyrr hefði verið, að hætta allri flokkspólitík og sundrungu og fara að vinna að því sem þarf að takast á við í sameiningu og sýna okkur sjálfum og veröldinni hversu hugrökk og sterk þjóðarsálin okkar er...

Hversu ömurlegt og óréttlátt sem það er, þá stöndum við frammi fyrir því að þurfa að taka á okkur skuldir og byrðir annara þar til annað kemur í ljós. Stöndum sameiginlega til að öðlast sem bestra útreikninga og útkomu á skuldbindingum vegna icesave (iceslave) samningana sem unnt er. En icesave ‘ ruglið ‘ hefur haldið okkur í gíslingu um allt of langan tíma og heft allan framgang og úrvinnslu mála er snúa að heimilunum í landinu, sem þá auðvitað að sjálfsögðu tengjast starfandi fyrirtækjum, sem veita síðan atvinnu.

Ef icesave hefði ekki komið til, værum við langt kominn útúr kreppunni, með þeim fyrstu. Og...enginn held ég, átti von á hvernig allt það mál fór af stað og varð svo yfirgripsmikið, sem það síðan varð...Þarf ég ekki einu sinni að nefna nein einstök lönd eða ráðmenn, sem þar stungu stefnuna út fyrir okkur, beint út í horn og hafa haldið þar óbeint um stjórnvöl okkar í greipum sínum, nánast síðan... En þær greipar halda okkur ekki ei mikið lengur, slíkum hreystimönnum sem okkur er í blóð borið til að vera og eru um það að missa tökin. En eitthvað er að gerast nú í deiglunni, hef trú á að málin muni á endanum leysast á farsælli máta, heldur en búist var við þegar upp verður staðið...Réttlætið mun ei víkja, fyrir þeim er svíkja...

En í kjölfar allra þessara erfiðu mála ( hrunið og allur darraðadansinn ) hafa hjól alltof margra fyrirtækja stöðvast og þar af leiðandi innkoma og afkoma allt of margra heimila minnkað allt að fátækaramörkum. Ráðamenn verða að fara að gera sér alvarlega grein fyrir þessum staðreyndum. Og engan tíma má eyða í málþóf á þinginu öllu lengur

Látum nú raddir okkar hljóma okkar á milli með hvatningu og jákvæðni. Samstillum takt áralagsins í þjóðarskútunni og siglum henni út úr þessu veraldlega blekkingar-lífshafi talnanna, sem öllu hafa hér stjórnað og stefnum í hugrekki heim á leið.

Við munum öðlast virðingu annara úti í hinum stóra heimi fyrir samheldnina innbyrðis og skilningur á öllu óréttlætinu sem við höfum upplifað mun aukast og hjálp mun berast til okkar.

Þó löskuð sé hún blessuð þjóðarskútan er í höfn kemur, munum við samhent lagfæra hana á ný og endurbygging hennar mun hefjast með breyttu hugarfari, áherslum og nýjungum. Brydda hana síðan andlegum auðæfum okkar, sem finnast munu í gömlum földum kistlum, lengst ofan í lestum hennar, sem opnast hafa í öllu öldurótinu. Þegar að verður gáð verða þessi andlegu verðmæti það leiðarljós, sem lýsa mun hverjum og einum og þeim er það sjá og finna eða eftir leita, frá myrkri og vonleysi gamla farvegarins og inná nýjar brautir, sem gefa von í hjarta.

 

Hér má finna ýmislegt um merkingu og tákn gæsa ;

Gæsir – arfur kynslóðanna, innblástur, leiðbeiningar, stöðugleiki.  ( Goose - heritage, inspiration, guidance, stability )

( bjöguð þýðing google )

The V-myndun er mjög táknræn í sjálfu sér. Það sýnir með því að móta þess að opna nýja möguleika. Það er eins og Arrowhead, bendir til þess að nýr leiðbeiningar og nýja möguleika, og við annan enda opna, endurspeglar það einnig að hreinskilni að nýjum hugmyndum. Í "v" eins og bréf, kemur frá hebreska "vau" þýðir "nagli." Þessi myndun yfirleitt fram að við erum að fara að festa okkur til nýja braut. Það er bréf og tákn sem endurspeglar mikla frjósemi sem ætti að vera brugðist við ef vöxtur er óskað.

( The V-formation is very symbolic in itself. It reflects by its shape an opening to new possibilities. It is like an arrowhead, pointing to new directions and new possibilities, and with one end open, it also reflects an openness to new ideas. The "v" as a letter, comes from the Hebrew "vau" meaning "nail." This formation usually indicated we are about to affix ourselves to a new path. It is a letter and symbol that reflects great fertility that should be acted upon if growth is desired. )

( kannski má jafnvel sjá merkingu v-sins, sem gæti tengst til v-grænna, sem ættu þá að skoða vísunina hér að ofan og hvað fellst í henni ! )

Var að reyna að þýða sjálf ; ( takið viljann fyrir verkið… )

Gæsir – merking - tákn

Gæsir hafa sterka rödd og mikinn styrk til að flytja sig um set. Þær hafa afar góða sjón. Fyrir alla þá sem vilja nýta sér það sem gæsin gefur, munu öðlast meiri og betri sýn, efnislega sem og andlega.  ( Goose has a powerful voice and great strength in migration. They have a very keen vision. For anyone with a goose as a totem, greater vision, physical and spiritual, will occur ).

Gæsir -  Verndari, að vera vel vakandi, vindurinn, sólin, stríð, innblásinn, skjótur-fljótur, hamingjan, forsjón  ( Goose - Guardian, watchful, wind, the sun, war, inspiration, swift, happiness, providence. )

Að sjá gæsir í draumi er tákn frjósemi og móðurlegan kærleik. Gæsir geta einnig táknað skilaboð frá undirmeðvitundinni.  ( Goose-To see a goose in your dream, symbolizes fertility and motherly love. The goose may also represent a message from your unconscious. )

Gæsir – örugg heimferð,  elska - kærleikur til heimilisins  (Goose-Safe Return, Love of Home )

http://morningstar.netfirms.com/goosetotem.html virkilega áhugavert að lesa...

og einnig þessi skemmtilega síða fyrir þá sem lesa ekki enskuna ( bjöguð þýðing - google ) 

Ég gæti haldið áfram, en nú er nóg komið að sinni. Það er svo langt síðan ég hef verið að blogga að ég var búin að gleyma að vista reglulega og þannig var að ég var alveg að klára þegar allt datt út og varð ég að velja á milli að byrja aftur eða sleppa því. Auðvelt var að hætta við, en til að koma orkunni frá mér ákvað ég að byrja aftur...ekki gefast upp þó að á móti blási kom í huga minn og virkjaði ég gömlu þolinmæðina enn og aftur, þannig að hér eru orðin mín að sinni komin á blað...

Læt fylgja með úr gamalli færslu;

Það sem kostar ekki mikið, en gefur mikil verðmæti í hug og hjarta...

Sameinið þar sem sundrung ríkir...Styrkið fjöldskyldutengslin, sem unnt er...Standið saman til framtíðar á öllum sviðum, frá öllum hliðum, sem unnt er...Gefið gleði þar sem sorg ríkir...Talið saman í einlægni um hvernig ykkur líður og það sem betur má fara, áar,mæður, feður, dætur, synir, systkyni, frændgarðar og vinir..

Hleypið birtu, gleði og hamingju nýrra tíma inn í lífið. Því lífið er sífelt nýtt, sem er... núið...núna. Ekki bíða og bíða eftir hinu eða þessu...eða að þetta eða hitt gerist...Lifið og njótið, kyssist og hrjótið...Gleði í hjarta, gefur framtíð bjarta...Góðra stunda, auk vinabanda og endurfunda...

Okkur mun takast að standa á fætur á ný með hjálp hvors annars...

josira