Íslands náttúra ...

 

Langaði að deila með ykkur á þessum sólríka degi, fallegum myndum og kynningu á landinu okkar fagra.

(á ensku reyndar)

josira

 

Mær og mynd ...

 

 

 

Mærin hin mjóa

mynd tók af Spóa

spratt þá upp Lóa

langt út í móa.

 

 

ég elska þegar vorið og sumarið kemur, gróandinn með græna litinn

og fuglasönginn, sem fagurlega hlómar um allt.

það yljar hug, sál og líkama.

 

josira

 

Enn einir kjarasamningar í höfn ...

Vona þó að ekki munu fylgja allsskonar verðhækkanir á vöru og þjónustu i kjölfarð, líkt og ætíð hefur verið. Og kaupmáttur rýrni um leið.

Einnig á að fylgja 50 þús. kr. eingreiðasla á árinu ef um semst. (meiriháttar uppbót – jöfnun ) á t.d. húsalánin, sem hækka um hundruð þúsunda á ári hverju, sí hækkandi orkuverði, eldneytishækkana og lengi má áfram telja.

Og ekki má gleyma 38.000.- eingreiðslu þann 1. mars 2014 fyrir þá sem eru í fullu starfi í janúar 2014 og hlutfallslega fyrir þá sem eru í hlutastarfi. (eða þannig)

Talað er um að kjarasamningar almennt nú séu nokkuð góðir, en

hefði ekki verið meira vit, að í eitt skipti fyrir öll að semja á öðrum grunni, t.d. að;

Lágmarks mánaðarlaun yrðu 200.000 þús.

Skattleysimörkin í 200.000 þús. þau eru nú kr. 123.419 (tala tekin á rsk.)

Afnema tekjutengingar á miðjuvæginn og þar undir.

Verðstöðvun í einhverri mynd um ákveðin tíma.

Lækka bankavexti.

Afnema verðtrygginguna.

Allavega finnst mér nú og til margra ára að þessi úrræði yrðu til bóta með afkomu og kaupmátt almennings og myndi vera góð spor í átt að útrýma fátækaragildrum, sem hér hefur varað um of langan tíma. (einnig fyrir hrun)

 

Læt fylgja hér með stórgóða grein, sem ég var að rekast á, eftir Ævar Rafn Kjartansson (áhugaverð skrifin, þessa kjarnyrta manns,)

josira

 

SFR og ríkið sömdu í nótt

Öll erum við af sama meiði ... er sannleikskorn !

 

We are all the same, we are all affected by the way

Þetta myndband segir ýmislegt undir áhrifum hvaða fótspora, við fetum okkar leið, mannkyn í dag.

Allavega ekki er annað hægt, en að hugleiða hvort ekki séu þarna nokkur sannleikskornin að finna !

Þennan fallega sunnudagsmorgun ætlaði ég nú að senda einhver falleg orð og myndir inn í daginn en þetta myndband rak á fjörur mínar, rétt í þessu og ákvað ég að leyfa þvi að fljota hér inn og opnast ..

 

 

josira

(p.s. á í mesta basli með síðueiningarnar hér á síðunni, nú um tíma, stundum hoppa þær yfir allt v/meginn. - kannast einhver viðþetta vandamál ? )

Ekki eðlilegt hve bankakerfið – hagkerfið hefur ráðið för ...

 

 

hér hjá þjóðinni litlu á svo mörgum sviðum og hliðum lífssins og lífsafkomu fólkssins með útreikningum talnanna, sem svo allt of mörgu stjórna og stýra.

Hvað ætli bankarnir, séu búnir að græða á vöxtum og verðbótum lána um áraraðir. Eru þeir farnir að finna fyrir samviskubiti.! En allavega gott framtak, hjá Landsbankanum að byrja að borga eitthvað til baka og vonandi stíga hinir bankarnir sömuleiðis fram. Pínu ljós kannski að sjá í myrkri talnanna.

Burtséð frá hruninu og afleiðingum þess, finnst mér að í marga ártugi t.d. íbúðalán almennt, ásamt öðrum bankalánum, skuldabréfum og yfirdráttum hafa borið ótrúlega háar fjárhæðir í hendur bankanna og annara fjármálafyrirtækja til baka í borgun lánanna. Stundum hef ég hreinlega efast um réttmæti þessara útreikningsformúlna.

Og þetta var ég að lesa á eyjunni.is; (sem styður sumt af þönkum mínum)

Staðfest að lánafyrirtækin beita misjöfnum aðferðum við endurútreikninga

Ég hef reyndar aldrei skilið alla þessa tölulega útreikninga, sem viðhafðir hafa verið hér á Íslandi um allt og langan tíma, miðað við önnur lönd, t.d nágrannalönin. Von mín eftir hrunadansinn 2008 lá til þess, að í öllum uppstokkun og umbreytingum í hagkerfis– og fjármálalausnum fælust ný tækifæri og mannsæmandi viðmið til heilla afkomu fólkssins. Það hefur ekki gerst. 

    

Oft hef ég hugsað um fjármálakerfið og útreikninga í gegnum árin. Þau hafa oft á tíðum mynnt mig á, þegar maður var yngri að árum og var farin að horfa á bíómyndir og sá þegar fólk þurfti að fara til svokallaðra veðmangara, að selja hluti frá sér í nauðum oft á tíðum og fékk miklu minni peninga fyrir, en raunhæft var og eins ef hlutur var settur í pant, þurfti að borga hærri upphæð fyrir er hann var leystur út. Og fannst mér þá, þetta heldur óréttlátt viðskipti.

Og ef fengin var peningur að láni, þá var borgað til baka, með margföldum vöxtum. Og leit maður á veðmangara og veðlánara, sem vonda menn – hálfgerða glæpamenn, sem voru að græða á erfiðleikum annara. 

Síðar þegar ég komst á ungdómsárin og flutti að heiman, stofnaði fjölskyldu og fór að takast á við lífið og tilveruna, líkt og aðrir, þá byrjar hliðarsambúðin við bankakerfið, sem fylgir væntanlega öllu og öllum í gegnum lífið. Hefur mér ætíð fundist útreikningar banka og stofnana minna mig alloft á veðmangarana-veðlánarana, sem maður fékk innsýn í gegnum gömlu bíómyndirnar, sem barn. 

Og lítt skil ég enn, þær reikniformúlur, sem allt byggist á. 

 

“ Hagfræðikerfiskenningalærdómsútreikningur talna sem stjórna lífi okkur, snilldar - úrlausn, eitt af mannanna verkum og stjórnað og stýrt af örfáum útvöldum manneskjum...

 

Og við auðmjúkur almúgurinn fylgir reglugerðinni samviskusamlega eftir...”

Tekið úr eldri færslu; Klækjaklóin...verðtryggingin 

Vangaveltur mínar nú eru tengdar því, að allflestir íbúðareigendur eru með einhver mismunandi lán á eignum sínum. Ætla ég ekki, að fara nánar út í þær skilgreiningar. En þeir þykja heppnir, sem voru með svokölluð hagstæð íbúðalán t.d. undir 5%vöxtum. En ekki hin svokölluðu myntkörfulán. Einnig má sjá að; Staðfest er að lánafyrirtækin beita misjöfnum aðferðum við endurútreikninga (eyjan)

Langar mig bara að tjá mig um hversu ósanngjarnar mér finnst greiðslur til fjármálastofnana og banka almennt vera. Ég vil nefna hér 2 dæmi í formi t.d. venjulegra íbúðalána, sem eru og hafa verið í skilum.

Annað er ósköp venjulegt gamaldagslán tekið hjá Íbúðalánasjóði vorið 2005 kr. 9.000.000 með 4,15% vöxtum. Staða þess í dag er um 13,400,000, 6 árum síðar. Hækkunin nemur um tæpa 5 og hálfa milljón. Sem og hefur að sjálfsögu nánast þurrkað út stóran hluta þess fjármagns, sem viðkomandi íbúðareigandi átti sjálfur í útborgun íbúðarinnar.

Hitt dæmið er íbúðalán tekið hjá Kaupþingi (Arionbanki í dag), sem tekið var undir árslok 2006, einnig kr. 9,000,000 en með 4,85% vöxtum. Í dag stendur þetta lán í um 12,200,000, hækkunin er rúmar 3 millónir á rúmum 4 árum. Þessi 2 lán, sem nefn eru hér standa í skilum og ekki hefur þurft að leita til neyðarúrræða, en alveg á mörkum þess.

Mörg orð mín úr fyrri bloggskrifum fjalla um hugleiðingar mínar í þessa banka-og fjármálaveru og afkomu fólkssins.

Læt fylgja hér með gamlar hugarþanka, síðan 2003 og sýnist mér við nú, vera í sömu sporum og þá. (fyrir útrás bankanna) Blekking í þjóðfélaginu 

josira 

 

(p.s. línubilin að stríða mér, þannig að ég varð að setja litla mynd á milli)

 

  

Endurgreiða hluta af vöxtum

Sigla fley um fagurt land ...

 

" Við skulum fylgjast með í rólegheitum hvað gerist með hækkandi sól og vita hvort ferðamannastraumurinn muni ekki liggja hingað sem endranær. Spurning hvort við þurfum ekki að koma sem flestum skemmtiferðaskipum hingað og helst stefna að því að eignast sjálf 1-2 eða taka á leigu með einhverjum fjárfestum. Þeir ku finnast bæði hér á landi og erlendis. "

Tekið úr bloggfærslu minni fyrir rúmu ári, 27/4 2010, er mikillar bölsýni gætti í umræðum um ferðamanntraum til landssins eftir eldgosið í Eyjafjallajökli og sumir titruðu eftir ummæli Ólafs forseta.´

Ég er enn sama sinnis, gerum út strandferðaskip/skemmtiferðskip hér á Íslandi. Þannig að hægt væri að velja  t.d. að fara hringferð um landið, eða sigla milli landshluta og njóta alls þess sem landið hefur upp á að bjóða. Frábær viðbót, bæði fyrir íslenska og erlenda ferðamenn.

josira

Fljótandi lúxus

Sviði í lungum, vogin og fjallkonan,

Í morgun þegar ég vaknaði, var ég með einhvern sviða í lungunum og leitaði hugur minn að eldgosinu í Grímsvötnum. Sem hjaðnað hefur nú skjótt eftir öfluga virkni þess og krafta síðustu daga, ásamt geysimiklu magni ösku og annara gosefna, sem eftir það liggur og eða berst um með vindum víða.

Enn og aftur má þakka máttarvöldum fyrir að betur rættist úr, en í fyrstu var haldið.

Litlar skemmdir á eignum fólks og skepnufall í lágmarki.

Magnaðar myndir af upphafi gossins, tekanr af Ingólfi Bruun.

Og nú aftur að sviðanum í lungum mínum. Í svefnrofunum var sem ég sæi vogina.

Svona í myndlíkingu sagt;

Sviðinn (erfitt að anda-aska áfram í andrúmslofti) fannst mér tengast því, að ekki væri lokið að sinni alveg dansi náttúrunnar (jarðskjálftar-elgos) En Vogin-gyðjan hallaðist ýmist til hægri eða vinstri undan misþungum vogarskálum sínum. Fannst mér hún standa einhversstaðar á milli Hofsjökuls og Vatnajökuls, fór að skoða landakort og staðsetningin fannst mér eiga við það svæði, sem kallast Háganga syðri og Háganga nyrðri.

Er hún að reyna að skapa jafnvægi, á milli landshluta ? Er hún að ákveða hvort hún eigi að halla þeirri skál, sem þyngri er ? Ætlar hún að minna á sig með haustinu, en tákn vogarinnar er 23 september-21 október eða á næstunni ? (einhver spekingur í afstöðu stjarnna með svör þarna úti ?)

Vogin er stjörnumerki  Vogin er m.a. merki félagslegra samskipta. Þær eru gæddar miklum persónutöfrum en eru oft dular og eiga líka oft erfitt með að taka ákvarðanir. Einnig er hún tákn gyðju réttlætis. Að auki fannst mér þær renna einhvern vegin saman, táknmynd fjallkonunnar okkar og vogarinnar. ( gott að ath. fyrir hvað þær standa.)

Upphaflega fjallkonumyndin var gerð af þýskum málara að nafni J. B. Zwecker eftir fyrirsögn Eiríks Magnússonar sem var bókavörður í Cambridge. Eiríkur lýsir táknum hennar svo í bréfi til Jóns Sigurðssonar 11. apríl 1866:
 

Konumyndin á að tákna Ísland, því hefur hún ískórónu á höfði, sem eldar gjósa upp úr. Á öxl hennar er hrafninn, Íslands einkennilegasti fugl, Óðins forni vin og skáldanna eftirlætisgoð, fréttafugl mikill og margkunnugur. Yfir sjónum flögrar már, en yfir brimsævi tíma og sögu berast rúnakefli að landi eða upp í fang konunni, og hefur hún þegar náð einu þeirra. Þetta átti svo sem að vera symbolum (tákn) bókmenntalandsins og sögulandsins okkar. Yfir er nótt og stirndur himinn og máninn uppi. Á bak við eru fjöll, tunglroðin á eggjunum.

Skrítn skynjun í kolli konu í dag. Kannski er einhverja samlíkingju að finna í þjóðfélagi okkar og ástandi þess, sem meira og minna er úr lagi gengið og hefur í raun marga bagga að bera, sem jafnvel vegna áratuga rangra ákvarðana stjórnvalda þar, sem ekki hefur verið stjórnað af réttlæti eða sanngirni til handa stórum hluta þjóðarinnar.

Við lifum í nánu sambandi við lifandi náttúru þessa lands okkar, elds, vatns og ísa. Það rís og það hnígur, það andar og er í sífellri sköpun. Vitund okkar og hugsanir tengst saman við það. Ekki þykir mér ólíklegt að á þessu ári, sé virkni hennar meiri, en og oft áður og tengist líka til s.l.ára. Of aðgerðalitlar breytingar eru í þjóðarvitundinni á þessu ljóssins landi, sem svo ótalmargt hefur að gefa okkur.

Við eigum að þakka fyrir alla þá vernd, sem æðri máttarvöld hafa gefið okkur nú um langan tíma, þegar náttúrhamfarir hafa átt sér stað hér. Og einnig að biðja um ljóssins vernd og blessun hverjum og einum til handa í bráð og lengd.

Kyrrstaðan í málum þjóðarinnar, vanmáttur hennar og erfið lífsskilirði alltof margra, sem beðið hafa eftir úrlausn til manneskjulegra lífs, meira réttlætis, sem kalla á umbreytingar og nýja þjóðfélagslegar úrbætur, sem óskað var eftir hrunadansinn 2008 eru lítt sjánlegar í hugsun og gjörð, sérstaklega þeirra er landinu stjórna og stýra.

Í ofinni samvitund lands og þjóðar þurfa að stillast strengir. Stundum finnst mér náttúran sé að hjálpa til með að kasta af sér hlekkjum gamalla hugsunar- og hegðunarmynstra og koma orku okkar í nýjan farveg með hreyfingum sínum. Við vitum líka, að gildi lífssins breytast í nágvígi náttúruhamfara. Fjármálaöflin hér vega allt of mikin þunga, í skálum réttlætis og jafnvægis. Breytum því. Og stöndum ætíð vörð um náttúruauðlindir okkar í lofti, láði og legi ...

 

josira  

 

 

Vefmyndavélar víða um Ísland ...

Gott að geta skoðað svona í beinni, hina og þessa staði eftir þörfum á landinu.  t.d. veður og færð.

Var að vafra um netheima og leita að vefmyndavélum og ákvað að setja slóðirnar, sem ég fann á bloggsíðuna mína til vinstri undir Tenglar... svona til að safna þeim saman ... og hafa af því gagn og gaman ...

Vefmyndavélar Mílu

• Bláa Lónið
• Reykjavíkurtjörn
• Eyjafjallajökull frá Þórólfsfelli
• Jökulsárlón
• Gullfoss
• Austurvöllur
• Eldgos í Grímsvötnum

Vefmyndavélar á veður.is

Vefmyndavélar vegagerðarinnar

Nýjar Íslands vefmyndavélar

Vefmyndavélar víða um heim

 

Á Youtube er að sjá ýmis myndbönd frá gosslóðunum ...

 

Læt fylgja hér með myndband um fæðingu Venusar á Austurvelli s.l. laugardag rétt áður en gosið hófst.

josira

 

Að fylgjast með eldgosinu og nöturlegu vetrarveðrinu fyrir austan ...

finnst manni hálf óraunverulegt hér í höfuðborginni. Í vegalengdum er stutt á milli landshluta, örfáir klukkutímar, en nú er sem suðaustur, norðaustur og austurhlutar landsins, sé í fjarlægu landi. Svo ólíkar eru aðstæðurnar.

Aska og mistur liggur um á Kirkjubæjarklaustri og nágrenni og nokkrir íbúanna hafa hafa yfirgefið gossvæðið. Vonandi aðeins um stuttan tíma. (sendum bæn til æðri máttarvalda um rigningu á svæðið)

 

Og eins og segir á fréttavef ruv; Vetrarríki og ófærð er víða á Norðaustur-og Austurlandi. Fjallvegir eru ófærir eða þungfærir og skafrenningur og hálka víða á láglendi. Og á vef mbl; Hér hefur snjóað í marga daga á Seyðisfirði

(fannfergi á Egilsstöðum)

Það má með sanni segja að við lifum í landi andstæðna, landi elds, íss og vatns...

Ég er þess fullviss að hugur og hjörtu allra landsmanna, eru með fólkinu fyrir austan og það hjálpar meir en við vitum.

josira 

Náttúruöfl íss og elda ...

 

Á laugardaginn s.l. var ég óvænt, áhorfandi að kraftmiklu sjónarspili katalónska fjöllistahópssins La Fura dels Baus á Austurvelli á opnunaratriði Listahátíðar Reykjavíkur. Var það áhrifamikið að heyra tónlistina og sjá listafólkið tjá sig upp í háloftunum. Þarna voru einnig með íslenskir ofurhugar.

 

 

 

En þegar ég kom síðan heim, byrjaði ég reyndar á því að fara á vedur.is og ath. með jarðskjálftavirki og hvort eitthvað væri í aðsigi. Því mér leið bara þannig einhvern vegin og kom mér ekki á óvart að sjá hvernig kortið leit út.

  

Hófst síðan eldgos í Grímsvötnum um það leyti eða stuttu síðar. Og hefur hugur minn verið hjá fólki og skepnum fyrir austan síðan gosið hófst í, líkt og hjá öllum öðrum. Við mannfólkið erum svo varnarlaus og smá í nágvígi við náttúruöflin. Og nú er þörf fyrir að biðja máttarvöld og verndarvætti að vaka yfir og vernda land og þjóð á þessum umbrota og breytingatímum. Gildi lífssins breytast í návígi náttúruhamfara.

Um tíma hef ég fundið fyrir þyngslum í líkamanum og kuldahrolli af og til og einhvern vegin haft þá tilfinningu að stutt væri í náttúruhamfarir-eldgos. Og hafði reyndar sagt við eldri dóttir mína á fimmtudag að sennilega myndi byrja eldgos nú um helgina, sem og reyndist vera. Samt hef ég ekki fundið fyrir sterkum beyg gagnvart gosinu, sem nú er, þó aðstæður séu nöturlegar í sveitunum undir jöklinum. Einhvernvegin leitar hugur minn þá frekar í átt að Öskjusvæðinu. 

Það eina sem við getum gert er, að vona það besta hverju sinni og að biðja þess í hjörtum okkar að mönnum og skepnum verði ætíð borgið, þegar jörðin byltist svona um og er með hugsanlegar fæðingahríðir. Við erum jú einu sinni fædd hér á þessu magnaða landi, elds, íss og vatns og höfum lært að lifa með því gegnum aldirnar.

(úr fyrri skrifum um gosið í Eyjafjallajökli) 

Ætíð er óvíst hvort hún léttir á sér á yfirborðinu eða hulin undir jökli eða annars staðar djúpt undir niðri. Og eins má minna á, að ekkert er fyrirsjáanlegt 100%, hvort, hvernig eða hvar eldgos hefst í kjölfar jarðhræringana, mælitækin mæla margt, en jörðin sjálf ákveður stund og stað, hverju sinni. 

Ég er nú bara þessa dagana að hugleiða, hvað í raun og veru á svo marga vegu það er, sem náttúran með ýmsum táknum og sagan er ætíð að tala til okkar. Samspil ólíkra þátta, tengjast svo oft finnst mér.

Og nú ætla ég að snúa mér að skrifunum, sem ég byrjaði á. Því mér fannst listaatriðið á Austurvelli hafa jafnvel eitthvað táknrænt að segja til okkar. (vissi ekki þá um hvað það var og sá lítið nema fólkið í háloftagrindinni).

Langaði mig að forvitnast um hvort eitthvað væri um túlkun listaverkssins á netinu. Og reyndist það vera um fæðingu Venusar; ( Magnað myndband af sýningunni ) og var flugumferð bönnuð á meðan.

Las áðan að í kringum 20. maí myndi Venus tengjast Mars í Nautinu. ! ( í stjörnuspeki-týndi linknum) Er ekki einhver þarna úti, sem er fróður í stjörnuspeki og afstöðu stjarnanna svona almennt um þessar mundir og á komandi vikum. ?

En allavega, leiddu þessar hugleiðingar huga mínum að stjörnunni  – gyðjunni - Venus. Reynist hún einnig tengjast til stjörnunnar –eld -og herguðssins – Mars . Þetta getur verið umhugsunarvert sýnist mér, sem vísar á þegar jafnvægi skapast á milli andstæðra afla (orku) t.d. kvenorkan-karlorkan-yan-yang-eldur-vatn-ljós-myrkur og s.fr.

Hér eru fleiri tenglar um þau á ísl;

http://www.stjornuskodun.is/solkerfid/venus/ 

http://www.stjornuskodun.is/solkerfid/mars

Ég skrifaði svo margt um hugar- og tilfinningaþanka mína um náttúruna og öfl þeirra í mars-apríl og maí 2010, sem og má finna hér til hliðar. Margt af því finnst mér eiga einnig við hér þessa dagana og þá er ég að vísa í þjóðfélagsmál okkar og ástand, sem mér finnst almennt ekki komin i þann farveg, sem þau ættu að vera.

Læt fylgja með nokkur eldri orð úr skrifum mínum þegar Eyjafjallajökull gaus;

Ég held að móðir náttúra sé í þessum fæðingarátökum (hríðum) sínum, á jöklinum, að hjálpa til um losun neikvæðrar orku, sem ríkt hefur í þjóðfélagi okkar um jafnvel miklu lengri tíma, en við gerum okkur enn grein fyrir. Sem og nær bæði yfir haf og heiðar.

Í myndlíkingu mætti segja að;

í þjóðfélaginu, heldur hún áfram hjálp sinni, með því að bylgast um og hreyfast í takt við að koma ósómanum, sem þrýstist orðið upp á yfirborðið (reykjabólstrar hennar, sem og berast erlendis) nánast á hverjum degi, hjá mönnum, stofnunum og fyrirtækjum í hinum hlykkjótta dansi hinna spilltu talna (tölur peninga á blöðum), sem stjórnað hafa og stýrt þjóðfélaginu á svo margan máta, um allt of langan tíma.

Við viljum fá að sjá nýtt Ísland, byggt á góðum mannlegum grunni, þar sem réttlæti á að ríkja, en óstjórn og svik að víkja. Þannig að enn um stund þarf orka jarðar að halda áfram með losun sína. Því hún er að létta um hjá sér og með okkur. Athugum að neikvæð orka (hugsun) mannanna síast einnig til náttúrunnar og geymist þar.

Og nú held ég að Venus og Mars séu að sameinast í dansi náttúrunnar hjá okkur og hjálpa til að sameina það neikvæða og jákvæða til jafnvægis. Og vona ég að þessi samsvörun, sem ég sé í þeim verði til þess að allt fari vel fyrir austan og að þetta karp og þras taki enda hjá stjórnmálamönnum okkar og við tökum höndum saman við að skapa hér manneskjulegra þjóðfélag. Gildi lífssins breytast í návígi náttúruhamfara.

Þökkum fyrir alla þá guðdómlegu ljóssins vernd, sem við höfum fengið hér á Íslandinu og höldum áfram að biðja fyrir landi og þjóð, sem og öðrum löndum og þjóðum og að alheimskærleikur og heilunarorka umvefji móðir jörð og allt hennar lífríki á þessum umbreytingartímum, sem við mannkyn erum að ganga í gegn um.

Í átt að nýjum og manneskjulegri þjóðfélögum, með auknu réttlæti, samkennd og raunsærri stjórnun, sem stuðlar einnig að mannfrelsi og friði.

josira

(p.s. búin að vera hér allt of lengi að bagsa við að laga línubil og fl. er hætt og vona að þetta sé læsilegt, þó þétt sé ...) er enn að reyna aðlaga þetta